ମାଥିଉ 17
17
ଯୀଶୁ ରୁପ୍ ବାଦ୍ଲାଆତାତ୍
(ମାର୍କ. ୯:୨-୧୩; ଲୁକ. ୯:୨୮-୩୬)
1ଚଅଦିନ୍ ପାଚେ ଯୀଶୁ, ପିତର, ଯାକୁବ ଆରେ ତା ଟଣ୍ଡାହି ଯୋହନତିଙ୍ଗ୍ ଆସ୍ତି ହେୱାର୍ ର ପାନ୍ତି ମାଡ଼ିତ ଅସାହାଚାନ୍। 2ଆରେ ଚେଲାହିର୍ ହୁଡ଼ୁ-ହୁଡ଼ୁ ଯୀଶୁ ରୁପ୍ ବାଦ୍ଲାଆତାତ୍। ଆରେ ତା ମୁମ୍ ୱେଡ଼ାଲେକେ ଅଜଡ଼୍ ଆତାତ୍, ଆରେ ତା ହେନ୍ଦ୍ରା ପା ବେସି ଣିଜ୍ଚାତ୍।
3ହେପାଦ୍ନା ତିନ୍ଜାଣ୍ ଚେଲାହିର୍ ହୁଡ଼୍ତାର୍ ଭବିଷ୍ଯତବକ୍ତାର୍ ଏଲିୟ ଆରେ ମୋଶା ଇ ରିୟାର୍ ଯୀଶୁ ହୁଦାଙ୍ଗ୍ ବେଣ୍କିବାଆଜି ମାଚାକା ହୁଡ଼୍ତାର୍। 4ହେବେ ପିତର ଯୀଶୁଙ୍ଗ୍ ୱେଚ୍ଚାନ୍, “ଏ ମାପୃ, ଆପେଙ୍ଗ୍ ଯେ ଇ ବାହାତାକେ ମାନାସ୍, ଇଦାଙ୍ଗ୍ ହାର୍! ନି ଇଚା ଆତିସ୍ ଆନେଙ୍ଗ୍ ଇବେ ତିନ୍ଗଟା ପୁଟ୍କୁ ରହ୍ନାଙ୍ଗ୍, ନି କାଜିଙ୍ଗ୍ ରଞ୍ଜାଙ୍ଗ୍ ଆରେ ମୋଶା କାଜିଙ୍ଗ୍ ରଞ୍ଜାଙ୍ଗ୍ ଆରେ ଏଲିୟ କାଜିଙ୍ଗ୍ ରଞ୍ଜାଙ୍ଗ୍।”
5ଯୀଶୁ ଇବେଣ୍ ୱେଚୁ-ୱେଚୁ, ଅଲପ୍ ବାଦାଡ଼୍ ୱାଜି ହେୱାରିଙ୍ଗ୍ ଡାବାଇ କିତାତ୍, ଆରେ ହେ ବାଦାଡ଼୍ତାଙ୍ଗ୍ ଈଶ୍ୱର ବେଣ୍କିତାନ୍, “ଏ ନା ଲାଡ୍ ମାଜି। ଇୱାନ୍ତାକେ ଆନେଙ୍ଗ୍ ବେସି ୱାରି, ଇୱାନ୍ ବେଣ୍ତିଙ୍ଗ୍ ମାନ୍ଦିୟାନ୍ କିଜି ୱେନାଟ୍!” 6ଚେଲାହିର୍ ଇଦାଙ୍ଗ୍ ୱେନ୍ଞ୍ଜି ବେସି ପାଣ୍ଡ୍ରାଆଜି ମେଦ୍ନିତ ଗୁର୍ତାର୍। 7ହେବେତାଙ୍ଗ୍ ଯୀଶୁ ୱାଜି ହେୱାରିଙ୍ଗ୍ ଆସ୍ପିସ୍ ୱେଚ୍ଚାନ୍, ନିଙ୍ଗାଟ୍, ପାଣ୍ଡ୍ରା ଆମାଟ୍। 8ଆରେ ହେୱାର୍ ଜପି ହୁଡ଼୍ଜି ଚେଲାହିର୍ ହେବେ ଯୀଶୁଙ୍ଗ୍ ପିସ୍ତି ଆରେ ଇନେରିଙ୍ଗ୍ ପା ହୁଡ଼୍ୱାତାର୍।
