Популярні біблійні вірші з BOISIONIKAB CHE KIYOKTOI 1

Поділитись

Ago otaache kamuktaet, ye tun kanyonjok Tamirmiriet ne Tilil: ak oegu baorinikyuk eng’ Jerusalem, ak eng’ Judea komugul ak Samaria, ak agoi tabandab ng’ony.

Kolenji ichek, Mabotok onai betusiek anan kenyisiek, che kigonde Kwanda eng’ bounatennyi inegei.

ak, kingo kagoyumgei koboto icheget, kong’at kolenji, amat obe eng’ Jerusalem, ago ogen kayomiset ne bo Kwanda, noto kiogasena: amu kiibatisanis Johana iman eng’ beek; ago kibatisanok eng’ Tamirmiriet ne Tilil kotom kogesgei betusiek che chang’.

icheget che kiiborjigei kosobei ye kingobata nyalildanyi, eng’ kaborunoik che chang’, kong’ang’jingei ichek eng’ betusiek artam, ak kong’alaljin ichek agobo tuguk che bo bounatetab Jehovah

Ak ye kingo kagomwa tuguchuto, ye kita kogeerei kimut inendet kwo barak; ak kitaach boldet inendet ak kobetito eng’ tainywa.

Ak ye kingota konyali kipsengwet kochiiljin kong’ kota kowendi, ogeero, kitononso bik aeng’u eng’ ye negite icheget kolaachi ngoroik che leelachen: che kimwa agichek, kole, Okwek bikab Galili, kalya si otononse ak onyali kipsengwet? Tun nyonei Jesu nito, ne kagimut kwo kipsengwet kobunei oling’wong’, ko u yu kogeere kowendi kipsengwet.