Kejadian Uram 29
29
Yakub bira er mam Laban ai kuramwe deyok
29:1-30
1Ura, Yakub a bindoka mabmou dikum aryi anaboka Kanaan mutuk yaletam binmou. 2Ura, bindoka dibde yibaramwe uca, a mutuk dam asi me lokamiryi kweramyi asi eibmou. Ani, tonda bisam domba toto, kambing toto, olong winiryi a mablalabmai asi ton eibmou. A me kweramnyi dam ara sun bisam yabwe me kwebde kareramnyi deyok aryi ato kubmou. Ba, a me lokamya um bisik ara ilila keil aryi bublan tiringdongoramnyi. 3Ba, bisam kalingna nang aryi bisam kambing toto, domba toto, boboka bulubingnyi ura, a me bublan kukoka me kweboka kareramnyi. Sirya bublan kukoka karebingnyi ura, ila keil aryi bublan tubto tiringdongoramnyi dam asi binmou. 4Ura, Yakub biryi sunsi ato eboka asibmou, “Sunda dan mutuk nang da?” eboka asibmou. Uca, sunci, “Nunda Haran nang kunmab,” ebmai. 5Tonda ato eboka asibmou, “Sunda Laban ton bingdarur do? Er abwe bira Nahor bitiba,” ebmou. Uca, a nang aryi, “Nun bingnub.” 6Ani, Yakub biryi tubto asibmou, “Laban erda teleb akwe kurur do?” ebmou. Uca, a nang aryi, “Erda teleb akwe kurur,” ebmai. Uca, a talak aryok Rahel o yangau asi asing eibmai ura, “Er nebnyi Rahel er bisam domba toto, kambing toto o bobdaninyangar o dibderum!” ebmai. 7Ura, Yakub biryi a bisam winin nang asi ato ebmou, “Inina kum kubmar ati, sun bisam domba toto, kambing toto, me kweboka karebmunyi ura, bisam winibde kundarur mutuk tubto kalingbindarur,” ebmou. 8Uca, a nang aryi ato ebmai, “Nun bisam yabwe nirya boboka buluna kum kubmab ati, a ebmarim to kunuboka kum binkwamab. Eda, nun bisam yabwe nirya bulubmunyi ura, nun bisam yabwe ati me bublan kukoka karebde kuronkwamab,” ebmai.
9Ura, Yakub ab, bisam winin nang ab sisingnabyi talak aryi Rahel bisam kambing toto, domba toto bobdanin yanganmou ani, sun dam tingyanmou. A bisam yabwe ara er nai Laban bisam asi er winiramwe deyok aryi bisam yabwe me dam boyanmou. 10Ura, Yakub biryi Rahel bisam yabwe a boyanganmou asi asing eibmou ura, Yakub er dam binmouci, me bublan kukdeiboka a bisam yabwe asi me kwebminikmou. 11Ura, Yakub biryi er kwin kabwa ner Rahel bisi u kunkubdobmouci, ilinto engebmou. 12Ura, Yakub biryi, “Nira kan nai Laban er malner Ribka er mi yanman,” ebmou. Ba, Rahel ola cukaboka atei binmou ura, er nai Laban bisi Yakub ebmou to nukmou. 13Ba, er mam Laban a uram kekebmou ura, cukaboka er mi Yakub bisi yandoka iribdobmouci, er u kunkunuboka kibdobmou. Ura, er atei wengbinmarei. Ura, Yakub biryi er mam Laban biti er deirin deyok libmou. 14Ba, er mam Laban biryi ato ebmou, “Kanda ni ining aca,” ebmou. Ura, Yakub bira wala tentok tonkwa a kuramnyi.
