लूका 19
19
चुंगी लेवणवाळौ जकई
1यीसु यरीहो मे परवेस करनै नगर मे ऊं होयनै जा रिया हा। 2उठै जकई नाम रौ एक मिनख हो जिकौ चुंगी लेवण वाळौ रौ मुखियौ हो। वो घणौ धनवान हो। 3वो यीसु नै देखणौ चावै हो की यीसु कुण है, पण भीड़ रै खातर देख नीं पा रियौ हो, क्यूंकै उणरौ कद नेनो हो। 4तद वो सबां ऊं आगै न्हातो होयौ एक गूलर रै रूंखड़ै माथै चढ़यौ, क्यूंकै यीसु उण मारग ऊं जावण वाळौ हो।
5जद यीसु उण जगा पूगौ, तो उणै ऊपर देखते होए जकई ऊं कयौ, “हे जकई, फुरती ऊं नीचे उतर आ, क्यूंकै म्हनै आज थारै ही घर ठैरणौ है।” 6वो तुरत उतरनै आंणंद ऊं उणनै आपरै घर लेन गियो।
7ओ देखनै सगळा लोग कुड़कुड़ानै कैवण लागा, “ओ तो पापी रै घर मेमाण बणणै जा रियौ है।”
8बल्कि जकई ऊभौ होयनै परभु ऊं कयौ, “हे परभु, देख, म्हैं म्हारी सगळी जायदाद री आधी कंगालो नै दे दूंला, और जे म्हैं किणी रौ छळ ऊं कीं भी लियौ है, तो उणरौ च्यार गुणा पाछौ दे दूंला।”
9तद यीसु उण ऊं कयौ, “आज इण घर मे उद्धार आयौ है, क्यूंकै ओ मिनख भी अबराहम री ही एक साची औळाद है। 10#मत 18:11क्यूंकै म्हैं, मिनख रौ बेटौ, गुमयोड़ौ नै ढ़ूंढ़नै अर उणौरौ उद्धार करणै आयौ है।”
दस मुहरो रौ दिस्टांत
(मती 25:14–30)
11वे जद इण बातां नै सुण रिया हा तो यीसु उणौनै एक वळै दिस्टांत कथा सुणाई, क्यूंकै यीसु यरुसलेम रै नजीक हो अर वे सौचता हा की परमेसर रौ राज तुरत ही परगट होणै जा रियौ है। 12यीसु कयौ, “एक ऊंचै कुळ रौ मिनख राजा रौ पद हासल करनै रै वास्तै किणी आगै देस गियो। 13अर उणै आपरै दस सेवकों नै बुलाया अर उणमे ऊं हरैक नै दस दस मुहरे दी अर उणौ ऊं कयौ, ‘म्हारै पाछौ आवण तांई इण ऊं कोई व्यापार करजौ।’
14“पण उणरै नगर रै रैवण वाळा उण ऊं बैर राखता हा, अर उणरै लारै दूतो रै जरियै कैह नै भेज्या, ‘म्हौ कोनीं चावौ की ओ म्हौ माथै राज करै।’
15“जद वो राजा री पदवी पायनै पाछौ घर आयौ, तो जिण सेवकों नै उणै धन दियौ हो उणौनै ओ जांणणै रै वास्तै, की उणौ कांई फायदो कमायो है, उणौनै बुलाणै भेज्या।
16“तद पैलौ सेवक आयनै कयौ, ‘हे मालिक, थौरे मोहरों ऊं दस और मोहरों कमाई है।’
17“इण खातर उणरै मालिक उण ऊं कयौ, ‘उतम सेवक, थैं बड़िया कियो। इण वास्तै थूं इण छोटी सी बात माथै विसवास लायक रियौ, थूं दस नगरो रौ अधिकारी होवैला।’
18“दूजै सेवक आयनै कयौ, ‘हे मालिक, थौरी मोहरों ऊं पांच और मोहरें कमाई है।’
19“उणै कयौ, ‘थूं भी पांच नगरो माथै हाकिम होवैला।’
20“तीजै आयनै कयौ, ‘हे मालिक, आ थौरी मोहर है, जिणनै म्हैं अंगोछे मे बांधनै राखी है। 21म्हैं थौरे ऊं डरूं हूं, क्यूंकै थूं कठोर मिनख है। थैं जिकौ राख्यौ कोनीं है थूं उणनै भी ले लेवे है अर जिकौ थैं बोयो कोनीं थूं उणनै काटे है।’
22“मालिक उण ऊं कयौ, ‘अरै दुस्ट सेवक, म्हैं थारै अपणै ही सबदो रै आधार माथै थारौ न्याव करूंला। थूं तो जांणै है की म्हैं जिकौ राखूं नीं हूं, उणनै भी ले लेणे वाळौ अर जिकौ बोऊं कोनीं हूं, उणनै भी काटनै वाळौ एक कठोर मिनख हूं। 23तो थैं म्हारौ धन ब्याज माथै क्यूं नीं दियौ, ताकी जद म्हैं पाछौ आवतौ तो ब्याज समेत उण ऊं ले लेतो?’
