Kejadian Uram 30
30
Yakub nerabwe mi deirina ati limkusungdarandei deyok
30:1-43
1Uca, Rahel bira mi ton deirina kum kuramwe. Ura, Rahel biryi er du ner Lea bisi yu boramuryi, er akenyi Yakub bisi ato ebmou, “Kanci nisi mundu bobdongobniminyi ba, mi ton bobkwan, se! Mundu kum bobdongobniminyi ura, ni dibkwan,” ebmou. 2Uca, Yakub biryi er ner asi ato eboka erekdobmou, “A ner se, nira Er Imtamnyi bitonyi kunun akiryi mundu boboka mi deirina bisik seksinibkise ati enmarim do?” ebmou. 3Uca, Rahel biryi er akenyi bisi ato ebmou, “Nira mi ton kum deirinun ati ni wa irmilin ner Bilha bisi dobdobdum. Ba, erci mundu boboka niti mi deibkarebnici ba, ni yaldangna mabwe aryi mi odei-odei binkwaming,” ebmou. 4Ura, Rahel biryi er ai me ilingna ner si Bilha bisi er akenyi Yakub biti kabdeibmou ba, dobmou. 5Ura, Yakub biryi Bilha dobmou ba, Bilha mundu bobmouci, sal mi Yakub biti deibkarebmou. 6Ura, Rahel biryi ato ebmou, “Er Imtamnyi bira nunci ukubtibyi tenebmabyi tok kunurdeiriransirnyi kurur. Akiryi, Ni ukubtinyi tenebmonwe to kunubdeibmanirci, sal mi deibkarebmanir. Ati, a mi si ara Dan eboka si dobne,” ebmou. 7Ani, tubto Bilha mundu bobmouci, sal akwe bitinyi dinyi deibmou. 8Ba, Rahel biryi ato ebmou, “Ni du ner ab ni ab mi deirina ati, domdanunum uca, ni erebdobne,” ebmou. Ura, a mi si ara Naftali eboka si dobmou. 9Ba, Lea biryi dirdaramwe uca, Lea erda mi ton deirirtabakde bana kum kubmou. 10Ura, er ai me ilingna ner si Zilpa dobtaleboka er akenyi biti kabdeibmou. Ba, er akenyi Yakub dobmouci, sal mi deibmou. 11Ura, Lea biryi ato ebmou, “Nibabyi sirya erebdobman,” eboka a mi si ara Gad eboka si dobmou. 12Ani, Lea er ai me ilingna ner Zilpa biryi tubto mundu boboka sal akwe ton deibmou. 13Ura, Lea biryi ato ebmou, “Aminda yuk nerabwe aryi nisi si ereboka, ‘Teleb ner,’ ebkwaning.” Ato eboka a mi si Asyer eboka si dobmou.
14Ba, gandum du kin talak dobmou ura, uki tentok tum aryi Ruben bira gandum wa iramnyi mutuk binmouci, co si dudaim du dakoka er kwin Lea biti boyanmou. Uca, Rahel biryi Lea bisi ato ebmou, “Kan mi aryi dudaim du dakoka yanmakir co du ara ni ton karebnurum,” ebmou. 15Uca, Lea biryi ato ebmou, “Ni akenyi bira kan ab marurum ara bouna kum kukurur do? Ati, ni mi aryi dakoka yanmanir co du moloryangarim darib?” ebmou. Uca, Rahel biryi ato ebmou, “Ato ebmarim ura, nun akenyi bira arub lukunda ara kan ab mabkwamarurum. Ati, co dudaim du ton karebnurum,” ebmou. 16Ura, a tum sintam ara Yakub wa dam binmou ani, atei yangau asi Lea bisik sekoka ato ebmou, “Arub lukunda ara ni ab mabkwanim. Kanda ni mi co du si dudaim aryi Rahel bisi sirya dekman ati ni ab mabkwanim,” ebmou. Ato ebmou ba, Yakub bira a lukunda ara Lea ab mabmarei. 17Ura, Er Imtamnyi biryi Lea mi kum deiriramuryi, se tenen kanya boboka moloramwe dinyi kekeboka mi karebmou. Ba, Lea mundu boboka sal mi deibmou. Yakub mabwe nungna ara amubaryi mi deibmou. 18Ura, Lea biryi ato ebmou, “Ni mi deirina kum ati, ni ai me ilingna ner asi ni akenyi biti kabdeianwe ba, doamwe dinyi ati, Er Imtamnyi biryi nisi dekeibnir,” ebmouci, a mi si ara Isakhar dobmou. 19Ura, a talak kunmai ani, tubto Lea mundu bobmou ura, sal akwe nungna nabaryi mi deibmou. 20Ura, Lea biryi ato ebmou, “Er Imtamnyi biryi nisi iya telebto dengna ilinto kuboka mi karenurur. Ba, mabwe nabaryi deibse ati, ni akenyi bira nisi iya kanyi deirinkwanir,” eboka a mi si Zebulon dobmou. 21Ani, sirya kobdob ara Lea biryi ner tentok deibmou. A nebnyi si ara Dina eboka si dobmou.
