<div class="version vid3875 iso6393prx" data-vid="3875" data-iso6393="prx">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="p"> 1Ni, Yeshus rangi lzadrulbakhan chunyispoa khoe shitia yong zere khyongse khonga dreuni phingmi yang ga nad nang zermoun noro chhachukchi khyud sals.</div><div class="p"> 2De phrin khyerkhan chunyispe mingta&#7733;&#7830;sun dyuun in&#160;: Snapa, Petros zerkhan Simon nang khoe phono Andreas; Zebedeyapi buthsa Yakobos nang khoe phono Yoannes. 3Philippos nang Bartholomayos; Thomas nang shokhral lenkhan Matthaios, Alphayosi buthsa Yakobos nang Thaddayos zerkhan Lebbayos. 4Kanapa Simon nang Kho zunchukkhan Iskaryotpa Yudas.</div><div class="p"> 5Di chunyispoa Yeshus khaq tangse dyu raole tangs&#160;: janmi mithsiruni lam jukse masongshik yang Samaryapauni ga yul chigiangnuk majukshik. 6Dobasang Israelpi khangmi storkhanluwaquni der songshik! 7Ni, khyentang drulen rshnamuni rgyastridpo hlebsed zere hagochukshik! 8Nadpaun noro chhachukshik rdzenjanun daqchukshik, shiskhanun sone ltsangshik; dreun phingshik, khyentang rin medpa thobsed, rin medpa tangshik! 9Ser nang rshmul nang pene ang khyenti skyeraqsuniang masaqshik&#160;! 10Hana besi phya gyaqsi kyalbu hana goncha nyis hana rshkanglam hana berkek makhurshik! Chiazerbana lasmia rangi zaton chhed. 11Yang ga yulchigiang hana ga grongchigiang khyentang hlebna, der su byorkhan yod zere kalo base bingse chhachha thsaqpa der dukshik! 12Ni, khyentang khangmeang hlebtsana khangmapaunla ju bashik: 13Yang taqdir de khangmi miun manta&#7733;&#7830;sika byorkhan yodna khyenti zomlukspo de khangmapaunla hlebshik! Amma taqdir mibyorkhan yodna ni khyenti zomlukspo khyentanga loqtuk. 14Yang gasus khyentang &#7695;onpo mabasna khyenti tamunla rshna mabasna de khangmeangna hana de yuliangna phyistaa bingse chhatsana khyenti kangmaunikana sasuppo sprukshik! 15Chhadkhika ngas khyentanga zered&#160;: sha&#7733;&#7830;s de jaqa de yulpo basang Sodoma nang Gomorrhe yulpoa thebtseang ltsamo chhok. 16Misto, ngas khyentang luwaq natso&#7733;&#7830;s base shangkuuni bariang tangod&#160;; dephya zbrul natso&#7733;&#7830;s kosondo nang qondil natso&#7733;&#7830;s mirshnodkhan dukshik! 17Amma miunla snanga bashik chiazerbana khongunis khyentang chhimiuni khoruni laqa tangnuk yang rangi rshmaqdussauniang khyentika rshtalchaq tangnuk. 18Yang khongula janmi mithsiruni phya rshpangpo chha khyentang ngi phya rgyalchos bakhanun nang rgyalpouni der-ang khyercha chhok. 19Arama ga thoa khongunis khyentang zune laqa tangsna chi zeruk hana gatsuga zeruk zere qol&#7791;o mabashik chiazerbana khyentanga chi zercha yodpao dyana dusthsod khurika khyentanga tangcha chhok. 20Chiazerbana spera tangkhanpo khyentang men dobasang khyenti Ati Semspos khyenti (sems) iangna spera tangcha in. 21Yang phonos phono, yang atas buthsa sadpa laqa tangnuk yang buthsaunis rangi ata nang amikana khrukkhruk chhok, yang khong sadchuktuk. 22Yang ngi mingta&#7733;&#7830;si phya saqis khyentika kon jaqtuk, amma juk thsaqpa thyaqpa bakhanpo khomcha chhok. 23Amma ga thoa khongunis di grongdusiang khyentanga na&#7733;&#7830;s domba stansna yang chik-iang shorshik! Chiazerbana chhadkhika ngas khyentanga zered Israeli grongdusun junga khyentanga khorba mana mathsarba Miwi Buthsao hlebkhan chhok. 24Ltsabkhanpo basang lobskhanpo chhopo men, hana tsonpo rangi ashipao basang gothos men. 25Lobskhanpo rangi ltsabkhanpo natso&#7733;&#7830;s songna (thsad) yang tsonpo rangi ashipao natso&#7733;&#7830;s song na thsad. Khongunis khangmi ashipawa Beelzebul (zerkhan dreuni gowa) ta&#7733;&#7830;spana mallaqa khoe khangmi miunla chia mita&#7733;&#7830;&#160;? 26De phya khongunla khyentang majikshik ngoncha michhe sangskhan chik med; rshta&#7733;&#7830;spa michhe zbaskhan chik med. 27Ngas khyentanga &#7791;hubiang zeskhanpo khyentes od la zershik! Yang khyentanga rshneang goskhanpo khyentes hyendaqa hagochukshik! 28Yang stroqpo sadpa minyankhan rgo sadkhanunla jiksmajikshik Dobasang stroq nang rgo nyiska rostraqsi meang jikshi khyud yodkhanpoa jikse snanga rgosukpa. 29Nasbyi nyis peno chikchiga tsongma meda&#160;? Yang douniangna chikchigang khyonti Ati ranzo modpa seka miphoq. 