Tombonuo - WBT (NT+) Drama

<div class="version vid3724 iso6393txa" data-vid="3724" data-iso6393="txa">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s">Niusaa' nu ido balu omiskin</div><div class="r">(Mrk 12:41-44)</div><div class="p"> 1Laid ni Yisus so natad nu Waloi Maayo nu Kinoringan, nosiou Niyo lobuw ongo kokaya ri paasuw nu siin niusaa' nosiro ri so poianan nu siin. 2Om nosiou-a Niyo ido balu omiskin, nopaasuw nu siin tombaga duo yo nokaping. 3Mutongaro yo si Yisus nu, &#8220;Mongaabar Aku so kou, boorogo po niusaa' nu balu oono ko' niusaa' nu lobuw wokon-o, 4so' siin niusaa' nosiro no, olu'-olu' ya nu orata' suang nosiro no. Nga balu oono, insan soko ono yo komiskin, nga niawi' ya niyo pousaa' ombo kuwai nai so iyo, ono poomoli niyo nu ingkookan-o,&#8221; koo si Yisus.</div><div class="s">Ponguyasan nu Waloi Maayo</div><div class="s1">nu Kinoringan</div><div class="r">(Mat 24:1-2; Mrk 13:1-2)</div><div class="p"> 5Tinu-tinu koyuwan mutotangar-tangar pokowarong nu Waloi Maayo nu Kinoringan om watu owarong pinongorinding, om gonggamon niusaa' so Kinoringan. Mutongaro yo si Yisus so nosiro nu, 6&#8220;Kiawi' nosiou muyu oono, ousiba' ya ong wagu. Kiawi' nu watu pinongorinding-o nga d'ado ido koputitimpak!&#8221; koo.</div><div class="s">Koogutan om kosonsora'an</div><div class="r">(Mat 24:3-14; Mrk 13:3-13)</div><div class="p"> 7Mongoduato yo nosiro so si Yisus nu, &#8220;Oo Guru, sombiya gaam ourug ono. Om onu ponondu'an ong ologa' yo ono?&#8221; koo.</div><div class="p"> 8Mutongaro yo si Yisus nu, &#8220;Ingato muyu yo su' dai kou ookalan, so' osuang lobuw lumoga' om momakai nu ngaran Ku no mongaakal so kou. Mutangar nosiro nu, &#8216;Aku yo iri Raja Nijanji nu Kinoringan!&#8217; koo, om &#8216;Nologa' yo pomogkuosaan Ku!&#8217; koo, nga ikod kou yo kiimaid so nosiro. 9Ikod kou yo kilaa' pudi korongou kou nu abar nu muwiwintos om mongolawan nu momogkuasa so' subai ono po su gulu ourug om otuman nai' kiawi' tinangar Ku tu. Nga okon po ono ko kopululi'an Ku mogkuasa,&#8221; koo si Yisus.</div><div class="p"> 10Mutongaro po Iyo nu, &#8220;Ido bansa mongolawan nu bansa wokon, om ido momogkuasa mongolawan nu momogkuasa wokon. 11Siombo-ombo nga gumunggun su tana', kilikop om koginisan nu osakit koindolaa'. Om musit po kolaa'-laa' om ponondu'an kogagau-gagau so langit. 12Nga ono po su kopogulu, okomon om insaadan kou nu lobuw lumawan so Aku. Bisora'on kou so waloi sosombooyangan om jiilon. Owiton kou so tiningkuangon nu ongo raja om wowaidon wokon, so' mompomaid Ku kou. 13Ono yo su kosiwatan muyu potuturan so lobuw wokon nu Abar Owarong kiat so Kinoringan. 14Pototapo muyu yo inawo muyu no su' dai kou mogawa ong onu nisambut muyu, 15so' Aku ya su montuduk so kou nu isambut muyu, su' d'ado ido ya nu alod-alod muyu kopongodoog so kou, om d'ado ido kosambut nu totongaron muyu no.#Luk 12:11-12 16Owiton kou nu ino amo muyu, sulod muyu, suku-sakat muyu, om una'-una' muyu so tiningkuangon nu kikuasa nu bisora'on, om kuwai so kou potoyon nu lobuw kikuasa oono. 17Kiawi' lobuw nga obisig so kou so' poimaid kou so Aku. 18-19Nga bang tumaan kou poimaid so Aku, insan soginting obuk muyu no d'ado ya obubul, ono yo osopulan kou nu Kinoringan,&#8221; koo.