Популярні біблійні вірші з CHABANGCHAM 37

Поділитись

Joseph niu naikhat pamang manjiu, sise paniu pasingna maidung khuga dinkhaiboga, paliuniu patu mareng matan sude.

Jacob niu panahmai ruanggasu Joseph tu lungsa nkiu-e, palamra pah tanpao miboga patu manabo-e. Paniu paleng ntiang taronbo khatdi paben kathengbo khat charuikhai bi-e.

Paliu piuniu Joseph haitu lungsa diangbo hai ngaoluboga, pasingna maidung hainiu patu mareng sude khatdi patu munruijiu koina npaota mide.

Joseph niu pamang katam khat manlanjiu, sisedi paniu pasingna maidung khuga din-e, “Chahiu, naimik khatdi chagan kariu-je-khatkiuniu akhuga makhumkiu bamniubo I man-e.”

Pasingna maidung siniu patu ngaopun karen mide, chiudi papiura sibo lam pakhiangna makumjiu bam-e.

Paniu paliu khuga din-e, “Iniu manbo mang nking matailo. Aliu mathiu chaluga chamiu makhum rat kaduijiu bamboga, agu miukhumse suchap mide. Siga naliugu miukhum siniu agu miukhum mungga wang chap madui lujiu makhumkiu karen bamniu-e.”

Tuhoira wanglo, patu kamshat lujiu paphaw hai kasangbo chakhom khatga khoi taliang khai mikhe. Patu hai nkan khaoniu kamshat mibo-e chiujiu aliuniu dinlubui-e. Sichiusai pamangse degu pad ralo chiubo aliu ngao sune.”

Sichiujiu Midian maidung khangsiase wangboga, pasingna maidung siniu Joseph tu chakhomky gasu jupad lujiu, rangkang makai leng Ishmael maidung khugase jonkhai mide, sichiujiu paliuniu patu Egypt dihlam puitad mide.

Paliuniu khat-khat khuga dinsude, “Pamang manbo piuse haiga mengkin-e.

Paliuniu patu kadiu lamsu ngaolujiu paliu khuga wangtang makhaga patu kamshatra paliu makhiam lujiu limsude.

Paniu din-e, “Patu hai kamshat tukhe, chiudi haibo ramjeng gu chakhom khatga patu jukhaimi takhe; patura kam mathiu tukhe.” Paniu haichiu dinbora, patu hai paliu khugasu gukhai lujiu papiu khulam langkhai mira maningbo-e.