Kandozi - 2010 Edition (NT)

<div class="version vid213 iso6393cbu" data-vid="213" data-iso6393="cbu">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Ichtaru, yuwaa Isus Apanllee izuuru iyaa kamanirangu anoo kamanchintspa</div><div class="p"> 1Sir&#250;tama, nduma Apanll tsapurunasee tinchu, Apanllee wamari y&#225;mandampan uru taarangiya. Uru Apanllpatari washunandari taaranganaya. Apanlltamcha. 2Ashirucha, nuwsha t&#225;shina; nduma maacheetsi tinchu, Apanllee y&#225;mandampan uru Apanllpatari taarangiya. 3Apanllee y&#225;mandampanirini maacheetsi ichinguru tinarangiya, &#191;Ndunnaari utaz ashireeja maacheetsi tinarang?#1.3 Salmo 33.7 tsiyatsis nipta tatsamooru taaritamta. 4Tputseetstam tinarangiya, watam taarashipaniwa. Tinayaru, wandari ksutkiya. Ashiri chiyaa tputseetsich Apanllee y&#225;mandakiya. Uwsha iyaa tuwasinimpancha. 5'Sini tamatarpari tunimush tuwasintaru, ashiritam tputsush mang' tuwasineerangu, ashtaru anootstaa tputs ngatarangana. Kapung ngatarangitaatssin, 'sinee ztazamaam pinasakana.</div><div class="p"> 6-7Itaru, Apanllee y&#225;mandampanimun mang' tatumaam waritariya. Apanll apuchirineetsini Wangarineetsini ichumampanee zanganirangiya tputsee mang' p'tsimaama. Uwsha tuwasinimpanee tputsee kamanirangiya. Tputs uwamun mang' tatpana &#225;tu kamanirangiya. 8&#191;Nitaati apuch kaapanaaritaja an tuwasinimpanee? nda. Apuch tuwasinimpanee tsiyatarangiya. 9Itaru, tuwasinimpan watach tputseem kinayaru, nish tsapush taarangu anu. An watacha kaapa tuwasinimpani anuya. Tputsee ichinguru tuwasineekiya 'sin tamapari ashkiya.</div><div class="p"> 10Ashirucha, Apanllee y&#225;mandampan nish iyash taarangsha. Iyaa uruta tinarangu, ashiritaa ashpatam tputs mangoonamaam ngatarangana. 11Apanllshutaa tiptsir Uta&#225;shuchish nllurtarangu, itaru uw maachirita mangoonamaam ngatarangana. 12Itaru, ashpatam tputs mangoonarangana. Mangooneersin, Apanllsha waama tiptsireem &#237;narangiya, watam y&#225;mandampanimun mang' taturanganawa. 13Apanll waana zandeeru, tputsee waama tiptsiri &#237;narangiya. Chaantarisha nllurtarangich anamun Apanlleem tiptsiri kinamaam wanindaja. Chaana zandkuch, nda Apanlleem tiptsiri kinakchi. Itaru, Apanll waantari zandku, tiptsireem chiyaa &#237;nakiya.</div><div class="p"> 14Ashirucha, Apanll waana zandeeru, tputsee tapachindachima &#225;tu y&#225;mandampaneetssha tsapush zanganarangiya. Y&#225;mandampansha tputseem kinayaru, iyapta tputspatini taarangiya. Iyash taaru, iysha kchiptini parangashiniya.#1.14 Is&#225;ysa 40.5 tsiyatsis nipta tatsamooru taaritamta. Paranguni, mangoonaranguni, In watacha Apanll Wipa, t&#225;rangini. Istampancha. Zurumapancha. Apanll Wip minamaritcha, t&#225;rangini. 15Apuchirini ichumampani wach parangitamta Apanlleetsi Wipa. Apuch kapung tsiyatarangu, An tputs watacha izuuru nuwaa, kasikiya, kamanku, t&#225;rangitamta. Nuwamun kushimunitaati kuskachu, itaru nuwaa kapunguri kasiriya, watam uwma urutari taataruwa; t&#225;rangiya apuchirini. 