ကျောင်းလုကာ 3
3
အခန်း (၃)
မု့မေရှိယဟိုင်းခမ်းနား
(ကျောင်းမဿဲ ၃:၁-၁၂။ ကျောင်းမာကု ၁:၁-၈။ ကျောင်းယောဟန် ၁:၁၉-၂၈)
1ရောမဧကရာဇ်တိနယ်မွန်ထောင်းဟက် မု့တိဗေရိန နမ်ဟွင်နပိုဆစ်ဟားပီးဟဲ့ မု့ပုန္တိပိလတ်နယ်ပဲန်းခွမ်နမွန်ယုဒခွမ်ထောင်းတပိုင် မု့ဟေရုဒ်အန္တိပ #3:1 ဟေရုဒ် ဟေရုဒ်နယ် ပဲန်းကွမ်းခွမ်ထောင်းဟေရုဒ် ပဲန်းဟေရုဒ်အန္တိပ မားနိင်းတီ့နိုင်လီခိုး အားကေဖျက်တက့် ဆလားကျူးအိုးယောဟန်ဟက် ခွမ်နာဇာရက်ဖကျောင်းယေရှု အားဟာကေဖျက်တက့်ဟက် အားဟာကေခေါ့မွန်းဟွင် အားပိုင်လေ့အန် မိုင်းအွန်းဟက်ခွမ်ညန်တီ့ဆာ။ (မဿဲ၁၄:၁) အန္တိပကောပဲန်းခွမ်ထောင်းနမွန်ဂါလိလဲလည်ဟဲ့ဟေရုဒ်အန္တိပအန်းဟွင် မု့ဖိလိပ္ပု ဟဲ့ဟွင်နယ်နမွန်ဣတုရဲဟဲ့ နမွန်တရောခေါနိတ် မု့လုသာနိကောပဲန်းခွမ်နမွန်အဘိလင်တပိုင်ခေ့။ 2အန္နဟက် ကယာဖကေနယ်ပဲန်းခွမ်ထောင်းပုရောဟိတ်တေခေ့တိဆာ။ တောကန္တာရတဟာကွေးခါးဆွမ်းခါးပဲန်းခါမာဟဲ့ သနန်း ကွမ်းဇာခရိမု့ယောဟန်ခေါင်ဖကျောင်းအေးဖြောင်းနန်း။ 3ဟော့ဟက် ယောဟန်နယ်အွေန့်အဲမ်းတိဂျော်ဒန်နန်းဟိုင်းဟိုင်းအေးအေး လားတီ့ခွမ်ဟေ့း ကာအားဖိုင်တိကေရောအန်းညှက်အွန်းကာကေတက်ဟဲ့ အားဟာခါးညှက်က်ကောဖတ်အေးမြောင်ခေ့ အားလေကျူးအိုးခေ့ဟဲ့အဲမ်းလားတိကေခေ့ဟဲ့ဟောတိကေတိဆာ။ 4အရိယာသူတော်စင်ဟေရှာယတိထမ်ဟွင် နမ်ယောဟန်ညောင်းကေ့ ဟေရှာယပိုသဲန်းအွန်းခါမာ တဟာကွေးခါးဆွမ်းခါးပဲန်းခါမာ ယောဟန်လာစိမ်းလေ ဖကျောင်းလားလီတိလို့အေးပိုသေးခါး ခါးဖကျောင်းရောကာစီစီ 5ကော်ပါးတဟာကွေးပါးလု့ ခါးကောပိုထော့ခါသေး တငေါ့်ကောကာဟာစီ ခါးငေါ့်ကောကာဟာစီ တဟာခါးဆေ့ကောထော့ခါသေး။ 6ခမ်ခီးအန့် ဖကျောင်းပွဲလီကယ်တင်ရှင်လားကျွယ်နသအေးခွမ်ဟေးလားပိုညှိခေ့။ 7တီ့ယောဟန် ပိုင်အားလေကျူးအိုးခွမ်ဟေ့းအေ့းဖျောင်းနန်း ထမ်ကောင်မွန်းစအေ့#3:7 မွန်းစအေ့ "စီးလားစအေ့" တီ့ဆာ။ကျန်ခါးကျူ့ခါးကျေး အားပေရောခန့်ညှက်အန်းဖကျောင်းလားကာအာဖိုင်သပေး ပေးခီလာနော်နော့်။ 8ဟော့ဟက် အားပေးရောခါးညှက်အွန်း ဗေ့တက်အေ့ဟက်ဂျေ့ရောပြကာပိုင်ညှိတိုးငိုင်း။ တိုးပေး ပဲန်းအက်အန်းအာဗြဟံ အမ်းတိလားလနော့်။ အူးလားသပေး ဖကျောင်းနယ် တိသဲန်မီ ရောဆာမူအန်းပဲန်းအက်အန်း အာဗြဟံကောကျန်။ 9ကန်းတော့ခါတီပီ့အွန်းခွမ်တပိုင် လားတက့်သက့်ကောင်ခိုး လဲ့ဟာအန်း သေ့အွန်းဟက်ဂျေ။ ခိပို#3:9 ခိပို ထမ်ကောင် လက့်တီ့ကောင်ခိုး အွေန်းကန်းတော့ခါးလေ ပိးညှက်အန့်ကျန်ပီးဟက် တက့်တဲ့ဟက် ဆိုင်းတီ့ငိုမ်လားအွန်းလနော့်တီ့ဆာ။ဟဲ့ အားဟာလားညှက်ကေကောရောခါမာဟဲ့ ဖကျောင်းနယ်" လားကာကေခု့ညာလော့လားတိကေလာနော့်။ ကောင် 10သနန်း ခွမ်ဟေးတိုင်းတိယောဟန် အေးပိုရောအေးလားပိုရောခါမာတိုင်းထင်လာနော့်တိဆာ။ 11ယောဟန်နယ် လားတိကေတပေးကွေးဖော်အိုင်းဖူး အားပိုင်ကွေးဖော်ကောပိုကာကေလားသဗေ့။ သပေးကွေးခါးဆွမ်းခါးပန်းခါမာဟဲ့ အားပိုင်ကွေးခါးဆွမ်ခါးပန်းပိုကာကေလားခေ့လားတိကေလာနော့်တိဆာ။ 12အားအွမ်း အားကေးစေ့ပက် အေးဟိုင်းဖျောင်းတိ ယောဟန်အားလေကျူးအိုး ကေကောလားထင် "ဆလား အေးဆာလားပိုရောခါမာတိုင်းထင် 13ယောဟန်လား အားပေးမန်းပတ်အန်းအမ်းတိမားလေးအန်း" လားတိကေမြောင်လာနော့်တိဆာ။ 14အားအွမ်း လုဆေ့ တိုင်းယောဟန်" အေးဆာပိုရောခါမာ "တိုင်းထင် ယောဟန်လား" ပေးနယ် အမ်းတိမန်းပတ်တပိုင်။ တပိုင်ကော အန်းညှက်အန်းငမ်အမ်းတိလားခါမာ။ အားပေးပိုနားနိင်းမာသေဆွမ်းပန်းမာနော့်ကောခူ့ဟဲ့။ 15ခွမ်ဟေ့း ထန်းလေ့း မု့ကယ်တင်ရှင်မေရှိယာ #3:15 မေရှိယ မေရှိယ (လာပေါ်ဟေဘရူး) လားလနော့် ပဲန်းဘွဲ့အားမု့တီ့ဆာ။ မွန်း (လာပေါ်ဂရိ ခရစ်) တိ့ဆာ။ လားလီတိလို့အေးအန်း ခွမ်ဟေ့းအားအွိုင်းလားကယ်တင်ရှင်မေရှိယတိနယ် ယောဟန်ညန်းခီ့ကေလာနော့်တိဆာ။ 16ခမ်းခီးအန်း ယောဟန်နယ် လားတိကေ အူးနယ်ကျူးအိုးကာသပေးတိနယ်ကျိုင်ဂျေ့။ ဟော့ဟက် အားကေထောင်းလေးအူးလီတပိုင်ဂျေ့။ ယောဟန်နယ် မတ်ခဲ့ကာဟွင် အန့်အပ်ဟာ။ ဟွင်နယ် ဟိုးခီ့ဟဲ့ ငိုမ်ဟဲ့ သပေးဟွင်အားလေကျူးအိုးကာသပေး။
