Популярні біблійні вірші з JOHANA 21

Поділитись

Ye kingo kagoamis anyun, kolenji Jesu Simon Petero, Simon, weritab Johana, tos ichama kosiir chu? Kolenji inendet, Ee, Kiptaiyandani, ingen ile achamin. Kolenji, Bai arekyuk. Kolenji kogeny ne bo aeng’ Simon, weritab Johana, ichama? Kolenji, Ee, Kiptaiyandani, ingen ile achamin. Kolenji, Iyage kechirekyuk. Kolenji ne bo somok, Simon, weritab Johana, ichama? Koarogen Petero amu kamwachi ne bo somok, kolenji, Ichama? Ak kolenji, Kiptaiyandani, ingen tuguk tugul; ingen ile achamin. Kolenji Jesu inendet, Bai kechirekyuk.

Amwaun, iman, iman, ale, Ye kita ko i ming’in, ko kiilaaksechinige, ak iwendi ole imache: ago ye tun iositu, iitoi euneguk, ak kolaakseun age, ak komutin ole memache.

Ak kilenji ichek, Owirji regereiywot ne kiname njirenik komostab tai ne bo moinget, si onyoru. Kowirji anyun, ak mata komuch kochuut amu chang’indab njirenik.

Kolenji Simon Petero, Kawe aram njirenik. Kolenji chun alage, Kibendi agachek koboten. Koba anyun ak kolany moingetab beek: ak ma nam kiy kemounoto.