16Apanll waana zandarangu, iyaam kamungshini wayarangasha. Apanll Wipaa minumtaatstaa nda watsipunoo pachindarangu, Yashingoo iyaa itutsirangiya, Na Apanlleemarisha urutamari taachiniya. 17Sir&#250;tama Apanll tputs wanasiri taapana &#225;tu kamachtamarinee yandayaru M&#243;ysisarineema panarangiya. Itaru, natsha Apanll waanaatsi Wipaa kamachtayaru nish tsapurunasush zanganirangiya. Wipsha tsapurunasush taarangu Waparee iyaa itsinsaru y&#225;mandarangiya. Sheeru iyaa yashingoo itutsirangiya. Apanll Wip watacha Isusu atashiniya.</div><div class="p"> 18&#191;Antaati tputs sir&#250;tamastaati Apanllee parangeeja? nda. Itaru, Apanll Wip waparee parangu, iyaa kamanirangiya, watam Apanlltamtawa. Apanll Wip na yusur Apanllshuri taariya. Ashirucha, Isusumari Apanllee y&#225;mandarangasha tina.</div><div class="s">Mishat, yuwaa apuchirini Wangarini ichumampanirini Isusoo kamanirangu anoo kamanchintspa</div><div class="r">(Matiwa 3.1-2; M&#225;rkosa 1.2-8; Lukasa 3.15-17)</div><div class="p"> 19Apuchirini itsinsaru Apanllee Wip kamanirangiya. Iy Uta&#225;shuch kurakarini tputsee kamachtayaru, Wangaa mashashini; &#191;tamamsha tputsish shiya? t&#225;shini; t&#225;yaru, zanganirangana. Apanllpanee zangan, apanllpanee wipunash, Leviyarinchichee tputs zangan aship zanganirangiya. Ashirucha, Irusarinush k&#225;yarusin, apuchirineetsi masharangusin, apuchirinsha itsinsaru y&#225;marangiya. Mashkusin, &#191;Mayaamsha shiy tayaspataksha? &#191;Chaksha shiya? &#191;Apanlleezish Ipusamarinish shiya? t&#225;yarusin, 20apuchirinsha itsinsasha y&#225;meeru, Nduni, nitaati nuw Apanlleezi Ipusamarini; t&#225;rangiya. 21Apuchirineetstam masharangana: &#191;Ashiriya, chakanasha shiya? El&#237;yasarini yusursha kusachparee atini, &#191;anish shiya? t&#225;rangusin, apuchirinsha: Dancha, t&#225;rangiya. Apanllpansha: Ashiri ndush shiy Apanllee kuk kamanimapani yuw naanllpa atuni kutakaniya.#1.21 Tayusima 18.15-18; Wanga 6.14; 7.40 tsiyatsis nipta tatsamooru taaritamta. &#191;Ndush shiy anish? t&#225;rangusin, apuchirinsha: Nduni, nuw anoozi, t&#225;rangiya. 22Apanllpansha: Iy kurakarini iyaa mashimaam zanganirangu, &#191;tamaree ngutini kanapchini? &#191;Ashiri y&#225;mkuni ameecheezini? &#191;Tamaamshasha tputsish shiya? Shaanaatsi kamaningandama; t&#225;rangana. 23Apuchirinsha Wangarini: Nuw Apanllee Ipusamarini y&#225;mandampantana. Apanllee kuk kamanimapani, Is&#225;ysarini watam, t&#225;ranguwa;</div><div class="q1">Apusap tputs tsiyatssee tsiyatku anoo mazinachinllinaya.</div><div class="q1">Na kurak kizpur naanllpa.</div><div class="q1">Ngootseem wanasir yarangtsa.</div><div class="q1">Ngootsee itsinsaru tuwitangtsa.</div><div class="q1">Apanlleem yarangtsa,#1.23 Nishuri yuwartatam Is&#225;ysa 40.3 &#225;tu atitamta. t&#225;chiya,</div><div class="m">t&#225;rangiya Is&#225;ysarini. Ashiriya, nuw antana. Tputsee mang' p'tseekuri, Apanlli Ipusamarini naanllpa, wasina mangeetsis yarangtsa, tayapstakuri atina, t&#225;rangiya Apuchirini.