Anjam - 2014 Edition (NT) Non-Drama

Anjam - 2014 Edition (NT) Drama

<div class="version vid1743 iso6393boj" data-vid="1743" data-iso6393="boj">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s1">Yesus a segi yori bati aqa Tamo Koba</div><div class="p"> 1Yori bati bei Yesus aqa a&#331;gro na&#331;gi ti wau ambleq na giloqnsibqa aqa a&#331;gro na&#331;gi mamnjrnaqa bem sum gei ele&#331;oqnsib uye uye giloqneb. 2Na&#331;gi degsib gileqnabqa Farisi qudei na&#331;gi bosib na&#331;gi unjrsib Yesus minjeb, &#8220;Ni une. Ino a&#331;gro na&#331;gi gago dal anjam groteqnub. Yori bati qa kumbra degyo di getento koba.&#8221; 3Onaqa Yesus na kamba Farisi na&#331;gi minjrej, &#8220;Nami Devit aqa wau tamo na&#331;gi ti mamnjrnaqa kumbra yeb qaji di ni&#331;gi buk miligiq di sisiyosai kiyo? 4Devit a atra tal miligiq gilsiqa Qotei atraiyqajqa bem osiqa aqa wau tamo na&#331;gi koba na uyeb. Bem di getento. Di atra tamo na&#331;go segi uyqajqa bem. Devit a degyej di a dal anjam grotej. Ariya a Qotei aqa &#331;amgalaq di une saiqoji. 5Dal anjam bei dego ne&#331;gre&#331;q di unu. Anjam agiende. Atra tamo na&#331;gi yori bati gaigai atra tal miligiq di waueqnub. Na&#331;go kumbra dena na&#331;gi dal anjam groteqnub. Ariya na&#331;gi Qotei aqa &#331;amgalaq di une saiqoji. Ni&#331;gi anjam di nami buk miligiq di sisiyosai kiyo? 6Ariya e ni&#331;gi endegsi mer&#331;gwai. Bini tamo bei atra tal tula&#331; bu&#331;yejunu qaji a nu&#331;go ambleq di unu. 7Qotei aqa anjam bei dego nami endegsib ne&#331;gre&#331;yeb unu, &#8216;Ni&#331;gi e la&#331;a atraibeqnub. E nu&#331;go kumbra deqa arearetbosaieqnu. Ni&#331;gi tamo na&#331;gi qa duloqnsib kumbra bole bole enjroqnqab di e tula&#331; arearetbqas.&#8217; O Farisi, ni&#331;gi Qotei aqa anjam di sisiyosib poi&#331;go qamu ni&#331;gi tamo une saiqoji na&#331;gi gulbe enjrosai qamu. 8E Tamo A&#331;gro. Deqa e segi na yori bati taqatejunum. E segi yori bati aqa Tamo Koba.&#8221;</div><div class="s1">Yori bati qa Yesus a tamo ba&#331; qandamyej qaji di boletej</div><div class="p"> 9Onaqa Yesus a dena walwelosiqa qure beiq di brantosiqa Juda na&#331;go Qotei tal miligiq gilej. 10Qotei tal miligiq di tamo bei ba&#331; qandamyej qaji a soqnej. Deqa tamo qudei na&#331;gi Yesus aqa jejamuq di anjam la&#331;a qametqa marsibqa endegsib nenemyeb, &#8220;Iga yori bati qa tamo boletqom di kere kiyo? Dal anjam a kiyersi marqo?&#8221; 11Onaqa Yesus na kamba minjrej, &#8220;Tamo bei aqa kaja a yori bati qa ulo&#331;osim subq aiyimqa a uratqasai. A na aqaryaiyosim olo subq dena osim goge atqas. Di ni&#331;gi qalie. 12Ariya tamo na&#331;gi kaja sai. Na&#331;gi tamo qunu&#331; ti. Deqa iga yori bati qa tamo aqaryaiyim a bole sqas di kumbra bole.&#8221; 13Yesus a na&#331;gi degsi minjrsiqa tamo ba&#331; qandamyej qaji di minjej, &#8220;Ni ino ba&#331; waiy.&#8221; Degsi minjnaqa aqa ba&#331; waiyonaq boleej. Aqa ba&#331; bei ombla na kerekereeb. 