Ang Pinakamahusay na Pamumuhunan Mo!Halimbawa

"Isabuhay ang mga Alituntunin ng Diyos Araw-araw"

“Salita mo'y isang tanglaw na sa akin ay patnubay, sa landas kong daraanan, liwanag na tumatanglaw.” Awit 119:105

Para sa mga Kristiyano, ang Salita ng Diyos ay nagbibigay ng maliwanag na kapangyarihan sa isang madilim na mundo kung minsan. Ang Salita ng Diyos ay pagmumulan lamang ng liwanag kung bukas tayo sa mga katotohanan nito at pahihintulutan natin itong tumagos nang malalim sa ating buhay. Inilarawan ito ni Jesus sa isang talinghagang matatagpuan sa Mateo: 

“May isang magsasakang lumabas upang maghasik. Sa kanyang paghahasik ay may mga binhing nalaglag sa tabi ng daan. Dumating ang mga ibon at tinuka ang mga iyon. May mga binhi namang nalaglag sa mabatong lupa. Dahil manipis lang ang lupa roon, sumibol agad ang mga binhi, ngunit natuyo agad ang mga ito nang mabilad sa matinding init ng araw, palibhasa'y mababaw ang ugat. May mga binhi namang nalaglag sa may matitinik na halaman. Lumago ang mga halamang matitinik at sinakal ng mga ito ang mga binhing tumubo doon. Ngunit ang mga binhing nahasik sa matabang lupa ay namunga; may tig-iisandaan, may tig-aanimnapu, at may tigtatatlumpu.” Mateo 13:3-8

Ang binhi sa kwento ay kumakatawan sa Bibliya, at ang iba't ibang mga kondisyon ng lupa ay kumakatawan sa ating kagustuhan at kahandaang tanggapin ang Salita ng Diyos. Tandaan na hindi lahat ng binhing inihasik ng magsasaka ay nagbigay ng resulta na hinahanap niya; kundi ang binhi lamang na naihasik sa mabuting lupa. Basahin ang Mateo 13:18-23 para sa paliwanag ni Jesus tungkol sa kwento. Ang paglilinang ng "mabuting lupa" sa ating buhay ay nangangahulugang pinapayagan natin ang Salita ng Diyos na tumagos sa ating mga isip at impluwensyahan ang mga motibo at saloobin ng ating puso. 

“Ang salita ng Diyos ay buháy at mabisa, mas matalas kaysa alinmang tabak na sa magkabila'y may talim. Ito'y tumatagos maging sa kaibuturan ng kaluluwa at espiritu, ng mga kasukasuan at buto, at nakakaalam ng mga iniisip at binabalak ng puso.” Hebreo 4:12