17ခွမ်ရောကူးတပိုင် ကျိုင်ခဲ့ဟက် ခိုးစော့် လေ့ငေါ့်လီလားပို ဖကျောင်းနယ်အားပိုင်ရောခါးညှက်အွန်းဟက် အားပိုင်ရော်ခါးညှက်ဟွင်လားလေ့လီ။ လေအားညှက် ကာလေ့အွန်းဟာတိကန် အားဟာစာအေမ့်တွန်းတဲ့တိငိုမ်။ 18ဟော့ဟက် ယောဟန်နယ် စော့်ခါးလားဟေ့းဂျေဟေ့းမျိုး လားခေါင်ညှက်တိခွမ်ဟေး အားလေခေါင်ညှက်အွန်းကာကေဖတ်အေးတိကေ 19ဟော့ဟက် ခွမ်ထောင်းဟေရုဒ်အန္တိပ တွေအန်းဗေ့ဟွင်မု့ဟေရောဒိ အားဟာညှက်ရောထင်ဟေ့းဟက် ယောဟန်နယ်လေ့တက်ခွမ်ရော့။ 20ဟော့ဟက် ဟေရုဒ် ကာသားဟန်းဟွင် ဗေ့ယောဟန်ကာဟွင်ထော့လားမန်း။
ဖကျောင်းယေရှု နမ်ဟွင်လားကျူးအွန်း
(ကျောင်းမဿဲ ၃:၁၃-၁၇။ ကျောင်းမာကု ၁:၉-၁၁)
21နာမ်ယောဟန် ညောင်းပိုလေတိထော် ကျူးအိုးကာတိခွမ်ဟေ့း။ ဖကျောင်းယေရှု အားလေကျူးအိုးဟဲ့ နမ်ဟွင်တင်းပါး မွန်ခမ်တော့ 22ဟိုးခီအန်းမွန်းလာကူး စီးပန်ပိုင်းလီဂျေ့တီးစပမ်းဖကျောင်းယေရှု။ တိမွန်ခမ်စမ်းလေ့လားထင် မီနယ်အားအူးပိုဂေ့ပဲန်းကွမ်းအူး။ အူးနယ် သမီခွက်သလားထင်လာနော့်မြောင်တိဆာ။
ဂျိုပူဂျိုမွမ်း ဖယေရှု
(ကျောင်းမဿဲ ၁:၁-၁၇)
23ဖကျောင်းယေရှု ရော်ကန်းဟောလေဖကျောင်း အားရို့ဟွင်ပိုဆမ်းစစ်ပီး။ ယေရှုနယ် ခွမ်ဟေးကေလားကျိုင်ကွမ်းယောသပ်တီ့
ယောသကော်ပဲန်းကွမ်းမု့ဧလိယတပိုင် 24ဟက်ဧလိယတိနယ်ပဲန်းကွမ်း မဿတ်။
မဿတ်ကော်ပဲန်ကွမ်းလေဝိ၊ ဟက်မု့လေဝိကော်ပဲန်းကွမ်မေလိခီ၊
ဟက်မေလိခိကော်ပဲန်းကွမ်းယောသပ်။
25ဟက်ယောသပ်ကော်ပဲန်းကွမ်းမတ္တသိ၊ ဟက်မတ္တတိကော်ပဲန်းကွမ်းအာမုတ်၊
ဟက်အာမုတ်ကော်ပဲန်းကွမ်းနာဟုံ၊ ဟက်နာဟုံကော်ပဲန်းကွမ်းဧသလိ၊ ဟက်ဧသလိကော်ပဲန်ကွမ်းနဂ္ဂဲ။
26ဟက်နဂ္ဂဲကော်ပန်းကွမ်းမာအတ်၊
ဟက်မာအတ်ကော်ပဲန်းကွမ်းမတတ်သိ၊ ဟက်မတတ်သိကော်ပဲန်းကွမ်းရှေမိ၊
ဟက်ရှေမိကော်ပဲန်းကွမ်းယောသ၊ ဟက်ယောသကော်ပဲန်းကွမ်းယုဒသပိုင်။
27ယုဒကော်ပဲန်းကွမ်းယောဟန်၊ ဟက်ယောဟန်ကော်ပဲန်းကွမ်းရေသ၊
ဟက်ရေသကော်ပဲန်းကွမ်းဇေရုဗဗေလ၊ ဟက်ဇေရုဗဗေလကော်ပဲန်းကွမ်းရှာလသေလ၊
ဟက်ရှာလသေလကော်ပဲန်းကွမ်းနေရိတပိုင်။ 28ဟက်နေရိနယ်ပဲန်းကွမ်းမေလခိ၊
ဟက် မေလခိကော်ပဲန်းကွမ်းအဒ္ဒိ၊ ဟက်အဒ္ဒိကောပဲန်းကွမ်းကော်သံ၊
ဟက်ကောသံကော်ပန်းကွမ်းဧလမောဒံ၊ ဟက်ဧလမောဒံကော်ပဲန်းကွမ်ဧရတပိုင်။
29ဟက်ဧရကော်ပဲန်းကွမ်းယောရူ၊ ဟက်ယောရူကော်ပဲန်းကွမ်းဧလျေဇာ၊
ဟက် ဧလျေဇာကော်ပဲန်းကွမ်းယောရိမ်တပိုင်၊ ဟက်ယောရိမ်ကော်ပဲန်းကွမ်းမဿတ်၊