14Onaqa Farisi na&#331;gi Qotei talq dena oqedosib na&#331;gi gam kiyersib Yesus qalib moiqajqa deqa qairoqneb.</div><div class="s1">Yesus a segi qujai Qotei aqa wau tamo bole</div><div class="p"> 15Farisi na&#331;gi Yesus qalqajqa qairoqneb di qalieosiqa qure di uratosiq walwelosiq gilej. A gileqnaqa tamo u&#331;gasari gargekoba na&#331;gi a dauryeqnab a na&#331;go ma tamo kalil na&#331;gi boletnjroqnej. 16Osiqa a na na&#331;gi saidnjroqnej, &#8220;Ni&#331;gi ijo &#241;am ubtosib maraib.&#8221; 17Yesus a kumbra di yej deqa anjam bei Qotei aqa medabu o tamo Aisaia nami marej qaji di aqa damu brantej. A anjam endegsi marej, 18&#8220;Endi ijo wau tamo e segi na giltem qaji. E a tula&#331; qalaqalaiyeqnum. E a qa areboleboleibeqnu. E ijo Mondor aqaq di atitqa a na sawa bei bei qaji na&#331;gi endegsim minjroqnqas, &#8216;Ni&#331;gi kumbra bole dauryiy.&#8217; 19A &#331;iri&#331; anjam maroqnqasai. A lele&#331;kobaoqnqasai. Gamq di tamo u&#331;gasari na&#331;gi aqa kakro quoqnqasai. 20Silai aqa ba&#331;ga ge&#331;qa laqnimqa a na torei gentqasai. Wa&#331;al aqa pulo&#331; ki&#241;alaamqa a na torei mosotqasai. A degsim lawo na wauoqnsim gilsim gilsim kumbra bole torei si&#331;gilatqas. 21Yimqa sawa bei bei qaji na&#331;gi a qa na&#331;go areqalo si&#331;gilatosib a na na&#331;gi aqaryainjrqajqa deqa tari&#331;oqnsib sqab.&#8221;</div><div class="s1">Tamo qudei na&#331;gi maroqneb, &#8220;Yesus a Belsebul aqa si&#331;gila na waueqnu&#8221;</div><div class="p"> 22Onaqa bati di tamo bei mondor uge na medabu getentosiq &#331;am qandimyej qaji a soqnej. Sonaqa tamo qudei na a osib Yesus aqa areq beb. Bonabqa Yesus na mondor uge di wiyetonaqa aqa me&#331; otyonaqa aqa &#331;amdamu boleosiq a sawa unsiqa anjam bole maroqnej. 23Onaqa tamo u&#331;gasari kalil na&#331;gi Yesus aqa ma&#331;wa di unsibqa tula&#331; prugugetosib maroqneb, &#8220;Tamo di a Devit aqa &#330;iri kiyo?&#8221; 24Onaqa Farisi na&#331;gi na&#331;go anjam di qusibqa maroqneb, &#8220;Sai. Mondor uge na&#331;go gate koba Belsebul a Yesus aqa jejamuq di unu. Si&#331;gila dena a na mondor uge na&#331;gi winjreqnu.&#8221;</div><div class="p"> 25Onaqa Yesus a na&#331;go areqalo di qalieosiqa yawo anjam bei endegsi minjrej, &#8220;Tamo na&#331;gi sawa qujaiq di unub qaji na&#331;gi segi poaiyelosib qotqab di na&#331;gi koba na geregere sqa keresai. Na&#331;gi ni&#241;aqosib koboqab. Tamo na&#331;gi qure qujai kiyo tal qujai kiyo di unub qaji na&#331;gi segi poaiyelosib qotqab di na&#331;gi dego koba na geregere sqa keresai. 26Dego kere Satan na aqa segi mondor uge na&#331;gi winjrqas di na&#331;gi poaiyelqab. Deqa Satan a kiyersim aqa mondor uge na&#331;gi olo taqatnjrqas? Di keresai. 27Ni&#331;gi mareqnub, &#8216;Yesus a Belsebul aqa si&#331;gila na mondor uge na&#331;gi winjreqnu.&#8217; Di sai. E Belsebul aqa si&#331;gila na mondor uge na&#331;gi winjrqai di yai aqa si&#331;gila na nu&#331;go a&#331;gro na&#331;gi mondor uge winjrqab? Deqa na&#331;gi segi na mer&#331;gwab, ni&#331;gi anjam groteqnub. 