</div><div class="p"> 24Par&#237;siypanshuchtam tputs, yuw apanllpanpat mashimaam kusarangana ansha: 25Ashiriya, &#191;mayaamsha tputsee shiy ichumayarush ipunsheemish &#237;naksha? Watam shiy nda Apanllsheewa Ipusamarinish; nda El&#237;yasshawa; nda Apanllee kuk kamanipanshawa, t&#225;rangu, 26-27Apuchirinsha, tputs mang' yaramaam zandku, nuwsha kungupat ichumakina, t&#225;rangu. Itaru, nllitaritsha tputs kuzizimun kuschiya. Naturi nish iyash taaktaa, itaru siy waa nda natstaksa. Uw kizpurcha. Nuw anpa waritareezi. Uwsha nuwaa: Sapturee tpurinda, t&#225;kchu, nuwsha pinasakina, watam wamari kasiruwa; t&#225;rangiya apuchirini. T&#225;yaranllu kasarangiya. 28An watach apuchirini Isusoo kamanirangu anu. Piy yaktanung Betaniyanung tayaspataku, Ortagush kung tputsee ichumarangu anpuru, t&#225;rangiya tputseetsi.</div><div class="p"> 29Putamsha apuchirini anshutam tayaspatarangu, Isussha naantach parangiya. Apuchirinsha tputsee, t&#225;rangiya: Napangantsa; In tputs Apanllcha opeejarini. Chiyaa ztaru tputseetsich yutaritshishireetsich izuuru tachingchiya,#1.29 Tashitungarangu 12.1-24 tsiyatsis nipta tatsamooru taaritamta. t&#225;rangiya. 30Watacha nuw siyaa sir&#250; kamanirangi anu. T&#225;ranginawa; nuwamun kushi tputs kusachpa, t&#225;rangi. Kuzizimuntaati kusku, itaru nuwaa kapunguri kasiriya, watam uwma urutari taataruwa, t&#225;ranginawa. 31T&#225;rangitaati, nuw uwaa natstarangeezi. Itaru, yuwamun Apanll nuwaa kamachtarangu anumun natstarangina. Apanll, Uta&#225;shucheetsi iparee yasapana &#225;tu nuwaa kungupat tputsee ichumamaam kamachtarangiya, t&#225;rangiya apuchirini.</div><div class="p"> 32-33Apuchirini, t&#225;rangitamcha; Ichtaru Isusoo nduntaa natstaranguri, Apanllimun Wani natstarangina. Nduma Apanlli Ipusamarini yasachuri, Apanll nuwaa kamachtaku, t&#225;rangiya; Yuwamun tputs Nuw Kani pantsatkachu an watacha nuw ipari. Pantsatkachu uwash uru taachiya. Sheeru, uwsha tputsish Nuwaa Kani tapshtuchiya; t&#225;rangiya Apanlli nuwaatsi. 34Ashirucha, ichumaranguri, kachi anoo paranguri, na itsinsaru kamanchintspa: In watach Apanll Wipaya, t&#225;rangiya apuchirini. T&#225;yaru natam tayaspatamaam kasarangiya.</div><div class="p">Ashiri yuwaa apuchirini Isusoo kamanirangu anoo kamaneena.</div><div class="s">Mishat, kamanchintspa, yuwaa iy Isusoom wipunashini kinarangini anootsi</div><div class="p"> 35Putamsha, apuchirini anshutam taarangiya. Iyapta, waanpata wipunash, tputspatatam washunand anush shaniyarangani. 36Isussha naanakchu anoo parangu, Apuchirinsha: Napangtsa: in tputs Apanllcha opeejarini, t&#225;rangiya. 37Anoo mazinaranguni, nuwa, misha &#193;ndarispata Isusush tachitarangani. 38Isussha natpunuyaru, iyaatssha pakeeru, Zuwanllee, &#191;mayangazsha zandaksa? t&#225;rangiya. Iysha yaanshuchiri k'kini tsiyataranguni, mayistoroo atuni, Rahabp&#237;, t&#225;rangini Isusootsi. Shiyangaz, mayistoroo, zandkiniya. &#191;Yap taaksha? t&#225;rangini. 39Isussha: Pza, napatish. Nuwash napangandama, t&#225;yaru, tachitarangshiniya. Kuseeramchuni, anush zaree purangini; kapung naparangani.