15Yakub bira tonkwa a kuramnyi ani, uki tentok tum ara er mam Laban biryi ato ebmou, “ ‘Ni mining ining aca, dekwankununa kuma,’ kum ebkitinyi. Ati, ni il doraniminyi dinyi ara kanci, ‘A keica asi deknurum,’ ebminyi dinyi karebkwankin,” ebmou. 16Er mam Laban bira nerabwe bitinyi deiamwe ba, neandei. Du ner si ara Lea. Ba, weit ner si ara Rahel. 17Du ner Lea er asing ara asing dikumto asing boamwe aryi ninyi kanyi mantanakman kum urasin boamwe. Bok, Rahel er urasin ab, er kurongna ab ara telebto akwe kunuramwe. Ani, er urasin ababyi urasin iya telebto ner nun neboka kuramwe. 18Ura, Yakub bira Rahel bisi er kanyi kuramwe deyok aryi er mam Laban bisi ato ebmou, “Nai mam, kan nebnyi weit ner Rahel bira ni dobkwan ati, kan wa kwalina tabaryi ibkwankin. Ati, mundu lobnurum,” ebmou. 19Uca, er mam Laban biryi ato ebmou, “Ni nebnyi yuk nang asi kamdeirina ara malyito ati, ni mi kansi dona ara kikiman. Ati, kan ab, ni ab tonkwa a kuronkwanim,” ebmou. 20Ato kuboka Yakub kwalina tabaryi er mam wa il dobde kuramwe. Kwalina tabaryi il doramwe ara uki weik aryi boubmanto bok, Rahel bisi kanyi deiamwe deyok aryi uki mitikto il donmangiryi boraming kanyi deiamwe aryi er bouna kum kuramwe.
21Ura, Yakub biryi Laban bisi ato ebmou, “Nai mam, kwalina tabaryi sirya il dobkin ati, kan nebnyi weit ner Rahel kabdeibnurum,” ebmou. 22Ba, Laban biryi akatei ninyi nirya nabmou. Ura, buluryanmai ba, er nebnyi te murumna li dobmaici, kwaning ab, me ab tonkwa yibmai. 23Lukunda ara Laban biryi Rahel bisi kanyi deiamwe ner ara takloboka, er nebnyi du ner Lea bisi boboka Yakub bisi kamdeirirbinmou ba, tonkwa mabmarei. 24Ura, Laban biryi Lea ai me ilingna ner Zilpa doboka karebmou. 25Yakub ab, Lea ab mabmarei ani, berekmou ba, dinmou uca, Rahel kuma, eda Lea bisi tonkwa a mabmarei ake. 26Ura, Laban bisi bindoka ato ebmou, “Nai mam, kan ato kubmanirim ara unati kubmanirim da? Ni kan il dokunun ara, ‘Rahel bisi dobkwan,’ tenen il dobde kunun. Unati, kwebdanmanirim do?” eboka erekdobmou. 27Uca, er mam Laban biryi ato ebmou, “Nun mutuk ara du ner a kuranci bok, takdongoboka weit ner asi minob ninyi kamdeirina ara ton kum kunung. 28Ati, ukura ni nebnyi ton ner kabdeibmakinci, li dobmonwe uki asi uki tabaryi sirya bisibci ura, weit ner aminda kabdeibkwankin. Bok, kwalina tubto tabaryi il dobniminyi ura, a il doraminyi dinyi dengninto kubkwankin,” ebmou.
29-30Ura, kunmai ani, uki tabaryi sirya bisibmou ura, Yakub biryi Rahel dobdobmou. Ura, Laban biryi er nebnyi weit ner er me ilingna ner Bilha iniboka Rahel bisi bobinmou. Ba, Yakub biryi Rahel bisi ababyi tonkwa mabmarei. Ura, Yakub bira Rahel bisi iya kanyi oamwe. Ba, Lea bira alib langlang doamwe. Ato kuamwe deyok aryi Yakub biryi weit ner Rahel dekwamwe ati, er mam Laban wa kwalina tabaryi tubto il doramwe.