22Ani, Rahel babyi Er Imtamnyi bisi moloramwe ba, ersi mi deirin ner kibdeibmou. 23Ura, Rahel mundu boboka sal mi deibmouci, a mi si ara ni alyi kuranou dinyi kilibkabnir eboka, 24A mi si ara Yusuf eboka si dobmou. A mi si donmouci, ton ato ebmou, “Er Iya Erebdobnyi biryi mi do talak ababyi ton karebnici ba, aminda ton deibkwanca?” ebmou.
25Ura, Rahel biryi Yusuf deibmou. Ura, Yakub biryi Laban bisi ato ebmou, “Nisi, ‘Ur kan atei bindobdum!’ ebniminyi ba, ni atei bindobkwan. 26Nai mam, kan bikdum niryi kan wa weik ikunun. Ati, kan, ‘Ur birum,’ ebniminyi ba, ni nerabwe ab ni mabwe nermabwe ab bororbinkwan. Ba, niryi kan ai inun wa ara sun yandoka yibde kubkwaming,” eboka molobmou. 27Uca, er mam Laban biryi ato ebmou, “Er Iya Erebdobnyi biryi nisi kisal dangnurur ara kan ni ab a kununum deyok aryi kisal dangnurur. 28Ati, kanci bona ukuboka karebnurum ebminyi ababyi karebkwamakin,” ebmou. 29Uca, Yakub biryi Laban bisi ato ebmou, “Nai mam, kanda ni wa weik inun dinyi ara bingdum. Kan bisam ababyi ilinto kurur ara niryi kalikoka wininun deyok aryi ilinto kurur. 30Ni kan ai kuna kum kuranse ura, bisam ara mitikanun kuramnyi. Bok ura, kanda bona bonanyi kibumwe. Ara, ni a yandoka kunun aryi Er Iya Erebdobnyi biryi kisal dangkurur. Ukura ni nerabwe mabwe ab ati wa iboka yibkarebtinyi do?” ebmou. 31Ura, Laban biryi ato ebmou, “Unatoa asi karebkwankin do?” ebmou. Uca, Yakub biryi ato ebmou, “Nai mam, ni ukutotoa karenina mem! Niryi kan bisam yabwe iya wininkwan. Bok, nai mam, ni ebkun uram asi ur ebnurum. 32Ara, ato, arub ara mam, kan bisam kambing kankan dam ab domba kankan dam ab yibinkirikwaman. Ba, mirin bisam domba mi ab kambing ukuryok nerlonmaci bisam ab, sirablu bol bisam ab dobdobkwaman. A dobmanyi dinyi ara a kunum dekwamanirim. 33Ba, aminda kan yandoka diraminyi uca, ni ebmanyi to akwe dobmanyi asi eibkwamarim. Ara, mirin bisam domba ab, ukuryok nenmaci bisam kambing ab, kurun bol bok mirin kurdongon bisam ab asi kum eibminyi ara niryi dobdobmaniryi,” ebmou. 34Uca, er mam Laban biryi ato ebmou, “Teleb! kan ebmarim to kubkwamanim,” ebmou. 35Bok, a tum aryok Laban biryi mirin bisam domba ab, sirablu bol kuboka kurun kuboka yim bisam kambing ab, mirin turukoka kurun turukoka bisam kambing ab, kurun ilinto bisam yabwe ab nirya ara er ai wa in nang asi, “Kalikdarur,” ebmou. 36Ura, Laban biryi er ai wa in nang asi bisik uki winiryi man mutuk asi a bisam yabwe bobindarur. Ba, Yakub bira a kunmang bisam yabwe asi iya kalingkwande ebmou. Ba, er ai wa in nang aryi a bisam yabwe bobinmai.
