 If you would like a copy of this version please contact info@davaraudiobibles.org

Kuranko Old Testament

<div class="version vid2947 iso6393knk" data-vid="2947" data-iso6393="knk">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s">Burama Kele-Koe Mari Bolo</div><div class="p"> 1 # 
 K&#603;w&#596;l&#603;nu 7.2-3; Hiburunu 11.8 Mari ya a f&#596; Burama ye ko, &#8220;I fa anub&#603; ala denbay&#603;nu boloka anub&#603; i b&#596;ns&#596;n ka i b&#596; ila nyaman&#603; r&#596; ka ta nyamani-gb&#603;r&#603;k&#603; r&#596; n si na min yira i la. 2N si i sibole lasiyaya ka wonu b&#596;ns&#596;n fanan nasiyaya. N si nta duw&#603; layigi i kuma ka i ma t&#596;g&#596;-tigi-w&#603; anub&#603; duwa-tigi la.</div><div class="q"> 3 # 
 Kalesiya 3.8
 Min ba duwa i ye, nta duw&#603; si to wo kuma.</div><div class="q">Min ba i danka, n si wo danka.</div><div class="q">Duninya-m&#596;g&#603; b&#603;&#603; si duw&#603; s&#596;r&#596;n ile f&#603;.&#8221;</div><div class="p"> 4-5Wolet&#596; Burama wulita ka ta iko Mari ya a f&#596; a ye nya min. Burama ye b&#596;la H&#603;ran soe bur&#596; tum&#603; min, a s&#596;r&#596;n ara san bi-w&#596;r&#596;nfila ani san loli (75) le b&#596;. Burama ya ala musi Sirayi bi anub&#603; ala y&#596;&#596;nnu anub&#603; anu bolo-fan damasi. A k&#596;r&#596;la dan L&#596;ti tara anu f&#603;. Anu wulita ka ta Kenan nyaman&#603; r&#596;.</div><div class="p">Anu ke Kenan nyaman&#603; r&#596;, 6ale Burama ya ny&#596; ratagama ha ka ta ke Morela k&#596;l&#596;ma-kuru-latankan&#603; do k&#596;r&#596; min bi S&#603;k&#603;m soe daf&#603;. Kenan k&#603;nu bi nyaman&#603; wo r&#596; wo wati r&#596;. 7#K&#603;w&#596;l&#603;nu 7.5; Kalesiya 3.16 Mari b&#596;ra gb&#603; r&#596; Burama ye, a ko, &#8220;N bi nyaman&#603; min dila i sibolenu ma, wo le k&#603; la.&#8221; Wolet&#596; Burama ya saraka-mintan-tin&#603; s&#596; Mari ye ny&#596;.</div><div class="p"> 8Wo k&#596;ma, a b&#596;ra ny&#596; ka ta B&#603;t&#603;li soe tele-b&#596;&#603; wara la k&#596;nk&#603;nu siya kan min. Anu ya anu daga mak&#603; B&#603;t&#603;li soe anub&#603; Eyai soe t&#603;ma. A ya saraka-mintan-tin&#603; do fanan s&#596; Mari ye ny&#596;. A ya baraka bira a ye ka a bato. 9Burama tora tala a yar&#596; ka yilan-yilan nyaman&#603; wo r&#596; dugu la wara la.</div><div class="s">Burama Ta-Koe Iyipiti</div><div class="p"> 10A ma m&#603; k&#596;nk&#596;-fitin&#603; burunta Kenan nyaman&#603; wo kuma b&#603;ff! Wo le ya a to, Burama wulita ka ta Iyipiti nyaman&#603; r&#596; alako a ni wati-kundu-ni k&#603; ny&#596;. 11A gb&#603;r&#603;nta Iyipiti nyaman&#603; ma tum&#603; min, a ya a f&#596; ala musi Sirayi ye ko, &#8220;N ya a l&#596;n ko musu-kinyan&#603; le ile la, ado i maf&#603;l&#603;n di. 12Iyipiti k&#603;nu ba i yen tum&#603; min, anu si a f&#596; ko nna musi le ile la. Ila kiny&#603; si a ma, anu ni i bi n bolo ka nde faga. 13#Ko-Dabir&#603;nu 20.2, 12; 26.7 I ni a f&#596; anu ye ko nde tirisan-musi le ile la. I ni a ma, n ni kisi i f&#603;. I ni a ma, anu ni n tabira a kin na!&#8221;</div><div class="p"> 14Burama kera Iyipiti tum&#603; min, Iyipiti m&#596;g&#603;nu ya musi wo yen nk&#603;kuna, anu y&#603; b&#596;ra a la. 15Iyipiti mans&#603;la m&#596;g&#596;-banu ya Sirayi yen tum&#603; min, anu ya a mat&#596;g&#596; ale mans&#603; ye. Anu ya Sirayi bi ka ta a la mans&#603; wara. 16A ya Burama rabira a kin na Sirayila ko la. Ale mans&#603; ya y&#596;&#596;nnu di Burama ma anub&#603; sag&#603;nu anub&#603; ninkinu anub&#603; sof&#603;l&#603;nu anub&#603; nyom&#603;nu.</div><div class="p"> 17K&#596;n&#596; Mari ya kiraya-fitina-w&#603; layigi ale mans&#603; anub&#603; ala denbay&#603; kuma Buramala musi Sirayila ko la. 18Wolet&#596; mans&#603; wo ya Burama kele ka a manyinika ko, &#8220;I wara nfen ma n na k&#603; la? Nfenna i ma a f&#596; n ye nun ko ila musi le? 19Nfenna i ya a f&#596; n ye ko i tirisan-musi le ha nde ara a bi ka a ladon nna b&#596;n la? Nba, i ma ila musi yen? A bi. I ni ta a la i war&#603; nyaman&#603; r&#596;.&#8221;</div><div class="p"> 20Mans&#603;la m&#596;g&#603;nu ya ale anub&#603; ala musi anub&#603; a bolo-fan b&#603;&#603;si lab&#596; anuna nyaman&#603; r&#596; iko ale mans&#603; ya a f&#596; nya min nun.</div>
 </div>
 </div>
</div>

