Jola Kasa - 2008 Edition (NT)

<div class="version vid1549 iso6393csk" data-vid="1549" data-iso6393="csk">
 <div class="book bkMAT">
 <div class="chapter ch2" data-usfm="MAT.2">
 <div class="label">2</div><div class="s">Bukan k&#225;jallowe li kubil kamanen Y&#233;esu</div><div class="p"> 1Y&#233;esu li abuki li &#233;sukayi yata Betilehem, li etaamayi yata S&#250;de, nan Elod alako nomuu &#225;yii. Mu&#241;e&#712;e k&#225;nayine k&#225;jallowe, li kubilumul akiw#2:1 Akiw: Akiw yo yommuu kagebaku ban banakabu buyitowumulemuu. min kujow boot Yeelusalem. 2Nan k&#250;lii&#331;umuu, li kugel&#805;l&#805;en koon:</div><div class="p">&#8212; Ay&#237;iyawu ata Kusuwifaku akitemuu li abuki ummay? Jijuujuk ewuutayi yoola akiw. M&#243; m&#250;jimuu li jibil kamanenool.</div><div class="p"> 3Nan &#225;yiiyawu Elod ajamumuu loon mu&#241;a&#712;a, li aliiwo, akila li bukanabuku feh kata Yeelusalem. 4Li ahoo&#241; bajoj huhaanaahu hata &#233;lambaayi, li bukanabuku kaliikenemuu &#233;sukayi eluwaayi yata M&#243;yiis kata &#233;sukayi, min agel&#805;l&#805;eniil aaniil:</div><div class="p">&#8212; Kama bay Kilisita ammuu li abuki? 5Li koonool:</div><div class="p">&#8212; Kilisita fan abuki li &#233;sukayi yata Betilehem, li etaamayi yata S&#250;de. Mata mu&#241;e&#712;e afulofetawu akiicumuu eeno:</div><div class="p"> 6&#171;Awu Betilehem, &#225;amimuu li etaamayi yata S&#250;de,</div><div class="q1">manooman let awu uha&#331;umuu matiti feh li s&#237;sukasu sata S&#250;de.</div><div class="q1">Mata an &#225;amak fan &#225;fulumul li awu.</div><div class="q1">Fan anatten &#233;sukayi y&#250;mbaam, Isilayeel#Mika 5:1; Sa&#331; 7:42.&#187;</div><div class="p"> 7Mu&#241;e&#712;e Elod li abuuy &#225;hoo&#241;ul k&#225;nayinaabuku kajal&#805;l&#805;omuu, min agel&#805;l&#805;eniil jak aaniil:</div><div class="p">&#8212; Nayimaa ewuutayi &#233;fululumuu?</div><div class="m"> 8F&#250;lum t&#243;, li abo&#241;iil kujow boot Betilehem aban li aaniil:</div><div class="p">&#8212; Jijow ji&#331;es jak a&#241;iilawu. Jijukoolumuu, li jibil jihebom m&#237;n &#237;nje humumom ihin ijow imanenool.</div><div class="p"> 9Nan kujantenumuu kulimaku kata &#225;yiiyawu kuban, li kuwuj. Mu&#241;e&#712;e li kulako ejowayi, li ku&#331;anden ewuutayi yan kujukeen nomuu Akiw. Ewuutayi li enaak ejow eyabiil h&#225;kil. Nan &#233;lii&#331;umuu tan a&#241;iilawu alakomuu, li eyiten to. 10Nan k&#225;nayinaabuku k&#225;jallomuu kujukumuu ewuutayi, li s&#250;umiil li k&#250;kow &#331;&#225;a&#8217;. 11Mu&#241;e&#712;e li kunoken li eluufayi k&#250;lii&#331;, li kujuk a&#241;iilawu li jaawool Mali. Li k&#250;kuntu&#331; min kumanen a&#241;iilawu. Nan kumanenoolumuu kuban, li k&#250;babul d&#225;n kukaanumuu wa&#241;awu wooliil min kusenool &#233;wulus, li ecuulaay, li m&#250;ki&#8217;. 12F&#250;lum t&#243;, Ateemit li alobiil li s&#237;saahut aaniil jakum kulaa&#241; boot bata Elod. Li ku&#331;a&#8217; b&#250;tin bakee min kulaa&#241; boot booliil.</div><div class="s">Suseef li Mali, li kutey boot Ej&#237;f</div><div class="p"> 13Nan k&#225;nayinaabuku k&#225;jallomuu k&#250;balomuu, amalaka ata Amaa&#331;enawu li &#225;fu&#8217; Suseef li s&#237;saahut min aanool:</div><div class="p">&#8212; Suseef, uyito u&#331;a&#8217; a&#241;iilawu li jaawool min utey boot li etaamayi yata Ej&#237;f. Ulako bo boot yok nan emmuu li eeni &#250;laa&#241;ul; mata Elod fan a&#331;es a&#241;iilawu boot jamuk.</div><div class="p"> 14Mal&#805;egen Suseef li ayito a&#331;a&#8217; a&#241;iilawu buko li jaawool, min kujow li huk boot Ej&#237;f. 15Li alako Ej&#237;f boot yok nan Elod aketumuu. Wahawu unwu li ubaj loon Amaa&#331;enawu &#225;lobum womuu li butum bata afulofetawu aan: &#171;Lihonhoo&#241; a&#241;oolom &#225;fulul li Ej&#237;f#O&#243;se 11:1.&#187;</div><div class="s">Elod li amuk ba&#241;iilabu bata &#233;sukayi yata Betilehem</div><div class="p"> 16Nan Elod ajukumuu aan k&#225;nayinaabuku k&#225;jallomuu kubuntoobunt, etindihuu&#241; y&#225;amak li ejokool. Mu&#241;e&#712;e li abo&#241; kujow kumuk ba&#241;iilabu b&#225;yinaabu feh bata &#233;sukayi yata Betilehem, li bata s&#237;sukasu sakooj yomuu, kabajumuu simit s&#237;l&#805;uba w&#225;lowul teetaam. Lalollob mo naboo li ta&#331;ayi yan k&#225;nayinaabuku k&#225;jallomuu kuloboolumuu, nan ewuutayi &#233;fululumuu. 17Mu&#241;owu kulimaku unke kata afulofetawu Selemi, k&#250;bajummuu:</div><div class="p"> 18&#171;Bufemb li bujami h&#237;ndo &#233;sukayi yata Lama,</div><div class="q1">b&#250;luulen li kal&#805;okoo k&#225;amak.</div><div class="q1">Laceel &#225;ami li j&#237;l&#805;ok ba&#241;oolool.</div><div class="q1">Afa&#241;ut min an &#225;tintimbenool, mata kukeeket#Selemi 31:15.&#187;</div><div class="s">Suseef li &#225;laa&#241;umul Ej&#237;f boot Nasalet</div><div class="p"> 19Nan &#225;yiiyawu Elod amojumuu, amalaka ata Amaa&#331;enawu li &#225;fu&#8217; Suseef li s&#237;saahut li etaamayi yata Ej&#237;f. 20Amalakaawu li aan Suseef:</div><div class="p">&#8212; Uyito u&#331;a&#8217; a&#241;iilawu li jaawool, min ulaa&#241; boot li etaamayi yata Isilayeel, mata bukanabuku ka&#331;eseenumuu jamuk a&#241;iilawu kukete. 21Mal&#805;egen Suseef li ayito a&#331;a&#8217; a&#241;iilawu li jaawool, min alaa&#241; boot li etaamayi yata Isilayeel.</div><div class="p"> 22Bale nan Suseef ajamumuu kaanaku Alikelawus#2:22 Nan &#225;yiiyawu Elod &#225;jimumuu, li kugaboo etaamayi yata S&#250;de ku&#241;oolool. Mu&#241;e&#712;e ba&#241;iilabu bata Elod kuha&#331;ool m&#225;jakaati. Wahawu unwu &#250;jimuu Suseef li &#225;koli bajow boot li etaamayi yata S&#250;de. a&#331;ale j&#225;yiiyaju jata atuubawool Elod &#225;jimumuu li etaamayi yata S&#250;de, li &#225;koli bajow boot bo. Mu&#241;e&#712;e Amaa&#331;enawu li alob Suseef li s&#237;saahut min ajow boot li etaamayi yata G&#225;lile. 23Suseef li ajow akin bo, li &#233;suk yan koone Nasalet, b&#225;jum wahawu wan kufulofetaku kulobumuu li ubaj loon kulob womuu: &#171;Fan ahoo&#241;i an ata Nasalet#Esay 11:1; 60:21; Sakali 6:12.&#187;</div>
 </div>
 </div>
</div>