</div><div class="s">Nopotuturan si Yisus nu uyason bandar Yirusalim</div><div class="r">(Mat 24:15-21; Mrk 13:14-19)</div><div class="p"> 20Mutongaro yo si Yisus nu, &#8220;Koduung osiou muyu yo bandar Yirusalim-o pusingkolobungan nu soujar, ono yo pongilaan muyu nu oduruk-o ono uyason. 21Iya oono, lobuw so Yudia subai mogou mulaiw so kobubuludan. Lobuw so bandar subai mulaiw kiat so bandar, om lobuw so kampung adang-o mian so bandar. 22So' iya oono yo ukumon nu Kinoringan lobuw Yaudi, tayon ong otuman kiawi' nokosurat so Buuk nu Kinoringan.#Us 9:7 23Iya yo oono kosongka'an nu kosonsora'an. Aagut sobana kowoinoyan momontian-o om kianak nu oworos po nu iya oono. Lobuw so tontong iitu no osuat nu kosonsora'an maayo, ukumon nu Kinoringan. 24Suat so lobuw Yaudi kuwai so nosiro potoyon momakai nu karis, om kiawi' wokon okomon om owiton so tontong nu lobuw bansa sondiang. Om bandar Yirusalim tu nga ingkag-ingkagan nu lobuw bansa sondiang dai poimaid nu Kinoringan musingkotalib nu notantu yo nu Kinoringan suat so nosiro mogkuasa nu bandar oono,&#8221; koo si Yisus.</div><div class="s">Kologa'an nu Anak nu Riniba</div><div class="r">(Mat 24:29-31; Mrk 13:24-27)</div><div class="p"> 25Mutongaro po si Yisus nu, &#8220;Osiou-a koiran-iran so runat, so wulan, om so korombituon, ponondu'an nu kologa'an Ku. Kiawi' bansa nu lobuw so wonuo tu lumaa' om gumagau ong korongou nu kai-kai osangat nu gumbang maayo so raat.#Yis 13:10; Ijik 32:7; Yl 2:31; P'tolang 6:12-13 26Mokioodan lobuw-o nu koolaa' nu laid nosiro momurimon ong onu kourugan nu wonuo tu so' kiawi' kuasa so langit-o minsid kiat so pinolakan-o. 27Iya yo oono loga'an Ku, Anak nu Riniba, om osiowan nu kiawi' lobuw solui-soluyon nu kawut maid nu kuasa om binaang Ku nu sobana ko otarang.#Dan 7:13; P'tolang 1:7 28Koduung tumimpuun-o ono, undii om tingaa kou yo, so' oduruk Aku yo lumoga' monapul so kou,&#8221; koo si Yisus.</div><div class="s">Pontudukan pinoinong so puun nu nunuk</div><div class="r">(Mat 24:32-35; Mrk 13:28-31)</div><div class="p"> 29Monolig-soligo yo si Yisus nu, &#8220;Udioo muyu yo puun nu nunuk-o om puun nu kayu wokon. 30Bang osiou muyu nu tumimpuun-o mupusuk koimbagu, ono yo pongilaan muyu nu oduruk-o muas. 31Soko ono ya ong osiou muyu nu ourug-o pinutangar Ku oono, oilaan muyu nu, oduruk-o lumoga' Aku, om taakan Aku nu Kinoringan nu kopogboya'an mogkuasa nu lobuw songapan Ku.</div><div class="p"> 32Ondomo muyu yo! Kiawi' nu ono suat so Yirusalim ourug nu dai po aawi' matoi lobuw nu ono sono tu. 33Lumiong ong tana' om langit tu, nga tinongaran Ku musingkolaid,&#8221; koo.</div><div class="s">Mingat-ingat toko yo</div><div class="p"> 34Mutongaro po si Yisus nu, &#8220;Kimati muyu yo! Ikod kou yo kosokakan musinsonangan om moginowukan, intawa osokakan momikir nu kowiau-wiawan, sampai dai kou sono kopurigap-rigap, om milok po su ologa' yo iya ponginsaadan nu Kinoringan nu ongo lobuw oono. 35So' iya oono soko tawos kosulungan nu kiawi' lobuw so wonuo tu. 36Ingat-ingat om pogdu'a kou yo dadan su' kikobosagan kou mongirasa nu itu no ong ologa' yo, om dai kou lumaa' sumambat so Aku, Anak nu Riniba,&#8221; koo si Yisus.</div><div class="p"> 37Umpit nu runat, montuduk si Yisus so natad nu Waloi Maayo nu Kinoringan om umpak nu awi, mian Iyo so Bulud Jaitun moturuw so ido waloi.#Luk 19:47 38Koduung osuab-o, mululi' yo Iyo so natad nu Waloi Maayo nu Kinoringan om lumoga' yo ongo lobuw mongkinongou nu niongotuduk Niyo.</div>
 </div>
 </div>
</div>