28Ariya e Qotei aqa Mondor aqa si&#331;gila na mondor uge na&#331;gi winjrqai di ni&#331;gi endegsi poi&#331;gwas, &#8216;Bole, Qotei a gago Mandor Koba sosim iga taqatgwajqa bati brantqo.&#8217; Ni&#331;gi degsi poi&#331;gwas.</div><div class="p"> 29&#8220;Tamo bei a kiyersim tamo si&#331;gila koba bei aqa tal gogetosim aqa i&#331;gi i&#331;gi kalil baji&#331;qas? E marqai. A mati tamo di sil na tontim soqnimqa di aqa i&#331;gi i&#331;gi kalil baji&#331;qas. Tontqasai di aqa i&#331;gi i&#331;gi baji&#331;qa keresai.</div><div class="p"> 30&#8220;Tamo bei na e beterbqasai di a na e jeutbqas. Tamo bei a e ombla wauqasai di a na ijo wau ugetetbqas.</div><div class="p"> 31&#8220;Deqa e ni&#331;gi endegsi mer&#331;gwai. Tamo u&#331;gasari na&#331;go une kalil Qotei na kobotetnjrqas. Na&#331;go misili&#331; anjam mareqnub qaji une di dego Qotei na kobotetnjrqas. Ariya na&#331;gi Qotei aqa Mondor misili&#331;yqab une di Qotei na kobotetnjrqasai. 32E Tamo A&#331;gro. Tamo a e misili&#331;bqas une di Qotei na kobotqas. Ariya tamo a Mondor Bole misili&#331;yqas une di Qotei na kobotqasai. Bini bati endeqa Qotei na kobotqasai. Mondo&#331; dego Qotei na kobotqasai.&#8221;</div><div class="s1">&#330;am uge na&#331;gi gei uge ateqnub</div><div class="p"> 33Osiqa Yesus a olo marej, &#8220;&#330;am bole na&#331;gi gei bole ateqnub. &#330;am uge na&#331;gi gei uge ateqnub. Deqa tamo na&#331;gi &#331;am aqa gei unsibqa dena poinjrqas, &#8216;&#330;am di bole. &#330;am di uge.&#8217; 34Ni&#331;gi amal uge bul. Ni&#331;gi tamo uge. Deqa ni&#331;gi kiyersib anjam bole maroqnqab? Tamo na&#331;go areqalo kalil na&#331;go are miligiq na oqoqnsiq medabuq na branteqnu. 35Tamo bole na&#331;go are miligi di areqalo bole na maqejunu. Deqa na&#331;gi kumbra bole yeqnub. Ariya tamo uge na&#331;go are miligi di areqalo uge na maqejunu. Deqa na&#331;gi kumbra uge yeqnub.</div><div class="p"> 36&#8220;Deqa e ni&#331;gi endegsi mer&#331;gwai. Mondo&#331; Qotei a tamo u&#331;gasari na&#331;gi peginjrqa batiamqa na&#331;go anjam kalil na&#331;gi la&#331;a la&#331;a mareqnub qaji di Qotei na na&#331;go jejamuq di qametnjrqas. 37Ino anjam boleamqa Qotei na mermqas, &#8216;Ni tamo bole.&#8217; Ino anjam ugeamqa Qotei na mermqas, &#8216;Ni tamo uge.&#8217;&#8221;</div><div class="s1">Tamo qudei na&#331;gi Yesus aqa ma&#331;wa unqajqa minjeb</div><div class="p"> 38Onaqa dal anjam qalie tamo qudei ti Farisi qudei ti na&#331;gi na kamba Yesus minjeb, &#8220;O Qalie Tamo, ni Qotei aqa ma&#331;wa bei babtim iga unqom.&#8221;</div><div class="p"> 39Onaqa Yesus na kamba minjrej, &#8220;Tamo u&#331;gasari bini bati endeqa unub qaji na&#331;go kumbra tula&#331; ugedamu. Na&#331;gi Qotei areiyosaieqnub. Na&#331;gi gaigai ijo ma&#331;wa la&#331;a unqajqa metbeqnub. Deqa e na ijo ma&#331;wa bei na&#331;gi osornjrqasai. Qotei aqa medabu o tamo Jona aqa ma&#331;wa segi osornjritqa na&#331;gi unqab. 