37Ura, Yakub biryi soblok bok ab, badam bok ab, berangan tukwe ab doboka kala lokmou. 38Ura, a lokmou kala ara bisam kunmai dam deibmou. Ani, bisam yabwe sun kwaning deirin co sangkol umbura dam dongobdeibmou. A dongobdeibmou ara kwaning yandoka yinmangiryi dobdankwaming tenen deibmou. 39Ba, a yinmangnyi dam aryi dobdandoka mi deibingnyi ura, a bisam ara kurun bol bisam mi ab, kurun kuboka mirin turungna bisam ab sirablu bol bisam ab deibkwanung tenen deibmou. 40Ura, Yakub biryi bisam domba yabwe doboka bisam kambing yabwe mirin bisam ab sirablu bol bisam ab dam asi neika tikibmou. Ato kubmouci, Yakub er bisam yuk wibdeiboka er mam Laban bisam yuk wibdeimou. 41Ura, Yakub biryi co bok ab, co kala kubmou dinyi ara mikib ilila bisam yabwe dobdanmangnyi dam deibdongobmou. 42Bok, mikib kum bisam yabwe dam ara a co bok ab a co kala kubmou dinyi ab, deirdongona kum kubmou. Ani, mikib kum bisam yabwe ara er mam Laban bisam kibdeibmou. Ba, mikib ilila bisam ara Yakub er bisam kibdobmou. 43Ato kubmou deyok aryi Yakub bona talena weiknyi kibmou. Ani, er bisam kambing ab, domba ab sapi ab, er ai wa irmilin nang ab ilinto kibmou.
Kasalukuyang Napili:
Kejadian Uram 30: MTG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
@LAI 2007 (New Testament), @LAI2022 (Old and New Testament)
Kejadian Uram 30
30
Yakub nerabwe mi deirina ati limkusungdarandei deyok
30:1-43
1Uca, Rahel bira mi ton deirina kum kuramwe. Ura, Rahel biryi er du ner Lea bisi yu boramuryi, er akenyi Yakub bisi ato ebmou, “Kanci nisi mundu bobdongobniminyi ba, mi ton bobkwan, se! Mundu kum bobdongobniminyi ura, ni dibkwan,” ebmou. 2Uca, Yakub biryi er ner asi ato eboka erekdobmou, “A ner se, nira Er Imtamnyi bitonyi kunun akiryi mundu boboka mi deirina bisik seksinibkise ati enmarim do?” ebmou. 3Uca, Rahel biryi er akenyi bisi ato ebmou, “Nira mi ton kum deirinun ati ni wa irmilin ner Bilha bisi dobdobdum. Ba, erci mundu boboka niti mi deibkarebnici ba, ni yaldangna mabwe aryi mi odei-odei binkwaming,” ebmou. 4Ura, Rahel biryi er ai me ilingna ner si Bilha bisi er akenyi Yakub biti kabdeibmou ba, dobmou. 5Ura, Yakub biryi Bilha dobmou ba, Bilha mundu bobmouci, sal mi Yakub biti deibkarebmou. 6Ura, Rahel biryi ato ebmou, “Er Imtamnyi bira nunci ukubtibyi tenebmabyi tok kunurdeiriransirnyi kurur. Akiryi, Ni ukubtinyi tenebmonwe to kunubdeibmanirci, sal mi deibkarebmanir. Ati, a mi si ara Dan eboka si dobne,” ebmou. 7Ani, tubto Bilha mundu bobmouci, sal akwe bitinyi dinyi deibmou. 8Ba, Rahel biryi ato ebmou, “Ni du ner ab ni ab mi deirina ati, domdanunum uca, ni erebdobne,” ebmou. Ura, a mi si ara Naftali eboka si dobmou. 9Ba, Lea biryi dirdaramwe uca, Lea erda mi ton deirirtabakde bana kum kubmou. 10Ura, er ai me ilingna ner si Zilpa dobtaleboka er akenyi biti kabdeibmou. Ba, er akenyi Yakub dobmouci, sal mi deibmou. 11Ura, Lea biryi ato ebmou, “Nibabyi sirya erebdobman,” eboka a mi si ara Gad eboka si dobmou. 12Ani, Lea er ai me ilingna ner Zilpa biryi tubto mundu boboka sal akwe ton deibmou. 13Ura, Lea biryi ato ebmou, “Aminda yuk nerabwe aryi nisi si ereboka, ‘Teleb ner,’ ebkwaning.” Ato eboka a mi si Asyer eboka si dobmou.