Laid ni Yisus so natad nu Waloi Maayo nu Kinoringan, nosiou Niyo lobuw ongo kokaya ri paasuw nu siin niusaa' nosiro ri so poianan nu siin. Om nosiou-a Niyo ido balu omiskin, nopaasuw nu siin tombaga duo yo nokaping. Mutongaro yo si Yisus nu, “Mongaabar Aku so kou, boorogo po niusaa' nu balu oono ko' niusaa' nu lobuw wokon-o, so' siin niusaa' nosiro no, olu'-olu' ya nu orata' suang nosiro no. Nga balu oono, insan soko ono yo komiskin, nga niawi' ya niyo pousaa' ombo kuwai nai so iyo, ono poomoli niyo nu ingkookan-o,” koo si Yisus.



Tinu-tinu koyuwan mutotangar-tangar pokowarong nu Waloi Maayo nu Kinoringan om watu owarong pinongorinding, om gonggamon niusaa' so Kinoringan. Mutongaro yo si Yisus so nosiro nu, “Kiawi' nosiou muyu oono, ousiba' ya ong wagu. Kiawi' nu watu pinongorinding-o nga d'ado ido koputitimpak!” koo.


Mongoduato yo nosiro so si Yisus nu, “Oo Guru, sombiya gaam ourug ono. Om onu ponondu'an ong ologa' yo ono?” koo.
Mutongaro yo si Yisus nu, “Ingato muyu yo su' dai kou ookalan, so' osuang lobuw lumoga' om momakai nu ngaran Ku no mongaakal so kou. Mutangar nosiro nu, ‘Aku yo iri Raja Nijanji nu Kinoringan!’ koo, om ‘Nologa' yo pomogkuosaan Ku!’ koo, nga ikod kou yo kiimaid so nosiro. Ikod kou yo kilaa' pudi korongou kou nu abar nu muwiwintos om mongolawan nu momogkuasa so' subai ono po su gulu ourug om otuman nai' kiawi' tinangar Ku tu. Nga okon po ono ko kopululi'an Ku mogkuasa,” koo si Yisus.
Mutongaro po Iyo nu, “Ido bansa mongolawan nu bansa wokon, om ido momogkuasa mongolawan nu momogkuasa wokon. Siombo-ombo nga gumunggun su tana', kilikop om koginisan nu osakit koindolaa'. Om musit po kolaa'-laa' om ponondu'an kogagau-gagau so langit. Nga ono po su kopogulu, okomon om insaadan kou nu lobuw lumawan so Aku. Bisora'on kou so waloi sosombooyangan om jiilon. Owiton kou so tiningkuangon nu ongo raja om wowaidon wokon, so' mompomaid Ku kou. Ono yo su kosiwatan muyu potuturan so lobuw wokon nu Abar Owarong kiat so Kinoringan. Pototapo muyu yo inawo muyu no su' dai kou mogawa ong onu nisambut muyu, so' Aku ya su montuduk so kou nu isambut muyu, su' d'ado ido ya nu alod-alod muyu kopongodoog so kou, om d'ado ido kosambut nu totongaron muyu no. Owiton kou nu ino amo muyu, sulod muyu, suku-sakat muyu, om una'-una' muyu so tiningkuangon nu kikuasa nu bisora'on, om kuwai so kou potoyon nu lobuw kikuasa oono. Kiawi' lobuw nga obisig so kou so' poimaid kou so Aku. Nga bang tumaan kou poimaid so Aku, insan soginting obuk muyu no d'ado ya obubul, ono yo osopulan kou nu Kinoringan,” koo.