Kuranko Common Language Bible © The Bible Society in Sierra Leone, 2006.

Mari ya a fɔ Burama ye ko, “I fa anubɛ ala denbayɛnu boloka anubɛ i bɔnsɔn ka i bɔ ila nyamanɛ rɔ ka ta nyamani-gbɛrɛkɛ rɔ n si na min yira i la. N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.
Min ba duwa i ye, nta duwɛ si to wo kuma.
Min ba i danka, n si wo danka.
Duninya-mɔgɛ bɛɛ si duwɛ sɔrɔn ile fɛ.”
Woletɔ Burama wulita ka ta iko Mari ya a fɔ a ye nya min. Burama ye bɔla Hɛran soe burɔ tumɛ min, a sɔrɔn ara san bi-wɔrɔnfila ani san loli (75) le bɔ. Burama ya ala musi Sirayi bi anubɛ ala yɔɔnnu anubɛ anu bolo-fan damasi. A kɔrɔla dan Lɔti tara anu fɛ. Anu wulita ka ta Kenan nyamanɛ rɔ.
Anu ke Kenan nyamanɛ rɔ, ale Burama ya nyɔ ratagama ha ka ta ke Morela kɔlɔma-kuru-latankanɛ do kɔrɔ min bi Sɛkɛm soe dafɛ. Kenan kɛnu bi nyamanɛ wo rɔ wo wati rɔ. Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.
Wo kɔma, a bɔra nyɔ ka ta Bɛtɛli soe tele-bɔɛ wara la kɔnkɛnu siya kan min. Anu ya anu daga makɛ Bɛtɛli soe anubɛ Eyai soe tɛma. A ya saraka-mintan-tinɛ do fanan sɔ Mari ye nyɔ. A ya baraka bira a ye ka a bato. Burama tora tala a yarɔ ka yilan-yilan nyamanɛ wo rɔ dugu la wara la.

A ma mɛ kɔnkɔ-fitinɛ burunta Kenan nyamanɛ wo kuma bɛff! Wo le ya a to, Burama wulita ka ta Iyipiti nyamanɛ rɔ alako a ni wati-kundu-ni kɛ nyɔ. A gbɛrɛnta Iyipiti nyamanɛ ma tumɛ min, a ya a fɔ ala musi Sirayi ye ko, “N ya a lɔn ko musu-kinyanɛ le ile la, ado i mafɛlɛn di. Iyipiti kɛnu ba i yen tumɛ min, anu si a fɔ ko nna musi le ile la. Ila kinyɛ si a ma, anu ni i bi n bolo ka nde faga. I ni a fɔ anu ye ko nde tirisan-musi le ile la. I ni a ma, n ni kisi i fɛ. I ni a ma, anu ni n tabira a kin na!”
Burama kera Iyipiti tumɛ min, Iyipiti mɔgɛnu ya musi wo yen nkɛkuna, anu yɛ bɔra a la. Iyipiti mansɛla mɔgɔ-banu ya Sirayi yen tumɛ min, anu ya a matɔgɔ ale mansɛ ye. Anu ya Sirayi bi ka ta a la mansɛ wara. A ya Burama rabira a kin na Sirayila ko la. Ale mansɛ ya yɔɔnnu di Burama ma anubɛ sagɛnu anubɛ ninkinu anubɛ sofɛlɛnu anubɛ nyomɛnu.
Kɔnɔ Mari ya kiraya-fitina-wɛ layigi ale mansɛ anubɛ ala denbayɛ kuma Buramala musi Sirayila ko la. Woletɔ mansɛ wo ya Burama kele ka a manyinika ko, “I wara nfen ma n na kɛ la? Nfenna i ma a fɔ n ye nun ko ila musi le? Nfenna i ya a fɔ n ye ko i tirisan-musi le ha nde ara a bi ka a ladon nna bɔn la? Nba, i ma ila musi yen? A bi. I ni ta a la i warɛ nyamanɛ rɔ.”
Mansɛla mɔgɛnu ya ale anubɛ ala musi anubɛ a bolo-fan bɛɛsi labɔ anuna nyamanɛ rɔ iko ale mansɛ ya a fɔ nya min nun.

سنیں Ko-Dabirɛnu 12