Yéesu li abuki li ésukayi yata Betilehem, li etaamayi yata Súde, nan Elod alako nomuu áyii. Muñeˈe kánayine kájallowe, li kubilumul akiw min kujow boot Yeelusalem. Nan kúliiŋumuu, li kugel̥l̥en koon:
— Ayíiyawu ata Kusuwifaku akitemuu li abuki ummay? Jijuujuk ewuutayi yoola akiw. Mó mújimuu li jibil kamanenool.
Nan áyiiyawu Elod ajamumuu loon muñaˈa, li aliiwo, akila li bukanabuku feh kata Yeelusalem. Li ahooñ bajoj huhaanaahu hata élambaayi, li bukanabuku kaliikenemuu ésukayi eluwaayi yata Móyiis kata ésukayi, min agel̥l̥eniil aaniil:
— Kama bay Kilisita ammuu li abuki? Li koonool:
— Kilisita fan abuki li ésukayi yata Betilehem, li etaamayi yata Súde. Mata muñeˈe afulofetawu akiicumuu eeno:
«Awu Betilehem, áamimuu li etaamayi yata Súde,
manooman let awu uhaŋumuu matiti feh li sísukasu sata Súde.
Mata an áamak fan áfulumul li awu.
Fan anatten ésukayi yúmbaam, Isilayeel.»
Muñeˈe Elod li abuuy áhooñul kánayinaabuku kajal̥l̥omuu, min agel̥l̥eniil jak aaniil:
— Nayimaa ewuutayi éfululumuu?
Fúlum tó, li aboñiil kujow boot Betilehem aban li aaniil:
— Jijow jiŋes jak añiilawu. Jijukoolumuu, li jibil jihebom mín ínje humumom ihin ijow imanenool.
Nan kujantenumuu kulimaku kata áyiiyawu kuban, li kuwuj. Muñeˈe li kulako ejowayi, li kuŋanden ewuutayi yan kujukeen nomuu Akiw. Ewuutayi li enaak ejow eyabiil hákil. Nan éliiŋumuu tan añiilawu alakomuu, li eyiten to. Nan kánayinaabuku kájallomuu kujukumuu ewuutayi, li súumiil li kúkow ŋáa’. Muñeˈe li kunoken li eluufayi kúliiŋ, li kujuk añiilawu li jaawool Mali. Li kúkuntuŋ min kumanen añiilawu. Nan kumanenoolumuu kuban, li kúbabul dán kukaanumuu wañawu wooliil min kusenool éwulus, li ecuulaay, li múki’. Fúlum tó, Ateemit li alobiil li sísaahut aaniil jakum kulaañ boot bata Elod. Li kuŋa’ bútin bakee min kulaañ boot booliil.