40Agi Jona a bati qalub qolo qalub qe ani aqa miligiq di soqnej. Dego kere e Tamo A&#331;gro bati qalub qolo qalub sub miligiq di sqai. 41Mondo&#331; Qotei na tamo u&#331;gasari na&#331;gi peginjrqa batiamqa Ninive tamo na&#331;gi tigelqab. Tigelosibqa tamo u&#331;gasari bini bati endeqa unub qaji na&#331;go kumbra uge babtetnjrqab. Na&#331;gi degyqab. Di kiyaqa? Ninive tamo na&#331;gi nami Jona aqa anjam qusib are bulyeb deqa. Ariya bini tamo bei Jona tula&#331; bu&#331;yejunu qaji a nu&#331;go ambleq di unu. 42Mondo&#331; Qotei na tamo u&#331;gasari na&#331;gi peginjrqa batiamqa u&#331;a mandor nami guta di sawa taqatoqnej qaji a dego tigelqas. Tigelosimqa tamo u&#331;gasari bini bati endeqa unub qaji na&#331;go kumbra uge babtetnjrqas. A degyqas. Di kiyaqa? U&#331;a di a nami Solomon aqa powo kobaquja unqa marsiqa sawa isaq na walwelosi bej deqa. Ariya bini tamo bei Solomon tula&#331; bu&#331;yejunu qaji a nu&#331;go ambleq di unu.&#8221;</div><div class="s1">Mondor uge a tamo aqa jejamu uratosim olo bqas</div><div class="p"> 43Osiqa Yesus a olo marej, &#8220;Mondor uge a tamo bei aqa jejamuq dena ula&#331;osim sawa ka&#331;gra&#331;oq gilqas. Gilsim dia laqnsimqa aqaratqajqa sawa &#331;amam ugeiyim marqas, 44-45&#8216;E olo puluosiy ijo tal uratem qaji deq olo aiqai.&#8217; A degsi marsimqa aisim tal di la&#331;a unu degsim unqas. Tal di nami ma&#331; solsib i&#331;gi i&#331;gi kalil gereiyeb milalejunu di unsimqa olo puluosim gilsim mondor uge 7 tula&#331; ugedamu na&#331;gi joqsim bosim koba na tal dia sqab. Soqnibqa tamo di aqa so tula&#331; ugeqas. Aqa so uge namij degwasai. Aqa so olo tula&#331; ugedamuqas. Dego kere tamo u&#331;gasari bini bati endeqa kumbra uge uge yeqnub qaji na&#331;gi degsib sougetesqab.&#8221;</div><div class="s1">Yesus a marej, &#8220;Ijo ai ijo was na&#331;gi tal qabe?&#8221;</div><div class="p"> 46Yesus na tamo u&#331;gasari gargekoba na&#331;gi anjam degsi minjreqnaqa aqa was na&#331;gi aqa ai koba na Yesus qa bosib talq di iteb. Yesus a warum miligiq di sonaqa na&#331;gi na anjam bei minjqajqa deqa oqeq di tigelesoqneb. 47Onaqa tamo bei na Yesus minjej, &#8220;Ni que. Ino was na&#331;gi ino ai ombla na ni anjam bei mermqa bonub agi oqeq di tigelejunub.&#8221; 48Onaqa Yesus na kamba minjej, &#8220;Ijo ai ijo was na&#331;gi tal qabe?&#8221; 49Degsi minjsiqa aqa ba&#331; na aqa segi a&#331;gro na&#331;gi osoryosiqa minjej, &#8220;Ni une. Ijo ai ijo was na&#331;gi agide. 50Tamo a ijo Abu la&#331; qureq di unu qaji aqa areqalo dauryoqnqas di a ijo was bole. A ijo jaja. A ijo ai.&#8221;</div>
 </div>
 </div>
</div>

