 If you would like a copy of this version please contact info@davaraudiobibles.org

Kuranko Old Testament

<div class="version vid2947 iso6393knk" data-vid="2947" data-iso6393="knk">
 <div class="book bkGEN">
 <div class="chapter ch18" data-usfm="GEN.18">
 <div class="label">18</div><div class="s">Isiyaka S&#596;r&#596;n Wara-Koe</div><div class="p"> 1Tele latelan wati, Iburayima sigin&#603; ala fani-b&#596;n d&#603; la Mamireta k&#596;l&#596;ma-latankan&#603;nu k&#596;r&#596;, Mari b&#596;ra a ye gb&#603; r&#596;. A mara nya min, wo le k&#603; la. 2#Hiburunu 13.2 A ya a y&#603; lata ka kei sawa#18.2 Kei sawa: Mari le kelan la, melika le anu fil&#603; doinu na. s&#596;n&#603; yen wul&#603; la. A ya anu tagb&#603; tum&#603; min, a burimatoe b&#596;ra fani-b&#596;n la ka anu nab&#603;n. A ya a laburun a ma dugi ma anu k&#596;r&#596;. 3A ya a f&#596; anu ye ko, &#8220;N fanu, wo yandi, wo belen wo sulenna n bar&#603; yan t&#596;. Wola w&#596;li-k&#603;l&#603; le nde la. 4N ni na yi la wo ye alako wo ni wo kiannu maku. Wo ni wo sulen k&#596;l&#596;ma-nin&#603; k&#603; la. 5N si na d&#596;n-fen-ni na wo ye alako wo si s&#603;nb&#603; s&#596;r&#596;n nya min. Wo k&#596;ma, wo si tenbi kamas&#596;r&#596;n wo ara nde gbiliya ka na n bar&#603;.&#8221; Wolet&#596; anu s&#596;nta anu sulen-koe ma ny&#596;.</div><div class="p"> 6Iburayima donta fani-b&#596;n la tiriya! A ya a f&#596; Sira ye ko, &#8220;I lakaliya ka d&#603;g&#603;-munku-hakik&#603; pani-kunb&#603;-nya tan-ni-loli bi ka a ladan biredi la.&#8221; 7Iburayima burimatoe tara ala w&#596;r&#603; r&#596; ka ninki-den-t&#596;l&#596;ni kelen bi ka na wo don ala w&#596;li-k&#603;l&#603; do bolo. Wo ya a lakaliya wo ladanna. 8Iburayima ya k&#603;k&#603; wo bi anub&#603; ninki-tuli anub&#603; non&#603; ka ta sundan wonu fanda wo la. Wo tum&#603; anu bi fen-d&#596;n la, a s&#596;ra anu daf&#603; k&#596;l&#596;ma k&#596;r&#596;.</div><div class="p"> 9Anu ya a manyinika ko, &#8220;Ila musi Sira wo ye mint&#596;?&#8221;</div><div class="p">A ko, &#8220;A ye fani-b&#596;n la.&#8221;</div><div class="p"> 10 # 
 Romu 9.9
 Mari ya a f&#596; Iburayima ye ko, &#8220;K&#603; ny&#596;g&#596;n wati yari, n si s&#603;gi i war&#603; yan t&#596;. Ila musi Sira si den-kei s&#596;r&#596;n.&#8221;</div><div class="p">Sira tole mas&#596;n&#603; fani-b&#596;n d&#603; la anu k&#596;ma kil&#603; la. 11Nba, Iburayima anub&#603; Sira ara k&#596;r&#596;ya nun. Anu bara san siyaman b&#596;. Sirala den-s&#596;r&#596;n-wati ara tenbi. 12#1 Pita 3.6 Wolet&#596; Sira y&#603;l&#603;nta a yisi r&#596; ka a miri a ma ko, &#8220;Nde min maf&#596;s&#596;n&#603; k&#603; la, nde si ke s&#603;gila fonikey&#603; r&#596; tun ka dan s&#596;r&#596;n, ado n tigi fanan bara k&#596;r&#596;ya?&#8221;</div><div class="p"> 13Wolet&#596; Mari ya a f&#596; Iburayima ye ko, &#8220;Sira ye y&#603;l&#603;nna nfenna? A ya a f&#596; nfenna ko ale ara k&#596;r&#596;ya, a ti ke dan s&#596;r&#596;nna tun? 14#Luka 1.37 Koe do ye ny&#596; min gb&#603;l&#603; Mari yala, wa? N si s&#603;gi i war&#603; yan a wati-lat&#603;g&#603;n&#603; r&#596; yari. Sira k&#603; si den-kei s&#596;r&#596;n, y&#596;.