</div><div class="p"> 40&#193;ndaris watacha Sim zoonlli. Sim watatamcha Pitoru. Ashirucha, &#193;ndarissha 41mus&#225;siritam zoonllee kamanimaam naatarangiya. Payaru, Zuwaa Simoo, Mes&#237;yaatsi payana, t&#225;rangiya. Mes&#237;ya iyashuch k'kini Apanllee Ipusamarini atuni atiniya. 42T&#225;yaru, Isusupsha machtarangiya. Isussha Simoo natstayaru, Nuw shiyaa yasaktana. Shiy Wangarinitishcha wipish; shiy Simtishcha surish, t&#225;rangu. Itaru, nuw shiyaa Pitoroo t&#225;chinllpa, t&#225;rangiya Isusu.</div><div class="p"> 43-44Putamsha Isus Galileyap tsap napani &#225;tu naataranginiya. Felipee parangu, Isussha: Zuwaa, ipunsheemi kinangcha, t&#225;rangiya. Felipi, mishat &#193;ndarisa, mishat Pitoru ichingurusin yakat Bets&#225;yanshuchtam tputsi.</div><div class="p"> 45Felipsha wamkuree Nat&#225;nayaa kamanimaam naatarangiya. Pakeeru, Zuwaa Nat&#225;nayaa, tputsee pana yuwaa Apanll zanganchima, t&#225;rangu anootsi. Apanll wirkarish M&#243;ysisarineetsi tuyandarangu, waanaatstatam kuk kamanimapanee tputsi tuyandarangitamta. Watacha an tputs na pakeena, t&#225;rangu. Uw sura Isuscha; N&#225;saretshuchi tputsi. Usirini wipa atiniya, t&#225;rangiya Felipi. 46Nat&#225;naysha: &#191;Nitaati N&#225;saretshuch tputs wanasir taatar? t&#225;yaru, Felipsha: T&#225;rinllpa, zuwaa. Pzaya, shaana napatish, t&#225;yaru, machtarangiya. 47Watsiritatachu, Isussha pakeeru, tputseetssha: Napantsa; an tputs kizpur Uta&#225;shuchcha. Kaapa waash ngichiz wanindaja, t&#225;rangu, 48Nat&#225;naysha mazinayaru, y&#225;marangiya. &#191;Yapsha shiy nuwaa parangsha? t&#225;yaru, Isussha: Ndatuma Felip shiyaa machchunll, shiy k'payunllush watatpish kuxinxinawush nuw shiyaa mangeetsish natstarangina, t&#225;rangiya Isusu. 49Nat&#225;naysha, Mayistoroo, zuraktishcha; shiy Apanlltishcha Ipusamarini; iy Uta&#225;shuchini shiyaa kurakartanicha, t&#225;yaru, 50Isussha: &#191;Tamasha t&#225;yari anumun punirustayarush mangoonaksha? Na xamachimasi, nimun izuuru mangoonamaam pangachsha, t&#225;rangiya. 51Mazinangcha; niri chinangcha. Kizpur wanasiri anoo pangachsha. Kanind tawatkachu, Apanll wasundururi nuwamun karuwaruwtarachu yusur k&#225;rkartarachu pangachsha, watam nuw tputseem kinaranginawa, t&#225;rangiya Isusu.</div><div class="p">T&#225;yaru, yaktap Kan&#225;gap naataranganiya Galileypi tsapu.</div><div class="p">Ashiri yuwaa Isusoom wipunashini kinarangini anoo kamaneena.</div>
 </div>
 </div>
</div>

Sirútama, nduma Apanll tsapurunasee tinchu, Apanllee wamari yámandampan uru taarangiya. Uru Apanllpatari washunandari taaranganaya. Apanlltamcha. Ashirucha, nuwsha táshina; nduma maacheetsi tinchu, Apanllee yámandampan uru Apanllpatari taarangiya. Apanllee yámandampanirini maacheetsi ichinguru tinarangiya, ¿Ndunnaari utaz ashireeja maacheetsi tinarang? Tputseetstam tinarangiya, watam taarashipaniwa. Tinayaru, wandari ksutkiya. Ashiri chiyaa tputseetsich Apanllee yámandakiya. Uwsha iyaa tuwasinimpancha. 'Sini tamatarpari tunimush tuwasintaru, ashiritam tputsush mang' tuwasineerangu, ashtaru anootstaa tputs ngatarangana. Kapung ngatarangitaatssin, 'sinee ztazamaam pinasakana.