Mutongaro yo si Yisus nu, “Koduung osiou muyu yo bandar Yirusalim-o pusingkolobungan nu soujar, ono yo pongilaan muyu nu oduruk-o ono uyason. Iya oono, lobuw so Yudia subai mogou mulaiw so kobubuludan. Lobuw so bandar subai mulaiw kiat so bandar, om lobuw so kampung adang-o mian so bandar. So' iya oono yo ukumon nu Kinoringan lobuw Yaudi, tayon ong otuman kiawi' nokosurat so Buuk nu Kinoringan. Iya yo oono kosongka'an nu kosonsora'an. Aagut sobana kowoinoyan momontian-o om kianak nu oworos po nu iya oono. Lobuw so tontong iitu no osuat nu kosonsora'an maayo, ukumon nu Kinoringan. Suat so lobuw Yaudi kuwai so nosiro potoyon momakai nu karis, om kiawi' wokon okomon om owiton so tontong nu lobuw bansa sondiang. Om bandar Yirusalim tu nga ingkag-ingkagan nu lobuw bansa sondiang dai poimaid nu Kinoringan musingkotalib nu notantu yo nu Kinoringan suat so nosiro mogkuasa nu bandar oono,” koo si Yisus.


Mutongaro po si Yisus nu, “Osiou-a koiran-iran so runat, so wulan, om so korombituon, ponondu'an nu kologa'an Ku. Kiawi' bansa nu lobuw so wonuo tu lumaa' om gumagau ong korongou nu kai-kai osangat nu gumbang maayo so raat. Mokioodan lobuw-o nu koolaa' nu laid nosiro momurimon ong onu kourugan nu wonuo tu so' kiawi' kuasa so langit-o minsid kiat so pinolakan-o. Iya yo oono loga'an Ku, Anak nu Riniba, om osiowan nu kiawi' lobuw solui-soluyon nu kawut maid nu kuasa om binaang Ku nu sobana ko otarang. Koduung tumimpuun-o ono, undii om tingaa kou yo, so' oduruk Aku yo lumoga' monapul so kou,” koo si Yisus.


Monolig-soligo yo si Yisus nu, “Udioo muyu yo puun nu nunuk-o om puun nu kayu wokon. Bang osiou muyu nu tumimpuun-o mupusuk koimbagu, ono yo pongilaan muyu nu oduruk-o muas. Soko ono ya ong osiou muyu nu ourug-o pinutangar Ku oono, oilaan muyu nu, oduruk-o lumoga' Aku, om taakan Aku nu Kinoringan nu kopogboya'an mogkuasa nu lobuw songapan Ku.
Ondomo muyu yo! Kiawi' nu ono suat so Yirusalim ourug nu dai po aawi' matoi lobuw nu ono sono tu. Lumiong ong tana' om langit tu, nga tinongaran Ku musingkolaid,” koo.

Mutongaro po si Yisus nu, “Kimati muyu yo! Ikod kou yo kosokakan musinsonangan om moginowukan, intawa osokakan momikir nu kowiau-wiawan, sampai dai kou sono kopurigap-rigap, om milok po su ologa' yo iya ponginsaadan nu Kinoringan nu ongo lobuw oono. So' iya oono soko tawos kosulungan nu kiawi' lobuw so wonuo tu. Ingat-ingat om pogdu'a kou yo dadan su' kikobosagan kou mongirasa nu itu no ong ologa' yo, om dai kou lumaa' sumambat so Aku, Anak nu Riniba,” koo si Yisus.
Umpit nu runat, montuduk si Yisus so natad nu Waloi Maayo nu Kinoringan om umpak nu awi, mian Iyo so Bulud Jaitun moturuw so ido waloi. Koduung osuab-o, mululi' yo Iyo so natad nu Waloi Maayo nu Kinoringan om lumoga' yo ongo lobuw mongkinongou nu niongotuduk Niyo.

سنیں Lukas 21