ဟက် မဿတ်ကော်ပဲန်းကွမ်းလေဝိတပိုင်။ 30ဟက်လေဝိကော်ပဲန်းကွမ်းရှိမောင်၊
ဟက်ရှိမောင်ကော်ပဲန်းကွမ်းယုဒ၊ ဟက် ယုဒကော်ပဲန်းကွမ်းယောသပ်၊
ဟက်ယောသပ်ကော်ပဲန်းကွမ်းယောနန်၊ ဟက်ယောနန်ကော်ပဲန်ကွမ်းဧလျာကိမ်တပိုင်။
31ဟက်ဧလျက်ကီမ်ကော်ပဲန်းကွမ်းမေလေ၊ ဟက်မေလေကော်ပဲန်းကွမ်းမဲနန်၊
ဟက်မဲနန်ကော်ပဲန်းကွမ်းမတ္တသ၊ ဟက်မတ္တသကော်ပဲန်းကွမ်းနာသန်၊
ဟက်နာသန်ကော်ပဲန်းကွမ်းဒါဝိဒ်။ 32ဟက်ဒါဝိတ်ကော်ပဲန်းကွမ်းယေရှဲ၊
ဟက် ယေရှုကော်ပဲန်းကွမ်းဩဗက်၊ ဟက်ဩဗက်ကော်ပဲန်းကွမ်းဗောဇ၊
ဟက်ဗောဇာကော်ပဲန်းကွမ်းစာလမုန်၊ ဟက် စာလာမုန်ကော်ပဲန်းကွမ်းနာရူန်တပိုင်။
33ဟက်နာရူန်ကော်ပဲန်ကွမ်းအမိနဒပ်၊ ဟက် အမိနဒပ်ကော်ပဲန်းကွမ်အဒ်မိန်၊
ဟက်အဒ်မိန်ကော်ပဲနိးကွမ်းမု့အာရနိ၊ ဟက်အာရနိကော်ပဲန်းကွမ်းဟေဇရုံ၊
ဟက် ဟေဇရုံကော်ပဲန်းကွမ်းဖာရက်တပိုင်၊ ဟက်ဖာရက်ကော်ပဲန်းကွမ်းယုဒသပိုင်။
34ဟက်ယုဒကော်ပဲန်းကွမ်းယာကုပ်၊ ဟက်ယာကုပ်ကော်ပဲန်းကွမ်းဣဇာက်၊
ဟက်ဣဇာက်ကော်ပဲန်းကွမ်းအာဗြဟံ၊ ဟက်အာဗြဟံကော်ပဲန်းကွမ်းတေရ၊
ဟက်တေရကော်ပဲန်းကွမ်းနာခေါ်တပိုင်။ 35ဟက်နာခေါ်ကော်ပဲန်းကွမ်းစေရောက်၊
ဟက်စေရောက်ကော်ပဲန်းကွမ်းရာဂေါ၊ ဟက်ရာဂေါကော်ပဲန်းကွမ်းဖာလက်၊
ဟက်ဖာလက်ကော်ပဲန်းကွမ်းဟေဗာ၊ ဟက်ဟေဗကော်ပဲန်းကွမ်းရှာလတပိုင်။
36ဟက်ရှာလကော်ပဲန်းကွမ်းကာဣနန်၊ ဟက်ကာဣနန်ကော်ပဲန်းကွမ်းအာဖာဇဒ်၊
ဟက်အာဖာဇဒ်ရကော်ပဲန်းကွမ်းရှေမ၊ ဟက်ရှေမကော်ပဲန်းကွမ်းနောဧ၊
ဟက် နောဧကော်ပဲန်းကွမ်းလာမက်တပိုင်။ 37ဟက်လာမက်ကော်ပဲန်းကွမ်းမသုရှလ၊ ဟက်
မသုရှလကော်ပဲန်းကွမ်းဧနောက်၊ ဟက်ဧနောက်ကော်ပဲန်းကွမ်းယာရာက်၊
ဟက်ယာရာဇ်ကော်ပဲန်းကွမ်းမဟာလေလ၊ ဟက်မဟာလေလကော်ပဲန်းကွမ်းကာဣနန်တပိုင်။
38ဟက်ကာဣကော်ပဲန်းကွမ်းဧနုတ်တပိုင်၊ ဟက် ဧနုတ်ကော်ပဲန်းကွမ်းရှေသ၊
ဟက်ရှေသကော်ပဲန်းကွမ်းအာဒံ၊
ဟက်အာဒံကော်ပဲန်းကွမ်းဖကျောင်းတိဆာ။
Kasalukuyang Napili:
ကျောင်းလုကာ 3: STU
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Samtao Bible by Beyond Translation is licensed under Creative Commons Attribution-ShareAlike 4.0 License.