Itaru, Apanllee yámandampanimun mang' tatumaam waritariya. Apanll apuchirineetsini Wangarineetsini ichumampanee zanganirangiya tputsee mang' p'tsimaama. Uwsha tuwasinimpanee tputsee kamanirangiya. Tputs uwamun mang' tatpana átu kamanirangiya. ¿Nitaati apuch kaapanaaritaja an tuwasinimpanee? nda. Apuch tuwasinimpanee tsiyatarangiya. Itaru, tuwasinimpan watach tputseem kinayaru, nish tsapush taarangu anu. An watacha kaapa tuwasinimpani anuya. Tputsee ichinguru tuwasineekiya 'sin tamapari ashkiya.
Ashirucha, Apanllee yámandampan nish iyash taarangsha. Iyaa uruta tinarangu, ashiritaa ashpatam tputs mangoonamaam ngatarangana. Apanllshutaa tiptsir Utaáshuchish nllurtarangu, itaru uw maachirita mangoonamaam ngatarangana. Itaru, ashpatam tputs mangoonarangana. Mangooneersin, Apanllsha waama tiptsireem ínarangiya, watam yámandampanimun mang' taturanganawa. Apanll waana zandeeru, tputsee waama tiptsiri ínarangiya. Chaantarisha nllurtarangich anamun Apanlleem tiptsiri kinamaam wanindaja. Chaana zandkuch, nda Apanlleem tiptsiri kinakchi. Itaru, Apanll waantari zandku, tiptsireem chiyaa ínakiya.
Ashirucha, Apanll waana zandeeru, tputsee tapachindachima átu yámandampaneetssha tsapush zanganarangiya. Yámandampansha tputseem kinayaru, iyapta tputspatini taarangiya. Iyash taaru, iysha kchiptini parangashiniya. Paranguni, mangoonaranguni, In watacha Apanll Wipa, tárangini. Istampancha. Zurumapancha. Apanll Wip minamaritcha, tárangini. Apuchirini ichumampani wach parangitamta Apanlleetsi Wipa. Apuch kapung tsiyatarangu, An tputs watacha izuuru nuwaa, kasikiya, kamanku, tárangitamta. Nuwamun kushimunitaati kuskachu, itaru nuwaa kapunguri kasiriya, watam uwma urutari taataruwa; tárangiya apuchirini. Apanll waana zandarangu, iyaam kamungshini wayarangasha. Apanll Wipaa minumtaatstaa nda watsipunoo pachindarangu, Yashingoo iyaa itutsirangiya, Na Apanlleemarisha urutamari taachiniya. Sirútama Apanll tputs wanasiri taapana átu kamachtamarinee yandayaru Móysisarineema panarangiya. Itaru, natsha Apanll waanaatsi Wipaa kamachtayaru nish tsapurunasush zanganirangiya. Wipsha tsapurunasush taarangu Waparee iyaa itsinsaru yámandarangiya. Sheeru iyaa yashingoo itutsirangiya. Apanll Wip watacha Isusu atashiniya.
¿Antaati tputs sirútamastaati Apanllee parangeeja? nda. Itaru, Apanll Wip waparee parangu, iyaa kamanirangiya, watam Apanlltamtawa. Apanll Wip na yusur Apanllshuri taariya. Ashirucha, Isusumari Apanllee yámandarangasha tina.