Yakub deibdoba deyok
29:31-35
31-32Ura, Er Iya Erebdobnyi biryi diramwe uca, Yakub bira Lea kanyi deirina kum kuramuryi, alib langlang doamwe asi asing eibokmou. Eda, Rahel bira mi you ner kuramwe. Ba, Er Iya Erebdobnyi biryi Lea bisi mi deirina kum kuramwe asi mi deirin ner kibdeibmou ba, yuma mi mundu boboka sal mi deibmou. Ura, a mi er si ara Ruben eboka si dobmou. Ruben ena ara sun uram aryi, “Ni akenyi biryi, ‘Mi deirina kum ner,’ tenen aryi kanyi kum deiriranou. Asi ukura Er Iya Erebdobnyi biryi nisi kalingnurur deyok aryi a mi deibne. Ati, ukura ni akenyi biryi nisi kanyi deirinkwanir,” eboka Ruben eboka si dobmou. 33Ani, Lea tubto mundu bobmouci, sal akwe ton deibmou. Ura, Lea biryi a mi si dobkwamou ura, ato ebmou, “A mi deibman ara ni akenyi kanyi kum deiriranou asi, Er Iya Erebdobnyi biryi ni kuranwa eirinurur deyok aryi ni mi karebmanir. Ati, a mi si ara Simeon eboka si dobne,” ebmou. 34Tubto a talak kunmou ani, mundu bobmouci, sal akwe deibmou. Ura, a mi si ara, “Mabwe winiryi ni akenyi biti deibkarebne ati, nisi iya kanyi deibdobkwanirca,” ena ati Lewi eboka si dobmou. 35A talak kunmou ani, tubto mundu bobmouci, sal akwe deibmou. Ura, a mi si ara Yehuda eboka si dobmou. Ara, “Er Iya Erebdobnyi bisi, ‘Nai ni babya,’ eboka kibdobne,” ena ati ato eboka si dobmou.
Kasalukuyang Napili:
Kejadian Uram 29: MTG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
@LAI 2007 (New Testament), @LAI2022 (Old and New Testament)
Kejadian Uram 29
29
Yakub bira er mam Laban ai kuramwe deyok
29:1-30
1Ura, Yakub a bindoka mabmou dikum aryi anaboka Kanaan mutuk yaletam binmou. 2Ura, bindoka dibde yibaramwe uca, a mutuk dam asi me lokamiryi kweramyi asi eibmou. Ani, tonda bisam domba toto, kambing toto, olong winiryi a mablalabmai asi ton eibmou. A me kweramnyi dam ara sun bisam yabwe me kwebde kareramnyi deyok aryi ato kubmou. Ba, a me lokamya um bisik ara ilila keil aryi bublan tiringdongoramnyi. 3Ba, bisam kalingna nang aryi bisam kambing toto, domba toto, boboka bulubingnyi ura, a me bublan kukoka me kweboka kareramnyi. Sirya bublan kukoka karebingnyi ura, ila keil aryi bublan tubto tiringdongoramnyi dam asi binmou. 4Ura, Yakub biryi sunsi ato eboka asibmou, “Sunda dan mutuk nang da?” eboka asibmou. Uca, sunci, “Nunda Haran nang kunmab,” ebmai. 5Tonda ato eboka asibmou, “Sunda Laban ton bingdarur do? Er abwe bira Nahor bitiba,” ebmou. Uca, a nang aryi, “Nun bingnub.” 6Ani, Yakub biryi tubto asibmou, “Laban erda teleb akwe kurur do?” ebmou. Uca, a nang aryi, “Erda teleb akwe kurur,” ebmai. Uca, a talak aryok Rahel o yangau asi asing eibmai ura, “Er nebnyi Rahel er bisam domba toto, kambing toto o bobdaninyangar o dibderum!” ebmai. 7Ura, Yakub biryi a bisam winin nang asi ato ebmou, “Inina kum kubmar ati, sun bisam domba toto, kambing toto, me kweboka karebmunyi ura, bisam winibde kundarur mutuk tubto kalingbindarur,” ebmou. 8Uca, a nang aryi ato ebmai, “Nun bisam yabwe nirya boboka buluna kum kubmab ati, a ebmarim to kunuboka kum binkwamab. Eda, nun bisam yabwe nirya bulubmunyi ura, nun bisam yabwe ati me bublan kukoka karebde kuronkwamab,” ebmai.