14Ba, gandum du kin talak dobmou ura, uki tentok tum aryi Ruben bira gandum wa iramnyi mutuk binmouci, co si dudaim du dakoka er kwin Lea biti boyanmou. Uca, Rahel biryi Lea bisi ato ebmou, “Kan mi aryi dudaim du dakoka yanmakir co du ara ni ton karebnurum,” ebmou. 15Uca, Lea biryi ato ebmou, “Ni akenyi bira kan ab marurum ara bouna kum kukurur do? Ati, ni mi aryi dakoka yanmanir co du moloryangarim darib?” ebmou. Uca, Rahel biryi ato ebmou, “Ato ebmarim ura, nun akenyi bira arub lukunda ara kan ab mabkwamarurum. Ati, co dudaim du ton karebnurum,” ebmou. 16Ura, a tum sintam ara Yakub wa dam binmou ani, atei yangau asi Lea bisik sekoka ato ebmou, “Arub lukunda ara ni ab mabkwanim. Kanda ni mi co du si dudaim aryi Rahel bisi sirya dekman ati ni ab mabkwanim,” ebmou. Ato ebmou ba, Yakub bira a lukunda ara Lea ab mabmarei. 17Ura, Er Imtamnyi biryi Lea mi kum deiriramuryi, se tenen kanya boboka moloramwe dinyi kekeboka mi karebmou. Ba, Lea mundu boboka sal mi deibmou. Yakub mabwe nungna ara amubaryi mi deibmou. 18Ura, Lea biryi ato ebmou, “Ni mi deirina kum ati, ni ai me ilingna ner asi ni akenyi biti kabdeianwe ba, doamwe dinyi ati, Er Imtamnyi biryi nisi dekeibnir,” ebmouci, a mi si ara Isakhar dobmou. 19Ura, a talak kunmai ani, tubto Lea mundu bobmou ura, sal akwe nungna nabaryi mi deibmou. 20Ura, Lea biryi ato ebmou, “Er Imtamnyi biryi nisi iya telebto dengna ilinto kuboka mi karenurur. Ba, mabwe nabaryi deibse ati, ni akenyi bira nisi iya kanyi deirinkwanir,” eboka a mi si Zebulon dobmou. 21Ani, sirya kobdob ara Lea biryi ner tentok deibmou. A nebnyi si ara Dina eboka si dobmou.
22Ani, Rahel babyi Er Imtamnyi bisi moloramwe ba, ersi mi deirin ner kibdeibmou. 23Ura, Rahel mundu boboka sal mi deibmouci, a mi si ara ni alyi kuranou dinyi kilibkabnir eboka, 24A mi si ara Yusuf eboka si dobmou. A mi si donmouci, ton ato ebmou, “Er Iya Erebdobnyi biryi mi do talak ababyi ton karebnici ba, aminda ton deibkwanca?” ebmou.
