Популярні біблійні вірші з Luuka 8

Поділитись

Leelo imbeyu sina sagwiliile pa lilongo ilinofu, sihwananisiwa na vaanu vina vipulikha iLiswi, viyinatila kwa numbula nofu na kwa kitiila, khanji viikhoma amakhomo kwa kigugumila mu malava goona.

Imbeyu sina sagwiliile pa mimfwa, sihwananisiwa na vaanu vina vipulikha iLiswi lya Nguluvi, leelo paanyuma mu wiikhasi waanave, umuninu, uwusi, nu wupafu wa kiyishendeefya mu fiinu fya mu nyi, fikivaminyiilisa. Ilyo likivagaha vapootwe kikhoma amakhomo.

Imbeyu sina sagwiliile pa shivakwe, sihwananisiwa na vaanu vina vipulikha iLiswi lya Nguluvi, baaho vikiliposheela kwa wushendeefu, leelo vasikiliviikha mu numbula. Ava vihuviilila luhaavi lufupi, nda vajelwe vikililekha ilihuuvi.

Baheene uYeesu wávaposa wáaja, “Ilihuuvi lyenyu lili kwi?” Avamanyisiwa vaswigaga na kitiila kuno viposania veene viija, “Uyu yu naani yuna nda akhajile ilipepo ilikhome na mavingu, fyona fikimutiila?”

Imbeyu sina sagwiliile mu nsila, sihwananisiwa na vaanu vina vipulikha iLiswi lya Nguluvi, leelo luhaavi luulo, uShetaani iyinsa kiliwuusa iLiswi ilyo mu numbula saanave, kiija vasilaave vahuviilile na kikulukha.

Shoshoona shina shifihiilwe shikhafumbulwa, khanji imbuusa yoyoona yikhamanyikha na kiwonekha, shiyooli fikhava bahawuvalafu.

Uwashimaayi yula pina wáweene kiija uYeesu wámumanya, wáaluta kuno itetema. Wáfugama pamwandi yaakwe, wámujovela pa vaanu woona shina shamugaha amupyase uYeesu na shina shamuponia nyangu. UYeesu wámujovela wáaja, “Mwali wangu, wahuviilila, lulwene waapona. Ulutaje kwa wulindamafu!”

Baheene avamanyisiwa vaaluta kwa Yeesu, vamulamusa, vaaja, “Wee Mutwa, Mutwa! Tiifwa!” UYeesu wálamukha, wálikhajila ilipepo na mavingu, fyavatama, kwava tototo!