9Ura, Yakub ab, bisam winin nang ab sisingnabyi talak aryi Rahel bisam kambing toto, domba toto bobdanin yanganmou ani, sun dam tingyanmou. A bisam yabwe ara er nai Laban bisam asi er winiramwe deyok aryi bisam yabwe me dam boyanmou. 10Ura, Yakub biryi Rahel bisam yabwe a boyanganmou asi asing eibmou ura, Yakub er dam binmouci, me bublan kukdeiboka a bisam yabwe asi me kwebminikmou. 11Ura, Yakub biryi er kwin kabwa ner Rahel bisi u kunkubdobmouci, ilinto engebmou. 12Ura, Yakub biryi, “Nira kan nai Laban er malner Ribka er mi yanman,” ebmou. Ba, Rahel ola cukaboka atei binmou ura, er nai Laban bisi Yakub ebmou to nukmou. 13Ba, er mam Laban a uram kekebmou ura, cukaboka er mi Yakub bisi yandoka iribdobmouci, er u kunkunuboka kibdobmou. Ura, er atei wengbinmarei. Ura, Yakub biryi er mam Laban biti er deirin deyok libmou. 14Ba, er mam Laban biryi ato ebmou, “Kanda ni ining aca,” ebmou. Ura, Yakub bira wala tentok tonkwa a kuramnyi.
15Yakub bira tonkwa a kuramnyi ani, uki tentok tum ara er mam Laban biryi ato ebmou, “ ‘Ni mining ining aca, dekwankununa kuma,’ kum ebkitinyi. Ati, ni il doraniminyi dinyi ara kanci, ‘A keica asi deknurum,’ ebminyi dinyi karebkwankin,” ebmou. 16Er mam Laban bira nerabwe bitinyi deiamwe ba, neandei. Du ner si ara Lea. Ba, weit ner si ara Rahel. 17Du ner Lea er asing ara asing dikumto asing boamwe aryi ninyi kanyi mantanakman kum urasin boamwe. Bok, Rahel er urasin ab, er kurongna ab ara telebto akwe kunuramwe. Ani, er urasin ababyi urasin iya telebto ner nun neboka kuramwe. 18Ura, Yakub bira Rahel bisi er kanyi kuramwe deyok aryi er mam Laban bisi ato ebmou, “Nai mam, kan nebnyi weit ner Rahel bira ni dobkwan ati, kan wa kwalina tabaryi ibkwankin. Ati, mundu lobnurum,” ebmou. 19Uca, er mam Laban biryi ato ebmou, “Ni nebnyi yuk nang asi kamdeirina ara malyito ati, ni mi kansi dona ara kikiman. Ati, kan ab, ni ab tonkwa a kuronkwanim,” ebmou. 20Ato kuboka Yakub kwalina tabaryi er mam wa il dobde kuramwe. Kwalina tabaryi il doramwe ara uki weik aryi boubmanto bok, Rahel bisi kanyi deiamwe deyok aryi uki mitikto il donmangiryi boraming kanyi deiamwe aryi er bouna kum kuramwe.