9ହେୱାର୍ ମାଡ଼ିତାଙ୍ଗ୍ ଜୁନିହିଙ୍ଗ୍ ଯୀଶୁ ଚେଲାହିରିଙ୍ଗ୍ ଆଦେସ୍ ହିଜି ୱେଚ୍ଚାନ୍, “ନେଞ୍ଜେଙ୍ଗ୍ ଇନାକା ହୁଡ଼୍ତାଦେର୍ନା, ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ହାଃଜି ପୁନି ଜିବୁନ୍ ପାୟାଆନି ପାତେକ୍ ଇବେଣ୍ ଇନେରିଙ୍ଗ୍ ପା ୱେଚ୍ମାଟ୍।” 10ଆରେ ଚେଲାହିର୍ ଯୀଶୁଙ୍ଗ୍ ୱେନ୍ବାତାର୍, “ରକ୍ଷାକିଦ୍ନାକାନ୍ ୱାନି ଆଗେ ଏଲିୟ ଇନେକିଦେଙ୍ଗ୍ ଆଗେ ୱାୱାତାନ୍ ଇବେଣ୍ ଯିହୁଦି ଦରମ୍ନି ପଣ୍ଡିତାର୍ ୱେଚ୍ଚି ମାଚାର୍?”
11ଯୀଶୁ ତା ଚେଲାହିରିଙ୍ଗ୍ ୱେଚ୍ଚାନ୍, “ଈଶ୍ୱର ଏଲିୟଙ୍ଗ୍ ପାର୍ତୁମ୍ ପକ୍ନି କାତା, ଆରେ ରକ୍ଷାକିଦ୍ନାକାନ୍ ୱାୱି ଆଗେ ହେୱାନ୍ ୱାଜି ମାନାୟାର୍ ଗରବ୍ତିଙ୍ଗ୍ ରହ୍ନାକା ସତ୍। 12ମାତର୍ ଆନେଙ୍ଗ୍ ମିଙ୍ଗେଙ୍ଗ୍ ୱେଚ୍ଚାନାଙ୍ଗା, ‘ଏଲିୟ ୱାତାନେ।’ ଆରେ ଆଗେନି ଭବିଷ୍ଯତବକ୍ତାର୍ ୱେଚ୍ଚିଲେକେ ମାନାୟାର୍ ମାନ୍ଇଚା ବାଉରାଆଜି ହେୱାନିଙ୍ଗ୍ ଇନସ୍ତା କିତାର୍। ହେଲେକେନେ ଆନେଙ୍ଗ୍, ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣା ଆନେଙ୍ଗ୍ ବେସି ଦୁଃକ୍ ପାୟଆଦେଙ୍ଗ୍ ହାନାଙ୍ଗା।” 13ହେୱାନ୍ ଡୁବନ୍ହିନି ଯୋହନ ବିଷୟରେ ୱେଚ୍ଚାନ୍, ଚେଲାହିର୍ ହେପାଦ୍ନା ହେଦାଙ୍ଗ୍ ବୁଜାଆତାର୍।
ବୁତ୍ଆତ୍ମା ଡୁୟାଆତି କାଡ଼୍ଦେଙ୍ଗ୍ ଯୀଶୁ ହାର୍କିତାନ୍
(ମାର୍କ. ୯:୧୪-୨୯; ଲୁକ. ୯:୩୭-୪୩)
14ପାଚେ ହେୱାର୍ ବେସିହେନି ମାନାୟ୍ ଯୀଶୁତାକେ ୱାତାର୍ ହେବେ ରକାନ୍ ମାନାୟ୍ ଯୀଶୁ ଲାଗାୟ୍ ୱାଜି ମେଣ୍ଡାକୁନ୍ଦିକିଜି ଜୱାର୍ କିତାନ୍। 15ଏ ମାପୃ, ନା କାଡ଼୍ଦେଙ୍ଗ୍ ଦୟା କିୟା, ହେୱାନ୍ ଆପ୍ରାଙ୍ଗ୍ ବେମାର୍ତାକେ ବେସି ଦୁଃକ୍ ପାୟାଆନାନା, ଆରେ ହେୱାନ୍ ରଗ-ରଗ ନାଣିତ ଆରେ ରଗ-ରଗ ଏଜୁକାଙ୍ଗ୍ ହାନାନା। 16ବୁତ୍ ପିହିକିଦେଙ୍ଗ୍ ଆନେଙ୍ଗ୍ ନି ଚେଲାର୍ ତାକେ ତାସି ମାଚାଙ୍ଗ୍, ମାତର୍ ହେୱାର୍ ହେୱାନିଙ୍ଗ୍ ହାର୍କିଦେଙ୍ଗ୍ ଆଡ୍ୱାତାର୍।
17ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ମିଙ୍ଗେଙ୍ଗ୍ ପାର୍ତି ହିଲେତ୍। ଆନେଙ୍ଗ୍ ମିହୁଦାଙ୍ଗ୍ କେତେକ୍ ଦିନ୍ ମାନାଙ୍ଗ୍? ଆରେ ଏପେଙ୍ଗ୍ ପାର୍ତିକିନି ପାତେକ୍ ଆନେଙ୍ଗ୍ ମିହୁଦାଙ୍ଗ୍ ଏଚେକ୍ ଦିନ୍ ମାନାଙ୍ଗ୍? ହେ ହିମ୍ଣାତିଙ୍ଗ୍ ନା ଲାଗାୟ୍ ତାହି ୱାଡ।” ହେୱାର୍ ଯୀଶୁତାକେ ରକାନିଙ୍ଗ୍ ନେ ତାତାର୍। 18ଆରେ ଯୀଶୁ ବୁତ୍ଆତ୍ମାତିଙ୍ଗ୍ ଦମ୍କାଇ କିତିଲେ ହେ ବୁତ୍ ହେୱାନ୍ତାଙ୍ଗ୍ ହସିହାଚାତ୍। ଆରେ ହିମ୍ଣା ହେଦାପ୍ରେ ହାର୍ ଆତାନ୍।
19ଇଦାଙ୍ଗ୍ କାଜିଙ୍ଗ୍ ଚେଲାହିର୍ ଡ଼ୁଗ୍ଜି ଯୀଶୁ ଲାଗେ ୱାଜି ୱେଚ୍ଚାର୍, “ଆପେଙ୍ଗ୍ ଇନା କିଦେଙ୍ଗ୍ ହେ ବୁତ୍ଆତ୍ମାତିଙ୍ଗ୍ ପିହିକିଦେଙ୍ଗ୍ ଆଡ୍ୱାତାପ୍?”
20ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଏପେଙ୍ଗ୍ ଅଲପ୍ ପାର୍ତି କିନାଦେରା। ଆନେଙ୍ଗ୍ ମିଙ୍ଗେଙ୍ଗ୍ ସତ୍ ୱେଚ୍ଚାନାଙ୍ଗା, ଯଦି ମିବେ ର ହାର୍ହୁ ମାଞ୍ଜି ଲେକେ ପାର୍ତି ମାନ୍ଗାନାତ୍, ଲାଗିଙ୍ଗ୍ ମାଡ଼ିତିଙ୍ଗ୍ ଇବେତାଙ୍ଗ୍ ହେବେ ଗୁଚାଆ ଇଞ୍ଜି ୱେଚିସ୍ ହେ ମାଡ଼ି ଗୁଚା ଆନାତ୍। ଆରେ ଇନାକାପା ନି ବେଣ୍ତିଙ୍ଗ୍ ମାନିକିୱାକା ହିଲ୍ଗୁତ୍। 21ମାତର୍ ପାର୍ତାନା ଆରେ ଉପାସ୍ କିୱିତିସ୍ ଜେକନି ଇନା ଉପାୟ୍ ତାକେ ପା ଇଲେଗ୍ଦି ବୁତ୍ ହସିହାଲୁତ୍।”
ଜାର୍ ହାଃନି ବିଷୟରେ ଆରେରଗ ଯୀଶୁ ୱେଚ୍ଚାନ୍
(ମାର୍କ. ୯:୩୦-୩୨; ଲୁକ. ୯:୪୩-୪୫)