25Ura, Rahel biryi Yusuf deibmou. Ura, Yakub biryi Laban bisi ato ebmou, “Nisi, ‘Ur kan atei bindobdum!’ ebniminyi ba, ni atei bindobkwan. 26Nai mam, kan bikdum niryi kan wa weik ikunun. Ati, kan, ‘Ur birum,’ ebniminyi ba, ni nerabwe ab ni mabwe nermabwe ab bororbinkwan. Ba, niryi kan ai inun wa ara sun yandoka yibde kubkwaming,” eboka molobmou. 27Uca, er mam Laban biryi ato ebmou, “Er Iya Erebdobnyi biryi nisi kisal dangnurur ara kan ni ab a kununum deyok aryi kisal dangnurur. 28Ati, kanci bona ukuboka karebnurum ebminyi ababyi karebkwamakin,” ebmou. 29Uca, Yakub biryi Laban bisi ato ebmou, “Nai mam, kanda ni wa weik inun dinyi ara bingdum. Kan bisam ababyi ilinto kurur ara niryi kalikoka wininun deyok aryi ilinto kurur. 30Ni kan ai kuna kum kuranse ura, bisam ara mitikanun kuramnyi. Bok ura, kanda bona bonanyi kibumwe. Ara, ni a yandoka kunun aryi Er Iya Erebdobnyi biryi kisal dangkurur. Ukura ni nerabwe mabwe ab ati wa iboka yibkarebtinyi do?” ebmou. 31Ura, Laban biryi ato ebmou, “Unatoa asi karebkwankin do?” ebmou. Uca, Yakub biryi ato ebmou, “Nai mam, ni ukutotoa karenina mem! Niryi kan bisam yabwe iya wininkwan. Bok, nai mam, ni ebkun uram asi ur ebnurum. 32Ara, ato, arub ara mam, kan bisam kambing kankan dam ab domba kankan dam ab yibinkirikwaman. Ba, mirin bisam domba mi ab kambing ukuryok nerlonmaci bisam ab, sirablu bol bisam ab dobdobkwaman. A dobmanyi dinyi ara a kunum dekwamanirim. 33Ba, aminda kan yandoka diraminyi uca, ni ebmanyi to akwe dobmanyi asi eibkwamarim. Ara, mirin bisam domba ab, ukuryok nenmaci bisam kambing ab, kurun bol bok mirin kurdongon bisam ab asi kum eibminyi ara niryi dobdobmaniryi,” ebmou. 34Uca, er mam Laban biryi ato ebmou, “Teleb! kan ebmarim to kubkwamanim,” ebmou. 35Bok, a tum aryok Laban biryi mirin bisam domba ab, sirablu bol kuboka kurun kuboka yim bisam kambing ab, mirin turukoka kurun turukoka bisam kambing ab, kurun ilinto bisam yabwe ab nirya ara er ai wa in nang asi, “Kalikdarur,” ebmou. 36Ura, Laban biryi er ai wa in nang asi bisik uki winiryi man mutuk asi a bisam yabwe bobindarur. Ba, Yakub bira a kunmang bisam yabwe asi iya kalingkwande ebmou. Ba, er ai wa in nang aryi a bisam yabwe bobinmai.
37Ura, Yakub biryi soblok bok ab, badam bok ab, berangan tukwe ab doboka kala lokmou. 38Ura, a lokmou kala ara bisam kunmai dam deibmou. Ani, bisam yabwe sun kwaning deirin co sangkol umbura dam dongobdeibmou. A dongobdeibmou ara kwaning yandoka yinmangiryi dobdankwaming tenen deibmou. 39Ba, a yinmangnyi dam aryi dobdandoka mi deibingnyi ura, a bisam ara kurun bol bisam mi ab, kurun kuboka mirin turungna bisam ab sirablu bol bisam ab deibkwanung tenen deibmou. 40Ura, Yakub biryi bisam domba yabwe doboka bisam kambing yabwe mirin bisam ab sirablu bol bisam ab dam asi neika tikibmou. Ato kubmouci, Yakub er bisam yuk wibdeiboka er mam Laban bisam yuk wibdeimou. 41Ura, Yakub biryi co bok ab, co kala kubmou dinyi ara mikib ilila bisam yabwe dobdanmangnyi dam deibdongobmou. 42Bok, mikib kum bisam yabwe dam ara a co bok ab a co kala kubmou dinyi ab, deirdongona kum kubmou. Ani, mikib kum bisam yabwe ara er mam Laban bisam kibdeibmou. Ba, mikib ilila bisam ara Yakub er bisam kibdobmou. 43Ato kubmou deyok aryi Yakub bona talena weiknyi kibmou. Ani, er bisam kambing ab, domba ab sapi ab, er ai wa irmilin nang ab ilinto kibmou.
Kasalukuyang Napili:
:
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
@LAI 2007 (New Testament), @LAI2022 (Old and New Testament)