Lyfr y Psalmau 6
6
1Arglwydd, na cherydda f’ enaid
Yn dy lid yn danbaid iawn;
Ac na chospa ’th blentyn euog
Yn dy ddigter llidiog llawn:
2Dangos immi dy raslonrwydd,
Llesg yw ’nghalon, gwael, a gwyw;
O iachâ ddyrnodiau ’th gerydd,
F’ esgyrn beunydd sydd yn friw.
3Dirfawr y dychrynwyd f’ enaid
Gan dy gerydd digllon Di;
Tithau, Dduw, ai byth heb ddiwedd?
O pa hyd y cospi fi?
4Dwg dy law yn ol i’m gwared,
Arbed yn dy ras a’th hedd;
5Pwy a’th gofia ym marwolaeth?
Pwy a’th fawl yn llwch y bedd?
6Llwyr ddiffygiais gan fy ochain,
Gan f’ wylofain nos a dydd;
Gwlyb yw ’ngwely gan fy nagrau,
A’m gorweddle ’n foddfa sydd:
7Pylodd canwyll glir fy llygad,
Arglwydd, gan gyfyngder f’ oes;
Dwl a thywyll yw ’m golygon,
Herwydd fy ngelynion croes.
8Ciliwch oll ym mhell oddi wrthyf,
Ddynion anwir; 9clybu ’m Duw
Lef wylofus fy neisyfiad;
Gwrandâwr gweddi ’r eiddil yw:
10Mewn gwaradwydd a thrallodion
Bo ’m gelynion cas i gyd;
Poed ddisymmwth eu dychweliad,
Ffoant oll yn warth i’r byd.
Kasalukuyang Napili:
Lyfr y Psalmau 6: SC1850
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Y Psallwyr gan y Parch. Morris Williams (Nicander). Cyhoeddwyd gan H. Hughes, Llundain 1850. Cafodd y testun ei ddigideiddio gan Gymdeithas y Beibl yn 2021.