Популярні біблійні вірші з मत्ती 15

Поділитись

पर जो कुछ मुंहा ले बाहर निकल्हा, से मना ले निकल्हा, होर सेई माह्णुं जो गन्दा करहा। क्यूंकि बुरे-बुरे सोच रखणा, खून करणा, नजायज रिस्ते रखणा, व्यभिचार करणा, चोरी करणा, झूठी गुआही देणा होर बदनामी करणा, जेह्ड़ी गल्ला मना ले बाहर निकल्हा ई।

जो मुंहा मन्झ जाहाँ, से माह्णुं जो बाहरा ले गन्दा करदा, पर माह्णुं रे मुंहा ले जो गल्ला निकला ई, सेई माह्णुं जो गन्दा करही।”

‘ये लोक आपणे सब्दा किन्हें ता मेरा आदर करहा ऐं, पर तिन्हारा मन मेरे ले बौहत दूर आ। होर स्यों बेकार मेरी अराधना करहा ऐं, क्यूंकि स्यों माह्णुंआं रे बणाईरे रुआजा जो परमेसरा रे हुक्म बोली किन्हें लोका जो स्खाहें।’”

एता पर यीसूए तेस्सा जो जवाब देई किन्हें बोल्या कि, “हे ज्नाने, तेरा विस्वास बडा आ; जेह्ड़ा तू चाहीं, तेरे कठे तेह्ड़ा ई हो।” होर तेस्सा री मह्ठी तेस ई टैम ठीक हुई गई।

पर से आई होर जांढू रे भारे पई किन्हें तेस किन्हें बोल्दी लगी, “हे प्रभु, मेरी मदद करा।” यीसूए तेस्सा जो परखणे रे कठे जवाब दितेया कि, “बच्चेया री रोटी लई किन्हें कुत्ते रे अगे नी रखदे।” (यहूदी लोक दूजी जातिया रे लोका जो कुत्ते साहीं समझ्हा ऐं थे) पर तेस्से बोल्या, “सच्च आ प्रभु, पर कुत्ते भी रोटी रे टुकड़े खाई लैहां ऐं, जो तिन्हारे माल्का री मेजा ले पहूंआं ऐं।”