&#8221;</div><div class="p"> 15Sira ya s&#596;s&#596;li sa kamas&#596;r&#596;n a kilann&#603;. A ko, &#8220;N ma y&#603;l&#603;n k&#596;&#596;!&#8221;</div><div class="p">K&#596;n&#596; Mari ko, &#8220;Ade, i y&#603;l&#603;nta le serr!&#8221;</div><div class="s">Iburayimala Madiyal&#603; S&#596;d&#596;m Soela Ko La</div><div class="p"> 16M&#596;g&#596; saw&#603; wonu wulita ka b&#596; ny&#596; ka ta anu y&#603; layigi S&#596;d&#596;m soe waral&#603; ma. Iburayima ya anu bila-sila. 17Mari ya a miri a yisi r&#596; ko, &#8220;N ba wuli koe min mala, n ti wo dogon Iburayima ma 18kamas&#596;r&#596;n Iburayima b&#596;ns&#596;n si s&#603;nb&#603; s&#596;r&#596;n. Duninya-m&#596;g&#603; b&#603;&#603; si duw&#603; s&#596;r&#596;n ale f&#603;. 19N bara Iburayima ma nta m&#596;g&#596;-yab&#596;n&#603; la wolet&#596; a si ala dannu anub&#603; a b&#596;ns&#596;n-m&#596;g&#603;nu karan n bara-koe ma alako anu ni ko-latelenn&#603; k&#603; ka nna kum&#603;nu bira. Ni anu ya wo ma, n bara nta lanyiri min kiri Iburayima ye, n si wo lat&#596;nbagaya.&#8221;</div><div class="p"> 20Wo k&#596;ma, Mari ya a f&#596; Iburayima ye ko, &#8220;M&#596;g&#603;nu bi kuma-yogom&#603; min f&#596;la S&#596;d&#596;m anub&#603; K&#596;m&#596;ra soenuna ko la, wo ara n t&#596;r&#596;, ado anu s&#596;n yogo ha ka a dan-natenbi. 21N si ta ny&#596; kaka ka anu maf&#603;l&#603;n ni anu bi ko-yogom&#603; mala iko m&#596;g&#603;nu bi a f&#596;la nya min.&#8221;</div><div class="p"> 22Melika fil&#603; wonu b&#596;ra ny&#596; ka ta S&#596;d&#596;m soe bur&#596; k&#596;n&#596; Mari tora s&#596;ni Iburayima daf&#603;. 23Iburayima ya a madon Mari la doni ka a manyinika ko, &#8220;I si m&#596;g&#596;-telenn&#603;nu fanan halaki m&#596;g&#596;-yogom&#603;nu f&#603;, wa? 24Ni m&#596;g&#596;-telenn&#603; bi-loli si taran soe wo bur&#596;, i si soe wo halaki, wa? M&#596;g&#596;-telenn&#603; bi-loli minnu bi ny&#596;, i ti kan tin&#603; wo to ny&#596; wonuna ko la, wa? 25Mari, ile lara a la, i si m&#596;g&#596;-telenn&#603;nu faga m&#596;g&#596;-yogom&#603;nu f&#603;? I yandi Mari, i kana m&#596;g&#596;-telenn&#603;nu kofu m&#596;g&#596;-yogom&#603;nu ma. Ile min bi duninya-m&#596;g&#603; b&#603;&#603; kiti t&#603;g&#603;la, a b&#603;nta, i ni ko-latelenn&#603; k&#603;.&#8221;</div><div class="p"> 26Mari ya a f&#596; a ye ko, &#8220;Ni n ya m&#596;g&#596;-telenn&#603; bi-loli yen S&#596;d&#596;m soe bur&#596;, n si anu b&#603;&#603;si to ny&#596; wonuna ko la.&#8221;</div><div class="p"> 27Iburayima ya a f&#596; a ye tun ko, &#8220;N bara kuma i ye yisi-lat&#603;g&#603; r&#596;. Nde ma b&#603;n ka wo ma kamas&#596;r&#596;n fenfen ma nde la. N mani de iko gbangban i yala. 28Ni m&#596;g&#596; bi-nani ani m&#596;g&#596; loli telenn&#603; ye anu t&#603;ma, i si soe wo b&#603;&#603;si halaki, wa?