Yori bati bei Yesus aqa aŋgro naŋgi ti wau ambleq na giloqnsibqa aqa aŋgro naŋgi mamnjrnaqa bem sum gei eleŋoqnsib uye uye giloqneb. Naŋgi degsib gileqnabqa Farisi qudei naŋgi bosib naŋgi unjrsib Yesus minjeb, “Ni une. Ino aŋgro naŋgi gago dal anjam groteqnub. Yori bati qa kumbra degyo di getento koba.” Onaqa Yesus na kamba Farisi naŋgi minjrej, “Nami Devit aqa wau tamo naŋgi ti mamnjrnaqa kumbra yeb qaji di niŋgi buk miligiq di sisiyosai kiyo? Devit a atra tal miligiq gilsiqa Qotei atraiyqajqa bem osiqa aqa wau tamo naŋgi koba na uyeb. Bem di getento. Di atra tamo naŋgo segi uyqajqa bem. Devit a degyej di a dal anjam grotej. Ariya a Qotei aqa ŋamgalaq di une saiqoji. Dal anjam bei dego neŋgreŋq di unu. Anjam agiende. Atra tamo naŋgi yori bati gaigai atra tal miligiq di waueqnub. Naŋgo kumbra dena naŋgi dal anjam groteqnub. Ariya naŋgi Qotei aqa ŋamgalaq di une saiqoji. Niŋgi anjam di nami buk miligiq di sisiyosai kiyo? Ariya e niŋgi endegsi merŋgwai. Bini tamo bei atra tal tulaŋ buŋyejunu qaji a nuŋgo ambleq di unu. Qotei aqa anjam bei dego nami endegsib neŋgreŋyeb unu, ‘Niŋgi e laŋa atraibeqnub. E nuŋgo kumbra deqa arearetbosaieqnu. Niŋgi tamo naŋgi qa duloqnsib kumbra bole bole enjroqnqab di e tulaŋ arearetbqas.’ O Farisi, niŋgi Qotei aqa anjam di sisiyosib poiŋgo qamu niŋgi tamo une saiqoji naŋgi gulbe enjrosai qamu. E Tamo Aŋgro. Deqa e segi na yori bati taqatejunum. E segi yori bati aqa Tamo Koba.”

Onaqa Yesus a dena walwelosiqa qure beiq di brantosiqa Juda naŋgo Qotei tal miligiq gilej. Qotei tal miligiq di tamo bei baŋ qandamyej qaji a soqnej. Deqa tamo qudei naŋgi Yesus aqa jejamuq di anjam laŋa qametqa marsibqa endegsib nenemyeb, “Iga yori bati qa tamo boletqom di kere kiyo? Dal anjam a kiyersi marqo?” Onaqa Yesus na kamba minjrej, “Tamo bei aqa kaja a yori bati qa uloŋosim subq aiyimqa a uratqasai. A na aqaryaiyosim olo subq dena osim goge atqas. Di niŋgi qalie. Ariya tamo naŋgi kaja sai. Naŋgi tamo qunuŋ ti. Deqa iga yori bati qa tamo aqaryaiyim a bole sqas di kumbra bole.” Yesus a naŋgi degsi minjrsiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej. Aqa baŋ bei ombla na kerekereeb. Onaqa Farisi naŋgi Qotei talq dena oqedosib naŋgi gam kiyersib Yesus qalib moiqajqa deqa qairoqneb.

Farisi naŋgi Yesus qalqajqa qairoqneb di qalieosiqa qure di uratosiq walwelosiq gilej. A gileqnaqa tamo uŋgasari gargekoba naŋgi a dauryeqnab a naŋgo ma tamo kalil naŋgi boletnjroqnej. Osiqa a na naŋgi saidnjroqnej, “Niŋgi ijo ñam ubtosib maraib.” Yesus a kumbra di yej deqa anjam bei Qotei aqa medabu o tamo Aisaia nami marej qaji di aqa damu brantej. A anjam endegsi marej, “Endi ijo wau tamo e segi na giltem qaji. E a tulaŋ qalaqalaiyeqnum. E a qa areboleboleibeqnu. E ijo Mondor aqaq di atitqa a na sawa bei bei qaji naŋgi endegsim minjroqnqas, ‘Niŋgi kumbra bole dauryiy.’ A ŋiriŋ anjam maroqnqasai. A leleŋkobaoqnqasai. Gamq di tamo uŋgasari naŋgi aqa kakro quoqnqasai. Silai aqa baŋga geŋqa laqnimqa a na torei gentqasai. Waŋal aqa puloŋ kiñalaamqa a na torei mosotqasai. A degsim lawo na wauoqnsim gilsim gilsim kumbra bole torei siŋgilatqas. Yimqa sawa bei bei qaji naŋgi a qa naŋgo areqalo siŋgilatosib a na naŋgi aqaryainjrqajqa deqa tariŋoqnsib sqab.”