Apuchirini itsinsaru Apanllee Wip kamanirangiya. Iy Utaáshuch kurakarini tputsee kamachtayaru, Wangaa mashashini; ¿tamamsha tputsish shiya? táshini; táyaru, zanganirangana. Apanllpanee zangan, apanllpanee wipunash, Leviyarinchichee tputs zangan aship zanganirangiya. Ashirucha, Irusarinush káyarusin, apuchirineetsi masharangusin, apuchirinsha itsinsaru yámarangiya. Mashkusin, ¿Mayaamsha shiy tayaspataksha? ¿Chaksha shiya? ¿Apanlleezish Ipusamarinish shiya? táyarusin, apuchirinsha itsinsasha yámeeru, Nduni, nitaati nuw Apanlleezi Ipusamarini; tárangiya. Apuchirineetstam masharangana: ¿Ashiriya, chakanasha shiya? Elíyasarini yusursha kusachparee atini, ¿anish shiya? tárangusin, apuchirinsha: Dancha, tárangiya. Apanllpansha: Ashiri ndush shiy Apanllee kuk kamanimapani yuw naanllpa atuni kutakaniya. ¿Ndush shiy anish? tárangusin, apuchirinsha: Nduni, nuw anoozi, tárangiya. Apanllpansha: Iy kurakarini iyaa mashimaam zanganirangu, ¿tamaree ngutini kanapchini? ¿Ashiri yámkuni ameecheezini? ¿Tamaamshasha tputsish shiya? Shaanaatsi kamaningandama; tárangana. Apuchirinsha Wangarini: Nuw Apanllee Ipusamarini yámandampantana. Apanllee kuk kamanimapani, Isáysarini watam, táranguwa;
Apusap tputs tsiyatssee tsiyatku anoo mazinachinllinaya.
Na kurak kizpur naanllpa.
Ngootseem wanasir yarangtsa.
Ngootsee itsinsaru tuwitangtsa.
Apanlleem yarangtsa, táchiya,
tárangiya Isáysarini. Ashiriya, nuw antana. Tputsee mang' p'tseekuri, Apanlli Ipusamarini naanllpa, wasina mangeetsis yarangtsa, tayapstakuri atina, tárangiya Apuchirini.
Parísiypanshuchtam tputs, yuw apanllpanpat mashimaam kusarangana ansha: Ashiriya, ¿mayaamsha tputsee shiy ichumayarush ipunsheemish ínaksha? Watam shiy nda Apanllsheewa Ipusamarinish; nda Elíyasshawa; nda Apanllee kuk kamanipanshawa, tárangu, Apuchirinsha, tputs mang' yaramaam zandku, nuwsha kungupat ichumakina, tárangu. Itaru, nllitaritsha tputs kuzizimun kuschiya. Naturi nish iyash taaktaa, itaru siy waa nda natstaksa. Uw kizpurcha. Nuw anpa waritareezi. Uwsha nuwaa: Sapturee tpurinda, tákchu, nuwsha pinasakina, watam wamari kasiruwa; tárangiya apuchirini. Táyaranllu kasarangiya. An watach apuchirini Isusoo kamanirangu anu. Piy yaktanung Betaniyanung tayaspataku, Ortagush kung tputsee ichumarangu anpuru, tárangiya tputseetsi.
Putamsha apuchirini anshutam tayaspatarangu, Isussha naantach parangiya. Apuchirinsha tputsee, tárangiya: Napangantsa; In tputs Apanllcha opeejarini. Chiyaa ztaru tputseetsich yutaritshishireetsich izuuru tachingchiya, tárangiya. Watacha nuw siyaa sirú kamanirangi anu. Táranginawa; nuwamun kushi tputs kusachpa, tárangi. Kuzizimuntaati kusku, itaru nuwaa kapunguri kasiriya, watam uwma urutari taataruwa, táranginawa. Tárangitaati, nuw uwaa natstarangeezi. Itaru, yuwamun Apanll nuwaa kamachtarangu anumun natstarangina. Apanll, Utaáshucheetsi iparee yasapana átu nuwaa kungupat tputsee ichumamaam kamachtarangiya, tárangiya apuchirini.
Apuchirini, tárangitamcha; Ichtaru Isusoo nduntaa natstaranguri, Apanllimun Wani natstarangina. Nduma Apanlli Ipusamarini yasachuri, Apanll nuwaa kamachtaku, tárangiya; Yuwamun tputs Nuw Kani pantsatkachu an watacha nuw ipari. Pantsatkachu uwash uru taachiya. Sheeru, uwsha tputsish Nuwaa Kani tapshtuchiya; tárangiya Apanlli nuwaatsi. Ashirucha, ichumaranguri, kachi anoo paranguri, na itsinsaru kamanchintspa: In watach Apanll Wipaya, tárangiya apuchirini. Táyaru natam tayaspatamaam kasarangiya.
