Популярні біблійні вірші з Icitendekelo 9

Поділитись

Elyo Lesa atile, “Ici e cishibilo ca cipangano nalapangana na imwe na fyonse ifyabumi ifyo muli nafyo, icipangano cakulabako lyonse umukonkanina inkulo. Nabika umukolamfula wandi mu makumbi, ewakulaba icishibilo ca cipangano ico napangana ne sonde.

Ilyo lyonse umukolamfula ukalamoneka mu makumbi, ine nkalaumona no kwibukisha icipangano icakubelelela Lesa apangana ne misango yonse iya fyabumi pesonde.”

“Uyo onse uwasumya umulopa wa muntu, nao umuntu ali nokusumya umulopa wakwe, pantu Lesa abumbile umuntu mu cata cakwe.

Elyo Lesa apaalile Noa na bana bakwe abaume, abeba ati, “Fyalaneni, mufule, mwisushe isonde.

Fyonse ifyabumi ifyenda fikaba ifyakulya kuli imwe. Namupeela fyonse nga filya fine namupeele imisalu.

Inama shonse isha mpanga, ifyuni fyonse ifya mu lwelele, ifyabumi fyonse ifikulaika pa mushili ne sabi lyonse ilya muli bemba, fyakulamukwatila umwenso no kulamutiina. Ifi fyonse nafilubwila mu minwe yenu.

“Nomba imwe, fyalaneni, musande, mufule nganshi pesonde no kufulilapo.”