Onaqa bati di tamo bei mondor uge na medabu getentosiq ŋam qandimyej qaji a soqnej. Sonaqa tamo qudei na a osib Yesus aqa areq beb. Bonabqa Yesus na mondor uge di wiyetonaqa aqa meŋ otyonaqa aqa ŋamdamu boleosiq a sawa unsiqa anjam bole maroqnej. Onaqa tamo uŋgasari kalil naŋgi Yesus aqa maŋwa di unsibqa tulaŋ prugugetosib maroqneb, “Tamo di a Devit aqa Ŋiri kiyo?” Onaqa Farisi naŋgi naŋgo anjam di qusibqa maroqneb, “Sai. Mondor uge naŋgo gate koba Belsebul a Yesus aqa jejamuq di unu. Siŋgila dena a na mondor uge naŋgi winjreqnu.”
Onaqa Yesus a naŋgo areqalo di qalieosiqa yawo anjam bei endegsi minjrej, “Tamo naŋgi sawa qujaiq di unub qaji naŋgi segi poaiyelosib qotqab di naŋgi koba na geregere sqa keresai. Naŋgi niñaqosib koboqab. Tamo naŋgi qure qujai kiyo tal qujai kiyo di unub qaji naŋgi segi poaiyelosib qotqab di naŋgi dego koba na geregere sqa keresai. Dego kere Satan na aqa segi mondor uge naŋgi winjrqas di naŋgi poaiyelqab. Deqa Satan a kiyersim aqa mondor uge naŋgi olo taqatnjrqas? Di keresai. Niŋgi mareqnub, ‘Yesus a Belsebul aqa siŋgila na mondor uge naŋgi winjreqnu.’ Di sai. E Belsebul aqa siŋgila na mondor uge naŋgi winjrqai di yai aqa siŋgila na nuŋgo aŋgro naŋgi mondor uge winjrqab? Deqa naŋgi segi na merŋgwab, niŋgi anjam groteqnub. Ariya e Qotei aqa Mondor aqa siŋgila na mondor uge naŋgi winjrqai di niŋgi endegsi poiŋgwas, ‘Bole, Qotei a gago Mandor Koba sosim iga taqatgwajqa bati brantqo.’ Niŋgi degsi poiŋgwas.
“Tamo bei a kiyersim tamo siŋgila koba bei aqa tal gogetosim aqa iŋgi iŋgi kalil bajiŋqas? E marqai. A mati tamo di sil na tontim soqnimqa di aqa iŋgi iŋgi kalil bajiŋqas. Tontqasai di aqa iŋgi iŋgi bajiŋqa keresai.
“Tamo bei na e beterbqasai di a na e jeutbqas. Tamo bei a e ombla wauqasai di a na ijo wau ugetetbqas.
“Deqa e niŋgi endegsi merŋgwai. Tamo uŋgasari naŋgo une kalil Qotei na kobotetnjrqas. Naŋgo misiliŋ anjam mareqnub qaji une di dego Qotei na kobotetnjrqas. Ariya naŋgi Qotei aqa Mondor misiliŋyqab une di Qotei na kobotetnjrqasai. E Tamo Aŋgro. Tamo a e misiliŋbqas une di Qotei na kobotqas. Ariya tamo a Mondor Bole misiliŋyqas une di Qotei na kobotqasai. Bini bati endeqa Qotei na kobotqasai. Mondoŋ dego Qotei na kobotqasai.”

Osiqa Yesus a olo marej, “Ŋam bole naŋgi gei bole ateqnub. Ŋam uge naŋgi gei uge ateqnub. Deqa tamo naŋgi ŋam aqa gei unsibqa dena poinjrqas, ‘Ŋam di bole. Ŋam di uge.’ Niŋgi amal uge bul. Niŋgi tamo uge. Deqa niŋgi kiyersib anjam bole maroqnqab? Tamo naŋgo areqalo kalil naŋgo are miligiq na oqoqnsiq medabuq na branteqnu. Tamo bole naŋgo are miligi di areqalo bole na maqejunu. Deqa naŋgi kumbra bole yeqnub. Ariya tamo uge naŋgo are miligi di areqalo uge na maqejunu. Deqa naŋgi kumbra uge yeqnub.