Ashiri yuwaa apuchirini Isusoo kamanirangu anoo kamaneena.

Putamsha, apuchirini anshutam taarangiya. Iyapta, waanpata wipunash, tputspatatam washunand anush shaniyarangani. Isussha naanakchu anoo parangu, Apuchirinsha: Napangtsa: in tputs Apanllcha opeejarini, tárangiya. Anoo mazinaranguni, nuwa, misha Ándarispata Isusush tachitarangani. Isussha natpunuyaru, iyaatssha pakeeru, Zuwanllee, ¿mayangazsha zandaksa? tárangiya. Iysha yaanshuchiri k'kini tsiyataranguni, mayistoroo atuni, Rahabpí, tárangini Isusootsi. Shiyangaz, mayistoroo, zandkiniya. ¿Yap taaksha? tárangini. Isussha: Pza, napatish. Nuwash napangandama, táyaru, tachitarangshiniya. Kuseeramchuni, anush zaree purangini; kapung naparangani.
Ándaris watacha Sim zoonlli. Sim watatamcha Pitoru. Ashirucha, Ándarissha musásiritam zoonllee kamanimaam naatarangiya. Payaru, Zuwaa Simoo, Mesíyaatsi payana, tárangiya. Mesíya iyashuch k'kini Apanllee Ipusamarini atuni atiniya. Táyaru, Isusupsha machtarangiya. Isussha Simoo natstayaru, Nuw shiyaa yasaktana. Shiy Wangarinitishcha wipish; shiy Simtishcha surish, tárangu. Itaru, nuw shiyaa Pitoroo táchinllpa, tárangiya Isusu.
Putamsha Isus Galileyap tsap napani átu naataranginiya. Felipee parangu, Isussha: Zuwaa, ipunsheemi kinangcha, tárangiya. Felipi, mishat Ándarisa, mishat Pitoru ichingurusin yakat Betsáyanshuchtam tputsi.
Felipsha wamkuree Natánayaa kamanimaam naatarangiya. Pakeeru, Zuwaa Natánayaa, tputsee pana yuwaa Apanll zanganchima, tárangu anootsi. Apanll wirkarish Móysisarineetsi tuyandarangu, waanaatstatam kuk kamanimapanee tputsi tuyandarangitamta. Watacha an tputs na pakeena, tárangu. Uw sura Isuscha; Násaretshuchi tputsi. Usirini wipa atiniya, tárangiya Felipi. Natánaysha: ¿Nitaati Násaretshuch tputs wanasir taatar? táyaru, Felipsha: Tárinllpa, zuwaa. Pzaya, shaana napatish, táyaru, machtarangiya. Watsiritatachu, Isussha pakeeru, tputseetssha: Napantsa; an tputs kizpur Utaáshuchcha. Kaapa waash ngichiz wanindaja, tárangu, Natánaysha mazinayaru, yámarangiya. ¿Yapsha shiy nuwaa parangsha? táyaru, Isussha: Ndatuma Felip shiyaa machchunll, shiy k'payunllush watatpish kuxinxinawush nuw shiyaa mangeetsish natstarangina, tárangiya Isusu. Natánaysha, Mayistoroo, zuraktishcha; shiy Apanlltishcha Ipusamarini; iy Utaáshuchini shiyaa kurakartanicha, táyaru, Isussha: ¿Tamasha táyari anumun punirustayarush mangoonaksha? Na xamachimasi, nimun izuuru mangoonamaam pangachsha, tárangiya. Mazinangcha; niri chinangcha. Kizpur wanasiri anoo pangachsha. Kanind tawatkachu, Apanll wasundururi nuwamun karuwaruwtarachu yusur kárkartarachu pangachsha, watam nuw tputseem kinaranginawa, tárangiya Isusu.
Táyaru, yaktap Kanágap naataranganiya Galileypi tsapu.
Ashiri yuwaa Isusoom wipunashini kinarangini anoo kamaneena.

سنیں Wangarini 1