22ଆରେ ହେୱାର୍ ଗାଲିଲୀ ଜିଲ୍ଲାତାକେ ମେହାଆନିହିଙ୍ଗ୍ ଯୀଶୁ ୱେଚ୍ଚାନ୍, “ସରଗ୍ତାଙ୍ଗ୍ ୱାଜିମାଚି ମାନାୟ୍ ହିମ୍ଣାତଙ୍ଗ୍ ର ମାନାୟ୍ ଶାତ୍ରୁ କେଇଦ ଆହିକିଦ୍ନାନ୍, 23ଆରେ ହେୱାର୍ ନାଙ୍ଗେଙ୍ଗ୍ ମାର୍ନେ ଅସ୍ତାନାର୍। ଆରେ ଆନେଙ୍ଗ୍ ହାଃତି ପାଚେ ତିନ୍ଦିନ୍ତାଙ୍ଗ୍ ଆରେରଗ ଯିବୁନ୍ ଆନାଙ୍ଗ୍।” ହେଦାଙ୍ଗ୍ କାଜିଙ୍ଗ୍ ହେୱାର୍ ବେସିଦୁକ୍ ଆତାର୍।
ଯୀଶୁ ଆରେ ଈଶ୍ୱର ମାନି ଇଲ୍ନି ସିସ୍ତୁ
24ତାପାଚେ ହେୱାର୍ କପୁର୍ନାହୁମ୍ ସହର୍ତ ୱାତାର୍। ଆରେ ଈଶ୍ୱର ମାନି ଇଲ୍ନି ହାକ୍ଡ଼ିତ ସିସ୍ତୁଏନ୍କାର୍ ପିତର ତାକେ ହାଲ୍ଜି ୱେନ୍ବାତାର୍, ମି ଗୁରୁ ଇନେକିଦେଙ୍ଗ୍ ଈଶ୍ୱର ମାନି ଇଲ୍ନି ସିସ୍ତୁ ହିଉନ୍? 25ହେୱାନ୍ ଇଚାନ୍, ଆଁ, ହିଦ୍ନାନ୍। ଆରେ ହେୱାନ୍ ଇଞ୍ଜ ୱାତି ପାଚେ ଯୀଶୁ ଆଗେ ପିତରତିଙ୍ଗ୍ ୱେଚ୍ଚାନ୍, ଶିମୋନ, ନି ଇଚା ଇନାକା? ପୁର୍ତିନି ରାଜାର୍ ଇନେର୍ ତାକେତାଙ୍ଗ୍ ସିସ୍ତୁ ଅନାର୍? ହେୱାର୍ ତା ହିମ୍ଣା ୱାକ୍ଡ଼ାତାଙ୍ଗ୍ କି ବିନ୍ ଦେସ୍ତାକାର୍ତାଙ୍ଗ୍?
26ପିତର ବିନ୍ ଦେସ୍ତାକାର୍ତାଙ୍ଗ୍ ଇଞ୍ଜି ୱେଚ୍ଚାନ୍, ଯୀଶୁ ପିତରତିଙ୍ଗ୍ ୱେଚ୍ଚାନ୍, ହେଦାଙ୍ଗ୍ କାଜିଙ୍ଗ୍ ତ ତା ହିମ୍ଣାଙ୍ଗ୍ ମୁକ୍ତି ଆତାର୍ନା। 27ମାତର୍ ଆସେଙ୍ଗ୍ ସିସ୍ତୁଏନ୍ନାକାରିଙ୍ଗ୍ ବାଦା ହିଉସ୍, ଇଦାଙ୍ଗ୍ କାଜିଙ୍ଗ୍ ହାମ୍ଦୁର୍ତାକେ ହାଲ୍ଜି ବାଣ୍ହି ଇଜାଟ୍। ଆରେ ଆଗେ ଇମ୍ଣି ମିନ୍ କାପ୍ନାତ୍, ହେ ମିନ୍ତିଙ୍ଗ୍ ଆସ୍ତି ତା ୱେଇ ପାଡ଼ାକିତିସ୍ ର ରୁପାଡାବୁ ଗାଟା ଆନାଦେର୍, ହେଦାଙ୍ଗ୍ ଅଜି ନା କାଜିଙ୍ଗ୍ ଆରେ ମି କାଜିଙ୍ଗ୍ ହେୱାରିଙ୍ଗ୍ ହିୟାଟ୍।
Kasalukuyang Napili:
ମାଥିଉ 17: PEGNT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Pengo Parja Bible by The Love Fellowship is licensed under Creative Commons Attribution-ShareAlike 4.0 License.