Nan kánayinaabuku kájallomuu kúbalomuu, amalaka ata Amaaŋenawu li áfu’ Suseef li sísaahut min aanool:
— Suseef, uyito uŋa’ añiilawu li jaawool min utey boot li etaamayi yata Ejíf. Ulako bo boot yok nan emmuu li eeni úlaañul; mata Elod fan aŋes añiilawu boot jamuk.
Mal̥egen Suseef li ayito aŋa’ añiilawu buko li jaawool, min kujow li huk boot Ejíf. Li alako Ejíf boot yok nan Elod aketumuu. Wahawu unwu li ubaj loon Amaaŋenawu álobum womuu li butum bata afulofetawu aan: «Lihonhooñ añoolom áfulul li Ejíf.»

Nan Elod ajukumuu aan kánayinaabuku kájallomuu kubuntoobunt, etindihuuñ yáamak li ejokool. Muñeˈe li aboñ kujow kumuk bañiilabu báyinaabu feh bata ésukayi yata Betilehem, li bata sísukasu sakooj yomuu, kabajumuu simit síl̥uba wálowul teetaam. Lalollob mo naboo li taŋayi yan kánayinaabuku kájallomuu kuloboolumuu, nan ewuutayi éfululumuu. Muñowu kulimaku unke kata afulofetawu Selemi, kúbajummuu:
«Bufemb li bujami híndo ésukayi yata Lama,
búluulen li kal̥okoo káamak.
Laceel áami li jíl̥ok bañoolool.
Afañut min an átintimbenool, mata kukeeket.»

Nan áyiiyawu Elod amojumuu, amalaka ata Amaaŋenawu li áfu’ Suseef li sísaahut li etaamayi yata Ejíf. Amalakaawu li aan Suseef:
— Uyito uŋa’ añiilawu li jaawool, min ulaañ boot li etaamayi yata Isilayeel, mata bukanabuku kaŋeseenumuu jamuk añiilawu kukete. Mal̥egen Suseef li ayito aŋa’ añiilawu li jaawool, min alaañ boot li etaamayi yata Isilayeel.
Bale nan Suseef ajamumuu kaanaku Alikelawus aŋale jáyiiyaju jata atuubawool Elod ájimumuu li etaamayi yata Súde, li ákoli bajow boot bo. Muñeˈe Amaaŋenawu li alob Suseef li sísaahut min ajow boot li etaamayi yata Gálile. Suseef li ajow akin bo, li ésuk yan koone Nasalet, bájum wahawu wan kufulofetaku kulobumuu li ubaj loon kulob womuu: «Fan ahooñi an ata Nasalet.»

سنیں Máciya 2