Популярні біблійні вірші з Jénesis 6

Поділитись

No NAI tristi tanba Nia halo ona ema iha mundu, no Nia hanoin ho laran susar.

Depois NAI haree ema sai aat tebes iha mundu. Buat hotu nebee sira hanoin iha sira nia fuan laran sei aat nafatin.

Maibee Noé hetan grasa iha NAI nia oin.

Ida nee mak Noé nia jerasaun sira. Noé mak ema nebee moris loos no perfeitu iha povu nia leet, no Noé lao hamutuk ho Maromak.

Nunee NAI dehan, “Hau sei halakon ema nebee Hau kria ona nee hosi mundu tomak, inklui ema no animál, buat nebee dolar no manu iha lalehan, tanba Hau tristi katak Hau halo ona sira.

Bainhira ema komesa sai barak iha mundu, no sira hetan oan feto sira, Maromak nia oan mane sira haree katak ema nia oan feto sira bonita, no sira fihir feto tuir sira nia hakarak hodi sai sira nia feen. Depois NAI dehan, “Hau nia Espíritu sei lakohi diskuti malu ho ema ba nafatin, tanba nia mak isin deit. Nunee nia moris deit too tinan atus ida rua-nulu. Iha tempu nebaa, ema ain aas hela iha mundu, no mos iha tempu tuir mai. Tanba Maromak nia oan mane sira hola ema nia oan feto sira, no sira hetan oan sira. Oan sira nee sai asuwain iha tempu antigu, nebee ema konhesidu.

Noé halo tuir buat hotu nebee Maromak haruka nia halo.

No Maromak dehan ba Noé, “Hau desidi ona atu hamate ema hotu, tanba mundu nee nakonu ho violénsia liu hosi sira. Tebes, Hau sei destrui sira ho mundu nee.

Halo roo boot ida hosi ai kakeu. Halo kuartu sira iha roo laran, no taka roo nia laran no liur ho alkatraun.

Maromak hateke ba mundu no haree katak fatin nee aat tanba ema hotu nebee iha mundu lao ho hahalok aat.

No hosi animál hotu nebee moris, o sei hatama rua-rua hodi hakiak sira hamutuk ho o, aman ida no inan ida.