Популярні біблійні вірші з OHÚTU 6

Поділитись

Ó kē le kwɔ́ɔ iyē nɛ̄ɛ̄nɛ̄hi lɛyíkwu ɔ̄cɛ nōó yá wā ipú ɛcɛ ā. Íjémā le mu ɔ́ ɔtū nɛ̄hi.

Óndú ā le má ɛ́gɛ́nɛ̄ ɛjɛ̄ɛ̄jī ācɛ nēe bá ipú ɛcɛ ā bɔ̄bíipú lɛ ā mɛ́mla ɛ́gɛ́nɛ̄ ɛlá nēé gē gbo ā bɔ̄bí eko dóódu lɛ ā

Amáŋ Unówa, wɛ ɔ̄cɛ nōo he Ɔwɔicō ɔtū nɛ̄hi.

Ɛ́gɛ́nɛ̄ ɔ̄kā kú Unówa lɛ ā yɔ̄ á. Unówa ōfōōfūnū wɛ ɔ̄cɛ okpakpa nōó lɛ ɛnyá ŋ́, nōo yá ɔdā nōo he Ɔwɔicō ɔtū eko ɔ́ɔmā á. Ó yɛ́ɛma klla létɔ̄há mla Ɔwɔicō

Anɔ́ɔ Óndú ā kahíníī, “N géē je alɛɛcɛ, aɛ́bɛ́ mɛ́mla aígbáanɔ nɛ̄ n yá ā kpó yíífi bónū ŋmá ipú ɛcɛ. Ohígbū koó kwú um iyē nɛ̄ɛ̄nɛ̄hi nɛ̄ n yá uwā ā dɛ̄ɛ̄ ā.”

Eko nɛ̄ ācɛ gbɔɔ́ ō nyīla bá ɛbɛɛbɛ kú ipú odúúdú ɛcɛ ā, é kē bá ī ma ayínɔ̄nyā. Ōhī kú aálelékwū nēe bá ɔkpáncō nēé hī ka ayí kú Ɔwɔicō ā, le má ka ayínɔ̄nyā kú alɛɛcɛ ā héyīfuú, é le pɛ́ wā gaá gbɔɔ́ ō lɛ aɛ́nɛ̄ o he uwá ɔtū ā ɔnyā. Anɔ́ɔ Óndú ā kahíníī, “Alelékwū kú um ī gaá yɔ̄ ipú alɛɛcɛ piyóó gɛ ŋ́, ohígbū koó wɛ ɔkpíyē nōo gē kwú. Amáŋ, ɛ̄cī kú nū géē wɛ iháyí ofɛhīlī.” O ŋmá eko ɔ́ɔmā gɔbū ā, aɔ́gbágwu nɛ̄hi gbɔɔ́ ō lā ipú ɛcɛ. É wɛ ayí aálelékwū nēé hī ka ayínɔ̄nyīlɔ kú Ɔwɔicō, ayí nɛ̄ ācɛnyā kú alɛɛcɛ ma lɛ aálelékwū nɛ̄ é hī ka ayínɔ̄nyīlɔ kù ɔwoicō ā. Ayí ā wɛ aógbējūwā olɔfū nɛ̄hi mɛ́mla ācɛ olófu nɛ̄hi kú íkée ā á.

Unówa le ɔdā dóódu nɛ̄ Ɔwɔicō da ɔ́ ā kpó yá.

Anɔ́ɔ Ɔwɔicō da Unówa kahíníī, “N le tútū ká n̄ kpó odúúdu alɛɛcɛ ŋmó ɛɛ́. Abɔ̄ alɛɛcɛ le mu mla ɔ́bíipú ā, n géē je uwá mɛ́mla ɛcɛ kpó yíífi dúúdú.

Lɛ úgbéenyi gbā lɛ īyī uwɔ, ŋmá ɔcí olɔfú. Lɛ aínu gwó tū ipú úgbéenyi ā. A géē ma unɛ plla eyīpú mɛ́mla eyīyɛ̄ce kú nū.

Ɔwɔicō le má ka ɛcɛ le bīya ɛɛ́, ohígbū ka ucē obɔ̄bí kú ɛjɛ̄ɛ̄jī alɛɛcɛ kwú uwā í kpó bīya ipú ɛcɛ ā.

Lɛ ɛdɔ kú ɛbɛ́ dóódu o yēeyī nōo wɛ ɔbá mɛ́mla ɔnyā nēe bá ipú ɛcɛ nyā kpó wā ipú úgbéenyi ā. O yá kú ugbɛ kú uwā kóō mɛ ŋ́.