21Ura, Yakub biryi Laban bisi ato ebmou, “Nai mam, kwalina tabaryi sirya il dobkin ati, kan nebnyi weit ner Rahel kabdeibnurum,” ebmou. 22Ba, Laban biryi akatei ninyi nirya nabmou. Ura, buluryanmai ba, er nebnyi te murumna li dobmaici, kwaning ab, me ab tonkwa yibmai. 23Lukunda ara Laban biryi Rahel bisi kanyi deiamwe ner ara takloboka, er nebnyi du ner Lea bisi boboka Yakub bisi kamdeirirbinmou ba, tonkwa mabmarei. 24Ura, Laban biryi Lea ai me ilingna ner Zilpa doboka karebmou. 25Yakub ab, Lea ab mabmarei ani, berekmou ba, dinmou uca, Rahel kuma, eda Lea bisi tonkwa a mabmarei ake. 26Ura, Laban bisi bindoka ato ebmou, “Nai mam, kan ato kubmanirim ara unati kubmanirim da? Ni kan il dokunun ara, ‘Rahel bisi dobkwan,’ tenen il dobde kunun. Unati, kwebdanmanirim do?” eboka erekdobmou. 27Uca, er mam Laban biryi ato ebmou, “Nun mutuk ara du ner a kuranci bok, takdongoboka weit ner asi minob ninyi kamdeirina ara ton kum kunung. 28Ati, ukura ni nebnyi ton ner kabdeibmakinci, li dobmonwe uki asi uki tabaryi sirya bisibci ura, weit ner aminda kabdeibkwankin. Bok, kwalina tubto tabaryi il dobniminyi ura, a il doraminyi dinyi dengninto kubkwankin,” ebmou.
29-30Ura, kunmai ani, uki tabaryi sirya bisibmou ura, Yakub biryi Rahel dobdobmou. Ura, Laban biryi er nebnyi weit ner er me ilingna ner Bilha iniboka Rahel bisi bobinmou. Ba, Yakub biryi Rahel bisi ababyi tonkwa mabmarei. Ura, Yakub bira Rahel bisi iya kanyi oamwe. Ba, Lea bira alib langlang doamwe. Ato kuamwe deyok aryi Yakub biryi weit ner Rahel dekwamwe ati, er mam Laban wa kwalina tabaryi tubto il doramwe.
Yakub deibdoba deyok
29:31-35
31-32Ura, Er Iya Erebdobnyi biryi diramwe uca, Yakub bira Lea kanyi deirina kum kuramuryi, alib langlang doamwe asi asing eibokmou. Eda, Rahel bira mi you ner kuramwe. Ba, Er Iya Erebdobnyi biryi Lea bisi mi deirina kum kuramwe asi mi deirin ner kibdeibmou ba, yuma mi mundu boboka sal mi deibmou. Ura, a mi er si ara Ruben eboka si dobmou. Ruben ena ara sun uram aryi, “Ni akenyi biryi, ‘Mi deirina kum ner,’ tenen aryi kanyi kum deiriranou. Asi ukura Er Iya Erebdobnyi biryi nisi kalingnurur deyok aryi a mi deibne. Ati, ukura ni akenyi biryi nisi kanyi deirinkwanir,” eboka Ruben eboka si dobmou. 33Ani, Lea tubto mundu bobmouci, sal akwe ton deibmou. Ura, Lea biryi a mi si dobkwamou ura, ato ebmou, “A mi deibman ara ni akenyi kanyi kum deiriranou asi, Er Iya Erebdobnyi biryi ni kuranwa eirinurur deyok aryi ni mi karebmanir. Ati, a mi si ara Simeon eboka si dobne,” ebmou. 34Tubto a talak kunmou ani, mundu bobmouci, sal akwe deibmou. Ura, a mi si ara, “Mabwe winiryi ni akenyi biti deibkarebne ati, nisi iya kanyi deibdobkwanirca,” ena ati Lewi eboka si dobmou. 35A talak kunmou ani, tubto mundu bobmouci, sal akwe deibmou. Ura, a mi si ara Yehuda eboka si dobmou. Ara, “Er Iya Erebdobnyi bisi, ‘Nai ni babya,’ eboka kibdobne,” ena ati ato eboka si dobmou.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
@LAI 2007 (New Testament), @LAI2022 (Old and New Testament)