“Deqa e niŋgi endegsi merŋgwai. Mondoŋ Qotei a tamo uŋgasari naŋgi peginjrqa batiamqa naŋgo anjam kalil naŋgi laŋa laŋa mareqnub qaji di Qotei na naŋgo jejamuq di qametnjrqas. Ino anjam boleamqa Qotei na mermqas, ‘Ni tamo bole.’ Ino anjam ugeamqa Qotei na mermqas, ‘Ni tamo uge.’”

Onaqa dal anjam qalie tamo qudei ti Farisi qudei ti naŋgi na kamba Yesus minjeb, “O Qalie Tamo, ni Qotei aqa maŋwa bei babtim iga unqom.”
Onaqa Yesus na kamba minjrej, “Tamo uŋgasari bini bati endeqa unub qaji naŋgo kumbra tulaŋ ugedamu. Naŋgi Qotei areiyosaieqnub. Naŋgi gaigai ijo maŋwa laŋa unqajqa metbeqnub. Deqa e na ijo maŋwa bei naŋgi osornjrqasai. Qotei aqa medabu o tamo Jona aqa maŋwa segi osornjritqa naŋgi unqab. Agi Jona a bati qalub qolo qalub qe ani aqa miligiq di soqnej. Dego kere e Tamo Aŋgro bati qalub qolo qalub sub miligiq di sqai. Mondoŋ Qotei na tamo uŋgasari naŋgi peginjrqa batiamqa Ninive tamo naŋgi tigelqab. Tigelosibqa tamo uŋgasari bini bati endeqa unub qaji naŋgo kumbra uge babtetnjrqab. Naŋgi degyqab. Di kiyaqa? Ninive tamo naŋgi nami Jona aqa anjam qusib are bulyeb deqa. Ariya bini tamo bei Jona tulaŋ buŋyejunu qaji a nuŋgo ambleq di unu. Mondoŋ Qotei na tamo uŋgasari naŋgi peginjrqa batiamqa uŋa mandor nami guta di sawa taqatoqnej qaji a dego tigelqas. Tigelosimqa tamo uŋgasari bini bati endeqa unub qaji naŋgo kumbra uge babtetnjrqas. A degyqas. Di kiyaqa? Uŋa di a nami Solomon aqa powo kobaquja unqa marsiqa sawa isaq na walwelosi bej deqa. Ariya bini tamo bei Solomon tulaŋ buŋyejunu qaji a nuŋgo ambleq di unu.”

Osiqa Yesus a olo marej, “Mondor uge a tamo bei aqa jejamuq dena ulaŋosim sawa kaŋgraŋoq gilqas. Gilsim dia laqnsimqa aqaratqajqa sawa ŋamam ugeiyim marqas, ‘E olo puluosiy ijo tal uratem qaji deq olo aiqai.’ A degsi marsimqa aisim tal di laŋa unu degsim unqas. Tal di nami maŋ solsib iŋgi iŋgi kalil gereiyeb milalejunu di unsimqa olo puluosim gilsim mondor uge 7 tulaŋ ugedamu naŋgi joqsim bosim koba na tal dia sqab. Soqnibqa tamo di aqa so tulaŋ ugeqas. Aqa so uge namij degwasai. Aqa so olo tulaŋ ugedamuqas. Dego kere tamo uŋgasari bini bati endeqa kumbra uge uge yeqnub qaji naŋgi degsib sougetesqab.”

Yesus na tamo uŋgasari gargekoba naŋgi anjam degsi minjreqnaqa aqa was naŋgi aqa ai koba na Yesus qa bosib talq di iteb. Yesus a warum miligiq di sonaqa naŋgi na anjam bei minjqajqa deqa oqeq di tigelesoqneb. Onaqa tamo bei na Yesus minjej, “Ni que. Ino was naŋgi ino ai ombla na ni anjam bei mermqa bonub agi oqeq di tigelejunub.” Onaqa Yesus na kamba minjej, “Ijo ai ijo was naŋgi tal qabe?” Degsi minjsiqa aqa baŋ na aqa segi aŋgro naŋgi osoryosiqa minjej, “Ni une. Ijo ai ijo was naŋgi agide. Tamo a ijo Abu laŋ qureq di unu qaji aqa areqalo dauryoqnqas di a ijo was bole. A ijo jaja. A ijo ai.”

سنیں Matyu 12