24“अर जिकौ लोग खनै ऊभा हा, उणौनै उण ऊं कयौ, ‘वो मोहर उण ऊं ले लो, अर जिणरै खनै दस मोहरों है उणनै दे दो।’
25“उणौनै उण ऊं कयौ, ‘हे मालिक, उणरै खनै दस मोहरों तो है।’
26 #
मत 13:12; मरकु 4:25; लूक 8:18 “मालिक कयौ, ‘म्हैं थौरे ऊं कैवूं हूं, हरैक उण मिनख नै जिणरै खनै है और घणौ दियौ जावैला, अर जिणरै खनै कोनीं है, उण ऊं जिकौ उणरै खनै है, वो भी ले लियौ जावैला। 27#मत 25:14–30बल्कि म्हारा वे दुसमन जिकौ कोनीं चावै की म्हैं उण माथै राज करूं, उणौनै एठै म्हारै सांमै लाओ अर मार नोखो।’ ”
यीसु रौ यरुसलेम जावणौ
(मती 21:1–11; मरकुस 11:1–11; यूहन्ना 12:12–19)
28ऐ बातां कैवणै रै पछै यीसु आगै चालतो होयौ यरुसलेम री तरफ बढ़ण लागा। 29अर जद वो बैतफगै अर बैतनिय्याह मे उण भाखर रै नजीक पूगा जिकौ जैतून रौ भाखर कैलावै है, तो उणै आपरा दो चेलौ नै ओ कैहन भेज्या, 30“ओ जिकौ गांव थौरे सांमै है उठै जाओ। ज्यौ ही थै उठै जाओला, थांनै गधी रौ बचियो उठै बांधयोड़ौ मिळैला जिण माथै किणी कदैई सवारी कोनीं किनी, उणनै खोलनै एठै ले आओ। 31अर जे कोई थौरे ऊं पूछै, ‘थै इणनै क्यूं खोल रिया हो’, तो थै उण ऊं ओ कैवणौ, ‘परभु नै चाहीजै।’ ”
32जिकौ नै भेज्या हा, उणौ जायनै ज्यौ यीसु उणौनै कयौ हो, व्यौंही मिळिया। 33जद वे गधे रै बचिये नै खोल रिया हा, तो उणरै मालिक उणौ ऊं पूछयौ, “थै इण बचिये नै क्यूं खोल रिया हो?”
34चेलौ कयौ, “ओ परभु नै चाहीजै।”
35वे उणनै यीसु रै खनै ले आया। चेलौ नै आपरा गाभा उण गधी रै बचिये ऊपर नोख नै यीसु नै उण माथै बिठा दिया। 36जद यीसु जा रिया हा तो लोग आपरा गाभा सड़क माथै बिछाता जा रिया हा।
37अर जद वो जैतून रै भाखर री ढ़ळाण खनै पूगा, तो चेलौ री सगळी भीड़ उण सगळै सामरथ रै कांमां रै खातर जिकौ उणौ देख्यां हा, राजी होयनै जोर ऊं परमेसर री स्तुति करनै लागा।
38“धन्य है वो राजा, जिकौ परभु रै नाम ऊं आवै है।
सरग मे सानति हो, अर आसमान मे परम परमेसर री महिमा हो।”
39तद भीड़ मे ऊं कीं फरीसी उण ऊं कैवण लागा, “हे गुरु, अपणै चेलौ नै मना कर।”
40यीसु उणौनै जबाब दियौ, “म्हैं थौरे ऊं कैवूं हूं, जे ऐ चुप हो ही जावै, तो ऐ भाठा चिला उठैला।”
यीसु रौ यरुसलेम रै वास्तै रोवणौ
41जद उणै खनै आयनै नगर नै देख्यौ तो वो उण ऊपर रोवण लाग्यौ, 42अर बोल्यौ, “जे थूं बस आज ओ जांणतौ की सानति थनै कीण ऊं मिळैला, बल्कि वो अजी थारी आंख्यां ऊं अदीठ है। 43क्यूंकै वो दिन थारै आवैला जद थारा दुसमन च्यांरूमेर घेर दैला, अर च्यांरूमेर ऊं थनै दबाव दैला। 44वे थनै धूड़ मे मिळा दैला, थांनै अर थारै मांय रैवण वाळा थारै टाबरौ नै। थारी च्यारदीवारी रै मांय वे एक भाठै माथै दूजौ भाठौ कोनीं रैवण दैला। क्यूंकै जद परमेसर थारै खनै आया, थैं उण घड़ी नै नीं पिछांणी।”
यीसु मिंदर मे
(मती 21:12–17; मरकुस 11:15–19; यूहन्ना 2:13–22)
45पछै यीसु मिंदर मे परवेस कियो अर जिकौ उठै दुकानदारी कर रिया हा, उणौनै बारै निकाळनै लागौ। 46अर यीसु कयौ, “लिख्योड़ौ है, म्हारौ घर पराथना रौ घर होवैला। पण थै उणनै डाकूओ रौ अडो बणा दियौ है।”
47 #
लूक 21:37
अर यीसु हरैक दिन मिंदर मे उपदेस देवण लागा। अर परधान याजकौ, यहूदी धरम सास्तरी अर मुखिया लोग उणनै मारणै री फिराक मे रैवण लागा। 48पण कोई उपाय नीं मिळियौ, की ओ कीण तरैह ऊं करै, क्यूंकै सगळा लोग उणरै वचनो नै घणी चाहत ऊं सुण रिया हा।
Kasalukuyang Napili:
लूका 19: RWR
Haylayt
Kopyahin
Paghambingin
Ibahagi
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© NLCI CC BY-NC-ND 4.0