&#8221;</div><div class="p">Mari ko, &#8220;Ni n ya m&#596;g&#596;-telenn&#603; bi-nani ani m&#596;g&#596; loli yen ny&#596;, n ti anu halaki wor&#596;.&#8221;</div><div class="p"> 29Iburayima ya Mari madiya tun ko, &#8220;Ni m&#596;g&#596; bi-nani taranta ny&#596; don? Wo si ma kama?&#8221;</div><div class="p">Mari ko, &#8220;N ti soe halaki m&#596;g&#596; bi-nan&#603; wonuna ko la.&#8221;</div><div class="p"> 30Iburayima ko, &#8220;N tigi, i kana k&#596;r&#596;t&#596; n ma k&#596;n&#596; i yandi, a ma, n ni kuma tun. Ni m&#596;g&#596; bi-sawa taranta ny&#596; min telenn&#603; don?&#8221;</div><div class="p">Mari ko, &#8220;N ti a halaki m&#596;g&#596; bi-sawa wonuna ko la.&#8221;</div><div class="p"> 31Iburayima ko, &#8220;I yandi, i hak&#603; to n ye. N bi kumala i ye kerintey&#603; la tun. Ni i ya m&#596;g&#596; mogan taran ny&#596; r&#596; min telenn&#603; don? Wo si ma kama?&#8221;</div><div class="p">Mari ya a yabi ko, &#8220;N ti anu halaki m&#596;g&#596; mogan wonuna ko la.&#8221;</div><div class="p"> 32Iburayima ko, &#8220;N tigi, i yandi, i kana i t&#603;g&#603; sigi n ma. I si a ma, n ni kuma iko kelen? Ni i ya m&#596;g&#596; tan taran ny&#596; don?&#8221;</div><div class="p">Mari ya a yabi ko, &#8220;N ti anu halaki m&#596;g&#596; tan wonuna ko la.&#8221;</div><div class="p"> 33Mari banta kumala Iburayima ye tum&#603; min, a tara. Iburayima s&#603;gira a war&#603; b&#596;n la.</div>
 </div>
 </div>
</div>

Kuranko Common Language Bible © The Bible Society in Sierra Leone, 2006.

Tele latelan wati, Iburayima siginɛ ala fani-bɔn dɛ la Mamireta kɔlɔma-latankanɛnu kɔrɔ, Mari bɔra a ye gbɛ rɔ. A mara nya min, wo le kɛ la. A ya a yɛ lata ka kei sawa sɔnɛ yen wulɛ la. A ya anu tagbɛ tumɛ min, a burimatoe bɔra fani-bɔn la ka anu nabɛn. A ya a laburun a ma dugi ma anu kɔrɔ. A ya a fɔ anu ye ko, “N fanu, wo yandi, wo belen wo sulenna n barɛ yan tɔ. Wola wɔli-kɛlɛ le nde la. N ni na yi la wo ye alako wo ni wo kiannu maku. Wo ni wo sulen kɔlɔma-ninɛ kɛ la. N si na dɔn-fen-ni na wo ye alako wo si sɛnbɛ sɔrɔn nya min. Wo kɔma, wo si tenbi kamasɔrɔn wo ara nde gbiliya ka na n barɛ.” Woletɔ anu sɔnta anu sulen-koe ma nyɔ.
Iburayima donta fani-bɔn la tiriya! A ya a fɔ Sira ye ko, “I lakaliya ka dɛgɛ-munku-hakikɛ pani-kunbɛ-nya tan-ni-loli bi ka a ladan biredi la.” Iburayima burimatoe tara ala wɔrɛ rɔ ka ninki-den-tɔlɔni kelen bi ka na wo don ala wɔli-kɛlɛ do bolo. Wo ya a lakaliya wo ladanna. Iburayima ya kɛkɛ wo bi anubɛ ninki-tuli anubɛ nonɛ ka ta sundan wonu fanda wo la. Wo tumɛ anu bi fen-dɔn la, a sɔra anu dafɛ kɔlɔma kɔrɔ.
Anu ya a manyinika ko, “Ila musi Sira wo ye mintɔ?”
A ko, “A ye fani-bɔn la.”
Mari ya a fɔ Iburayima ye ko, “Kɛ nyɔgɔn wati yari, n si sɛgi i warɛ yan tɔ. Ila musi Sira si den-kei sɔrɔn.”
Sira tole masɔnɛ fani-bɔn dɛ la anu kɔma kilɛ la. Nba, Iburayima anubɛ Sira ara kɔrɔya nun. Anu bara san siyaman bɔ. Sirala den-sɔrɔn-wati ara tenbi. Woletɔ Sira yɛlɛnta a yisi rɔ ka a miri a ma ko, “Nde min mafɔsɔnɛ kɛ la, nde si ke sɛgila fonikeyɛ rɔ tun ka dan sɔrɔn, ado n tigi fanan bara kɔrɔya?”
