လုကာ 19 Popüler Kutsal Kitap Ayetleri

Paylaş

အဘယ်ကြောင့်ဆိုသော် လူသား​သည် ပျောက်ဆုံးနေသော​သူများ​ကို ရှာဖွေ​၍ ကယ်တင်​ရန် ကြွလာ​သောကြောင့်​ဖြစ်သည်” ဟု မိန့်တော်မူ၏။

“ထာဝရဘုရား​၏​အမည်​နာမ​နှင့် ကြွလာသော​ရှင်ဘုရင်​သည် မင်္ဂလာ​ရှိပါစေသော။” “ကောင်းကင်ဘုံ​တွင် ငြိမ်းချမ်းခြင်း​ရှိ​၍ အမြင့်ဆုံးသော​အရပ်​တွင် ဘုန်းကြီးတော်မူပါစေသော” ဟု ကြွေးကြော်ကြ၏။

ယေရှု​က “ဤ​သူ​သည် အာဗြဟံ​၏​မျိုးဆက်​ဖြစ်​သောကြောင့် ယနေ့​ပင် ကယ်တင်ခြင်း​သည် ဤ​အိမ်​ပေါ်​တွင် သက်ရောက်လေပြီ။

ထို​နေရာ​သို့ ယေရှု​ရောက်တော်မူ​သောအခါ အပေါ်​သို့ မော့ကြည့်ပြီး​လျှင် “ဇက္ခဲ… အမြန်​ဆင်းခဲ့လော့။ ယနေ့ သင့်​အိမ်​တွင် ငါ​တည်းခိုမည်” ဟု မိန့်တော်မူ၏။ ဇက္ခဲ​သည်လည်း အလျင်အမြန်​ဆင်း​၍ ကိုယ်တော်​ကို ဝမ်းသာ​စွာ​ကြိုဆိုလေ၏။

ထို့နောက် ဇက္ခဲ​သည် ရပ်​၍ သခင်ဘုရား​အား “သခင်… အကျွန်ုပ်​၏​စည်းစိမ်ဥစ္စာ​တစ်ဝက်​ကို ဆင်းရဲသားများ​အား ပေးပါမည်။ အကယ်၍ တစ်စုံတစ်ဦး​ထံမှ မတရား​ကောက်ခံထားသော​ငွေ​ရှိ​ပါက လေးဆ​ပြန်လျော်ပါမည်” ဟု လျှောက်လေ၏။

လူအုပ်​ထဲတွင်​ပါသော ဖာရိရှဲ​တချို့​က “ဆရာတော်… ဆရာတော်​၏​တပည့်တော်များ​အား ဆုံးမပေးပါ” ဟု လျှောက်ကြ၏။ သို့သော်လည်း ယေရှု​က “ဤ​သူတို့​သည် တိတ်ဆိတ်​စွာ​နေ​လျှင် ကျောက်ခဲများ​သည် ကြွေးကြော်ကြပါ​လိမ့်မည်” ဟု ပြန်​၍ မိန့်တော်မူ၏။