JUAN 15
15
1Ako #Awit 80:8. ang tunay na puno ng ubas, at ang aking Ama ang magsasaka.
2Ang bawa't sanga #Mat. 15:13. na sa akin ay hindi nagbubunga, ay inaalis niya: at ang bawa't sanga na nagbubunga ay nililinis niya, upang lalong magbunga.
3Kayo'y #Juan 13:10. malilinis na sa pamamagitan ng salita na sa inyo'y aking sinalita.
4 #
Juan 6:56. Kayo'y manatili sa akin, at ako'y sa inyo. Gaya ng sanga na di makapagbunga sa kaniyang sarili maliban na nakakabit sa puno; gayon din naman kayo, maliban na kayo'y manatili sa akin.
5Ako ang puno ng ubas, #Rom. 6:5; Ef. 4:15, 16; 5:30; Col. 2:19. kayo ang mga sanga: Ang nananatili sa akin, at ako'y sa kaniya, ay siyang nagbubunga ng marami: sapagka't kung kayo'y hiwalay sa akin ay wala kayong magagawa.
6Kung ang sinoman ay hindi manatili sa akin, ay siya'y matatapong katulad ng sanga, at matutuyo; at mga titipunin at #Mat. 13:40-42. mga ihahagis sa apoy, at mangasusunog.
7Kung kayo'y magsipanatili sa akin, at ang mga salita ko'y magsipanatili sa inyo, ay #tal. 16; Juan 14:13. hingin ninyo ang anomang inyong ibigin, at gagawin sa inyo.
8Sa ganito'y lumuluwalhati ang aking Ama, na kayo'y magsipagbunga ng marami; at gayon kayo'y magiging aking mga alagad.
9Kung paanong inibig ako ng Ama, ay gayon din naman iniibig ko kayo: magsipanatili kayo sa aking pagibig.
10Kung tinutupad ninyo ang aking mga utos, ay magsisipanahan kayo sa aking pagibig; gaya ng aking pagtupad sa mga utos ng aking Ama, at ako'y nananatili sa kaniyang pagibig.
11Ang mga bagay na ito ay sinalita ko sa inyo, upang ang #2 Cor. 2:3. aking kagalakan ay mapasa inyo, at upang ang #Juan 16:24; 17:13. inyong kagalakan ay malubos.
12Ito ang aking utos, #tal. 17; Juan 13:34. na kayo'y mangagibigan sa isa't isa, na gaya ng pagibig ko sa inyo.
13Walang may lalong dakilang #Juan 10:11, 15; Rom. 5:7, 8; Ef. 5:2. pagibig kay sa rito, na ibigay ng isang tao ang kaniyang buhay dahil sa kaniyang mga kaibigan.
14Kayo'y aking mga kaibigan, kung gawin ninyo ang mga bagay na aking iniuutos sa inyo.
15Hindi ko na kayo tatawaging mga alipin; sapagka't hindi nalalaman ng alipin kung ano ang ginagawa ng kaniyang panginoon: nguni't tinatawag ko kayong mga kaibigan; #Juan 17:26. sapagka't ang lahat ng mga bagay na narinig ko sa aking Ama ay mga ipinakilala ko sa inyo.
16Ako'y hindi ninyo hinirang, nguni't kayo'y #Juan 6:70. hinirang ko, at aking kayong inihalal, upang kayo'y magsiyaon at magsipagbunga, at upang manatili ang inyong bunga: upang ang #tal. 7; Juan 14:13. anomang inyong hingin sa Ama sa aking pangalan, ay maibigay niya sa inyo.
17Ang mga bagay na ito ay iniuutos ko sa inyo, upang kayo'y mangagibigan sa isa't isa.
18Kung kayo'y kinapopootan ng sanglibutan, ay inyong #1 Juan 3:13. talastas na ako muna ang kinapootan bago kayo.
19Kung kayo'y taga sanglibutan, ay #1 Juan 4:5. iibigin ng sanglibutan ang kaniyang sarili: nguni't #Juan 17:14. sapagka't kayo'y hindi taga sanglibutan, kundi kayo'y hinirang ko sa sanglibutan, kaya napopoot sa inyo ang sanglibutan.
20Alalahanin ninyo ang salitang sa inyo'y aking sinabi, #Juan 13:16. Ang alipin ay hindi dakila kay sa kaniyang panginoon. Kung ako'y kanilang pinagusig, kayo man ay kanilang paguusigin din; kung tinupad nila ang aking salita, ang inyo man ay tutuparin din.
21Datapuwa't ang lahat ng mga bagay na ito ay gagawin nila sa inyo #1 Ped. 4:14, 16. dahil sa aking pangalan, #Juan 16:8. sapagka't hindi nila nakikilala ang sa akin ay nagsugo.
22Kung hindi sana ako naparito #Juan 9:41. at nagsalita sa kanila, ay hindi sila magkakaroon ng kasalanan: datapuwa't ngayo'y wala na silang madadahilan sa kanilang kasalanan.
23Ang napopoot sa akin ay napopoot din naman sa aking Ama.
24Kung ako sana'y hindi gumawa sa gitna nila #Juan 3:2; 7:31; 9:32; 10:37. ng mga gawang hindi ginawa ng sinomang iba, ay hindi sana sila nangagkaroon ng kasalanan: datapuwa't ngayon ay kanilang nangakita at kinapootan nila ako at ang aking Ama.
25Nguni't nangyari ito, upang matupad ang salitang nasusulat sa #Juan 10:34. kanilang kautusan, #Awit 35:19; 69:4. Ako'y kinapootan nila na walang kadahilanan.
26Datapuwa't pagparito #Juan 14:16, 26. ng Mangaaliw, na aking susuguin sa inyo mula sa Ama, sa makatuwid baga'y ang Espiritu ng katotohanan, na nagbubuhat sa Ama, ay siyang magpapatotoo sa akin:
27At kayo naman ay magpapatotoo, sapagka't kayo'y nangakasama ko #Luc. 1:2; Gawa 1:21. buhat pa nang una.
Kasalukuyang Napili:
JUAN 15: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982