Woletɔ Mari ya a fɔ Iburayima ye ko, “Sira ye yɛlɛnna nfenna? A ya a fɔ nfenna ko ale ara kɔrɔya, a ti ke dan sɔrɔnna tun? Koe do ye nyɔ min gbɛlɛ Mari yala, wa? N si sɛgi i warɛ yan a wati-latɛgɛnɛ rɔ yari. Sira kɛ si den-kei sɔrɔn, yɔ.”
Sira ya sɔsɔli sa kamasɔrɔn a kilannɛ. A ko, “N ma yɛlɛn kɔɔ!”
Kɔnɔ Mari ko, “Ade, i yɛlɛnta le serr!”

Mɔgɔ sawɛ wonu wulita ka bɔ nyɔ ka ta anu yɛ layigi Sɔdɔm soe waralɛ ma. Iburayima ya anu bila-sila. Mari ya a miri a yisi rɔ ko, “N ba wuli koe min mala, n ti wo dogon Iburayima ma kamasɔrɔn Iburayima bɔnsɔn si sɛnbɛ sɔrɔn. Duninya-mɔgɛ bɛɛ si duwɛ sɔrɔn ale fɛ. N bara Iburayima ma nta mɔgɔ-yabɔnɛ la woletɔ a si ala dannu anubɛ a bɔnsɔn-mɔgɛnu karan n bara-koe ma alako anu ni ko-latelennɛ kɛ ka nna kumɛnu bira. Ni anu ya wo ma, n bara nta lanyiri min kiri Iburayima ye, n si wo latɔnbagaya.”
Wo kɔma, Mari ya a fɔ Iburayima ye ko, “Mɔgɛnu bi kuma-yogomɛ min fɔla Sɔdɔm anubɛ Kɔmɔra soenuna ko la, wo ara n tɔrɔ, ado anu sɔn yogo ha ka a dan-natenbi. N si ta nyɔ kaka ka anu mafɛlɛn ni anu bi ko-yogomɛ mala iko mɔgɛnu bi a fɔla nya min.”
Melika filɛ wonu bɔra nyɔ ka ta Sɔdɔm soe burɔ kɔnɔ Mari tora sɔni Iburayima dafɛ. Iburayima ya a madon Mari la doni ka a manyinika ko, “I si mɔgɔ-telennɛnu fanan halaki mɔgɔ-yogomɛnu fɛ, wa? Ni mɔgɔ-telennɛ bi-loli si taran soe wo burɔ, i si soe wo halaki, wa? Mɔgɔ-telennɛ bi-loli minnu bi nyɔ, i ti kan tinɛ wo to nyɔ wonuna ko la, wa? Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”
Mari ya a fɔ a ye ko, “Ni n ya mɔgɔ-telennɛ bi-loli yen Sɔdɔm soe burɔ, n si anu bɛɛsi to nyɔ wonuna ko la.”
Iburayima ya a fɔ a ye tun ko, “N bara kuma i ye yisi-latɛgɛ rɔ. Nde ma bɛn ka wo ma kamasɔrɔn fenfen ma nde la. N mani de iko gbangban i yala. Ni mɔgɔ bi-nani ani mɔgɔ loli telennɛ ye anu tɛma, i si soe wo bɛɛsi halaki, wa?”
Mari ko, “Ni n ya mɔgɔ-telennɛ bi-nani ani mɔgɔ loli yen nyɔ, n ti anu halaki worɔ.”
Iburayima ya Mari madiya tun ko, “Ni mɔgɔ bi-nani taranta nyɔ don? Wo si ma kama?”
Mari ko, “N ti soe halaki mɔgɔ bi-nanɛ wonuna ko la.”
Iburayima ko, “N tigi, i kana kɔrɔtɔ n ma kɔnɔ i yandi, a ma, n ni kuma tun. Ni mɔgɔ bi-sawa taranta nyɔ min telennɛ don?”
Mari ko, “N ti a halaki mɔgɔ bi-sawa wonuna ko la.”
Iburayima ko, “I yandi, i hakɛ to n ye. N bi kumala i ye kerinteyɛ la tun. Ni i ya mɔgɔ mogan taran nyɔ rɔ min telennɛ don? Wo si ma kama?”
Mari ya a yabi ko, “N ti anu halaki mɔgɔ mogan wonuna ko la.”
Iburayima ko, “N tigi, i yandi, i kana i tɛgɛ sigi n ma. I si a ma, n ni kuma iko kelen? Ni i ya mɔgɔ tan taran nyɔ don?”
Mari ya a yabi ko, “N ti anu halaki mɔgɔ tan wonuna ko la.”
Mari banta kumala Iburayima ye tumɛ min, a tara. Iburayima sɛgira a warɛ bɔn la.

سنیں Ko-Dabirɛnu 18