Matias 3
3
Bobita ra Yohanes tukanga baptis
(Mrk. 1:1-8; Luk. 3:1-18; Yoh. 1:19-28)
1Palisi'i musungu muḏuo i'a Yohanes tukanga baptis 'o sapolo toma daeraha Yudea toma daeraha baulaco re 'o mulaingi singadolo habari 2ma betongo so'o ne: “Ni maḏibo toma ngo'omo boloto sababu ti'ara riwara Soroga ma Pareta#3:2 “Soroga ma Pareta” ma tero Ma Jou'ongu Madutu 'ai Pareta 'i ngadolo.”#Mat. 4:17; Mrk. 1:15 3Nabi Yesaya 'o kanau pasala ḏua mangale Yohanes gena-ge ma betongo so'o ne:
“ 'Age rema ngowa'a matengo 'o kanau siduga-duga toma daeraha baulaco so'o ne:
‘Sidodahe ngo'omo di'a Ma Jou,
siboloto ngo'omo gena-ge di'a Unanga.’ ”#Yes. 40:3
4Yohanes 'ai baju 'i si'a'a reo 'unta ma gogo re 'ai golona ma bi-biri'u 'i si'a'a reo haiwani ma 'eno'o,#3:4 'A Yohanes 'ai pakeanga ma tero sa'olo 'a Elia 'ai pakeanga. re 'ai ngo-ngoromo 'o cocoḇiti re 'o madu bangana.#2'Oln. 1:8 5Ngowa'a toma limau Yerusalem ino, ngowa'a toma daeraha Yudea mo-moini re ngowa'a toma daeraha lelegu mo-moini ga'a ma'u se-sebanga Ḇanyo Yordan, ananga manga repe 'aḏi matai sapolo ra Yohanes. 6Ananga 'aḏi mangaku manga ḏosa-ḏosa, kara 'a Yohanes ya'u baptis ananga toma Ḇanyo Yordan.
7Ngowa'a Farisi re ngowa'a Saduki manga repe ḏi'i 'aḏi sapolo ra Yohanes di'a 'aḏi sanga baptis. Mada'a wakutu unanga oḏi'i ananga 'aḏi sapolo, unanga 'o kanau i'a ra ananga, “Ngini ngowa'a ma jira ma ju'uda ma tero sa'olo cuku'u rema bisa ma ngowa! 'A guna 'o kanau ra ngini mangale na'o 'aḏi sanga baptis ḇato ngini ḏuanga i'a sanga hukumu ua ra Ma Jou'ongu Madutu!#Mat. 12:34, 23:33; Luk. 3:7 8Sijumu taninga de'oso re ḏegoro mangale ngini reni maḏibo mode-mode'e toma ngo'omo boloto! 9Awa ngini ni ta'ajiri taninga 'akala re sinyingara, ‘Ngomi mi sanga hukumu ua sababu Abraham ngomi minga ete re dotumu.’ Sababu Ngoi to siajele ra ngini nena-ne: Ma Jou'ongu Madutu nga'unu 'o sidadi maḏi-maḏi nena-ne 'i dadi Abraham 'ai ju'uda!#Yoh. 8:33 10Ma Jou'ongu Madutu ro ḏu-ḏuanga ḏua 'O sihukumu ngowa'a ga'a 'aḏi maḏibo ua toma ngo'omo boloto ma tero sa'olo tama'ono 'i ḏu-ḏuanga ḏua di'a sitawele ate re sitola'a ngadolo toma utu'u. Sababu gena-ge, na'o ate gena-ge ma sowo'o 'i rousu ua, ḏuanga i'a 'a tawele re 'a upa'a toma u'u ma dara.#Mat. 7:19
11Ngoi to baptis ngini reo ḇanyo sa'olo nana'o rimoi mangale ngini reni maḏibo toma ngo'omo boloto. Mada'a togumu i'a Unanga ga'a ḏuanga i'a 'O sapolo di'a baptis ngini rema Ngagara 'Ofi-'Ofi re u'u. Unanga lebe la-lamo'o ra ngoi, ta gasa 'Ai tarupa mai patasa ua. 12Gena-ge ma tero sa'olo Tai giama 'age rema garpu lamo'o, re Unanga ḏuanga i'a 'o sitaro'o gandum mo-moini singadolo 'i 'ofi. Gandum rema la'eme ḏuanga i'a sigare toma titila ma dara, mada'a ma 'omanga 'i siupa'a toma u'u kama sengene ua.”
Yesus sanga baptis ra Yohanes
(Mrk. 1:9-11; Luk. 3:21-22)
13Toma 'orasa gena-ge Yesus toma Galilea ino 'O sapolo toma Ḇanyo Yordan. I'a da'a Unanga ma'u sanga ra Yohanes, re 'O golo'o 'a Yohanes 'o baptis Unanga. 14Mada'a Yohanes tai'i 'a itomo Yesus 'ai go-golo'o re 'o kanau, “Ngoi balasu mode-mode'e to sanga baptis ra Jou, mada'a nange-ne Jou no sapolo di'a sanga baptis ra ngoi!”
15Mada'a Yesus 'a sangoro, “Nange-ne sieanga ḇato so'o gena sababu wa si'a'a so'o nena-ne ngene wo 'a'a mete'e Ma Jou'ongu Madutu 'ai 'akala ma mau.” Dadi 'a Yohanes 'o baptis Yesus.
16Sanga baptis togumu i'a, Yesus 'o baolo toma ḇanyo, kage-kage diwanga 'i talanga re Yesus 'o oḏi'i Ma Ngagara 'Ofi-'Ofi 'i matuhu ma tero sa'olo namo dara 'i 'uci ra Unanga. 17Gena ḏua, ananga 'aḏi 'isene Ma Jou'ongu Madutu 'ai iḏingi ma betongo so'o ne: “Unanga nena-ne, 'Ari Ngowa'a Nau'u Ta dadalara, Ngoi 'ari 'akala re sinyingara ma sanangi Ta sipa'ala ra Unanga.”#Do. 22:2; Nya. 2:7; Yes. 42:1; Mat. 12:18, 17:5; Mrk. 1:11; Luk. 9:35
Kasalukuyang Napili:
Matias 3: SNT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2015 © Indonesian Bible Society