Mateusi 24 Popüler Kutsal Kitap Ayetleri

Paylaş

– Ãmẽ ajaire ikasiay wetetà nivoi tekoua jane kõ rè ky'y. Pe'ĩpe'ĩ kõrijõtà tè Janejare'e wauvay mãe kõ ky'y. A'evo remẽ, iwasuaytà ky'y. Ãmẽ pejimomãatã jẽ ere pejirovija remẽ, epyri peiko karuarutà kãramõ peiko ãmẽ.

Ãmõ, keetà rã'ĩ ajo e'ãve. Pirujẽ ãmõ yvy wãnà kõ pè Janejare'e ayvu e'eay tojenu rã'ĩ. Manyvo tekoua Janejare'e jamoẽoka jane'arà kyty remẽ mã'ẽ tojenu rã'ĩ. Yvy popy kyty ekoty rewarà kõ omojenu jenutà, tokuwa kupa. Aje, ekoty rewarà kõ tè omojenu jenutà erokwa. A'evo paire tè ajo tarà mijẽ ky'y. Ãmẽ tè yvy opatà ky'y, e'i Jesu. [– Haa! A'evotà si! e'i ãmẽ enu kupa.]

Ajaire kee jaa ojenu jenutà pejẽ: “Ojiapisi kupa upa”, ejaa. Ãmõ, “Ojiapisità ojee maevo kupa”, ejaa ojenutà. A'evo ipe remẽ tapejimonyi e'ã ikõ aepo renu nẽ! A'evo 'evotà rã'ĩ evãea renone kyty. Navãe'ãive a'evo remẽ ajamã'ẽ, e'i.

Ãmõ yvy pewarà kõ opõ'ãtà ãmõ ate'y kõ rè. Ojiapisità ojeeve kupa. Ojimomojy tètà ãmẽ kupa, e'i. Ãmõ, taa taa rupi yvy otytytà, e'i. Ãmõ, taa taa rupi tyavorusu okwatà rã'ĩ, e'i. [Ãmẽ tè pekuwatà avãerĩ mã'ẽ, e'i.] Ãwitõ ipuru'au mã'ẽ okuwa omemy taray remẽ, ãwĩvo ve pekuwatà avãerĩ aiko mã'ẽ, e'i ijupe kõ imomewa.

Ãmẽ si yvag opatà ky'y. Yvy opa tary ve. Eayvukwerà ãmẽ nopa'ãi, e'i Jesu.

“Janejare'e Remimuurerà rõmõ tè ije ajo penõvijã ywete rõmõ”, e'ità pejẽ mãe kõ pè. “Jesu ayvu rupi ajo”, e'i tevetà pejẽ mãe kõ pè. Ijatyray mirà kõ aepo e'ità owari rõmõ. Poromoripeaytà aepo jaa rè kupa. “Aje” tapejẽ ywe'e tite e'ã aepo jaa pè ajamã'ẽ nẽ, e'i.

E'i jẽ Jesu: – Aja paire peãpã kõ pepyytà. Pemomorijauokatà pejukaoka kupa. Pirujẽ yvy yvy wãnà kõ ojikõ'õtà pene, ekoty rewarà kõ tè pejẽ rewarà mõ, e'i. – A'evo remẽ mõa'ãrõwã “aje” ne'i'ãi ije ky'y. Okyje aità ãpã kõ wyi kupa. Ajawyi opoità ewyi kupa. A'evo kupa paire, ojimotee aità kupa ky'y ojiupe kõ ãmẽ. Ojiupiu tè ojimoripeokatà kupa. Ojimoripe aità ojee kupa, e'i. Sota rõvijã kõ po pè ojime'ẽokatà kupa, e'i. Ojikõ'õ ai ywetetà ojee kupa, e'i. Ãmẽ a'evo remẽ, Janejare'e ayvu mojenuarà rã'ãga kõ ve oikotà, mõa'ãrõwã. Ãmẽ a'e kõ mõa'ãrõwã mirà kõ pè ojavyokatà Janejare'e ayvu rupi tekoua, e'i.

Ãmẽ Jesu e'i ijupe kõ imotekokuwa kõ: – Mokoi! Pejimoãkwa'ã kee e'i pejẽ mã'ẽ pè ne

Tãwĩvo ve ikõ pejẽ nẽ. Tetã jarà vo temoa'u karuaru jẽ peiko nẽ rõnõ. Poroapy'atà tè avãe, e'i.

– Napekuwa amãtejẽ'ãi mã 'arà mẽ avãetà penõvijã wasu rõmõ ajikuwa. Ajawyi tapemoa'u katu jẽ evãea, a'e pejẽ.

E'i jẽ Jesu: – Ava nokuwa amãtejẽ'ãi evãe tarà 'arà. Nojikuwa'ãi manyvo remẽ. Mape kwaray remẽ. Mã jay remẽ. Nojikuwa'ãi wete si! Janejare'e remĩgwai yvapewarà kõ ve nokuwa amãtejẽ'ãi. Ije ipe, Janejare'e Ra'yry rõmõ teipe remẽ, nakuwaive evãe tarà 'arà. Papa rõmõ'ĩte a'evoa okuwapa.

Kee e'ità mõa'ãrõwã mirà kõ: “Janejare'e Remimuurerà tè ije”, e'i rã'ãgatà mãe kõ. Iwarità tè kupa aepo e'i mãe kõ. Ãmõ, “Janejare'e ayvu mojenuarà tè ije”, e'i rã'ãgatà mãe kõ. A'e kõ mãrãnà jikuwa e'ã iteetejẽ oinõtà kupa poromoripea rõmõ. “Janejare'e remipyteporo kõ tẽ tesõ tamoripe”, e'i tarepe oupe kupa.

Ja'ave rõwã ekoità kupa, ajo mijẽ remẽ. Ãwitõ tãmõ Noe akatuarà kõ ja'ave rõwã ekoi yy poru renone. A'e kõ itõkõ jimiwa règà oja'a. Ãmõ, oporaita règà itõkõ oja'a iko kupa. Ãmõ, jirekoa règà oja'a iko kupa. Janejare'e rè noja'ai 'ete ãmẽ kupa. A'evo 'evo tè ekoi kupa, ajaa puku pè tãmõ Noe oikepa nawiu pupe oike oo remẽ. Ãmẽ sõsi yy poru ojiãparõ upa ky'y. Ãmẽ tè tite oja'a ipe Janejare'e ayvu rè kupa ky'y. Opa ãmẽ kupa. A'evo tary ve ajimojane mã'ẽ rõmõ ajo mijẽ remẽ. Ãmẽ tè tite oja'a ipetà ere kupa, e'i Jesu.