30Dobasang khyenti goe ryalunsaqang rtsiso yod. 31Do phya khyentang jiksmajikshik, byi mangmo basang khyentang rinchan in. 32Dekana miuni dunla mana ga rereo ngi in zeskhanpo ngasang rshnamuniang yodkhan ngari Ati dunla khoa in zeruk, 33Amma gasus miuni dunla ngi men zesna ngasang rshnamuniang yodkhan ngari Ati dunla khoa men zeruk. 34Se rdongeka zomluks jaqpa nga yongskhan in zere masamshik; zomluks jaqpa yongskhan men dobasang rargyik (jaqpa) yongskhan in. 35Chiazerbana buthsa rangi atao, yang bumo rangi amao yang nama rangi daqpoe amao na bar phea yongsed. 36Mi-i mirgakhanun khoe rangi khangmapaun (chhok). 37Rangi atawa hana amawa nga basang mangmo rgasna do nga na byorkhan men. 38Yang rangi ka&#7791;oshingpo khure ngi jukna mayongs na do nga na byorkhan men. 39Gasus rangi stroqpo strungse jaqsna khoa do storuk yang gasus rangi stroqpo ngi phya storchuksna khoa do laqa yongnuk. 40Khyentang &#7695;onpo bakhanpos nga ang &#7695;onpo bed yang nga &#7695;onpo bakhanpos nga Tangkhanpo &#7695;onpo bed. 41Khyenkhan chikchik khyenkhan inmi phya &#7695;onpo bakhanpoa khyenkhani zde thobtuk, yang khadrang yodkhan chikchiga khadrang inmi phya &#7695;onpo bakhanpoa khadrang yodkhani zdeo thobtuk. 42Yang gasus di thsuntseuniangna chikchiga lzadrulbakhan inmi phya karol gang tsa grongmo chhuik thungma tangsnarek khoa rangi zdeo god michha zere ngas khyentanga chhadkhika zered.</div>
 </div>
 </div>
</div>

Ni, Yeshus rangi lzadrulbakhan chunyispoa khoe shitia yong zere khyongse khonga dreuni phingmi yang ga nad nang zermoun noro chhachukchi khyud sals.
De phrin khyerkhan chunyispe mingtaḵẖsun dyuun in : Snapa, Petros zerkhan Simon nang khoe phono Andreas; Zebedeyapi buthsa Yakobos nang khoe phono Yoannes. Philippos nang Bartholomayos; Thomas nang shokhral lenkhan Matthaios, Alphayosi buthsa Yakobos nang Thaddayos zerkhan Lebbayos. Kanapa Simon nang Kho zunchukkhan Iskaryotpa Yudas.
Di chunyispoa Yeshus khaq tangse dyu raole tangs : janmi mithsiruni lam jukse masongshik yang Samaryapauni ga yul chigiangnuk majukshik. Dobasang Israelpi khangmi storkhanluwaquni der songshik! Ni, khyentang drulen rshnamuni rgyastridpo hlebsed zere hagochukshik! Nadpaun noro chhachukshik rdzenjanun daqchukshik, shiskhanun sone ltsangshik; dreun phingshik, khyentang rin medpa thobsed, rin medpa tangshik! Ser nang rshmul nang pene ang khyenti skyeraqsuniang masaqshik ! Hana besi phya gyaqsi kyalbu hana goncha nyis hana rshkanglam hana berkek makhurshik! Chiazerbana lasmia rangi zaton chhed. Yang ga yulchigiang hana ga grongchigiang khyentang hlebna, der su byorkhan yod zere kalo base bingse chhachha thsaqpa der dukshik! Ni, khyentang khangmeang hlebtsana khangmapaunla ju bashik: Yang taqdir de khangmi miun mantaḵẖsika byorkhan yodna khyenti zomlukspo de khangmapaunla hlebshik! Amma taqdir mibyorkhan yodna ni khyenti zomlukspo khyentanga loqtuk. Yang gasus khyentang ḏonpo mabasna khyenti tamunla rshna mabasna de khangmeangna hana de yuliangna phyistaa bingse chhatsana khyenti kangmaunikana sasuppo sprukshik! Chhadkhika ngas khyentanga zered : shaḵẖs de jaqa de yulpo basang Sodoma nang Gomorrhe yulpoa thebtseang ltsamo chhok. Misto, ngas khyentang luwaq natsoḵẖs base shangkuuni bariang tangod ; dephya zbrul natsoḵẖs kosondo nang qondil natsoḵẖs mirshnodkhan dukshik! Amma miunla snanga bashik chiazerbana khongunis khyentang chhimiuni khoruni laqa tangnuk yang rangi rshmaqdussauniang khyentika rshtalchaq tangnuk. Yang khongula janmi mithsiruni phya rshpangpo chha khyentang ngi phya rgyalchos bakhanun nang rgyalpouni der-ang khyercha chhok. Arama ga thoa khongunis khyentang zune laqa tangsna chi zeruk hana gatsuga zeruk zere qolṯo mabashik chiazerbana khyentanga chi zercha yodpao dyana dusthsod khurika khyentanga tangcha chhok. Chiazerbana spera tangkhanpo khyentang men dobasang khyenti Ati Semspos khyenti (sems) iangna spera tangcha in. Yang phonos phono, yang atas buthsa sadpa laqa tangnuk yang buthsaunis rangi ata nang amikana khrukkhruk chhok, yang khong sadchuktuk. Yang ngi mingtaḵẖsi phya saqis khyentika kon jaqtuk, amma juk thsaqpa thyaqpa bakhanpo khomcha chhok. Amma ga thoa khongunis di grongdusiang khyentanga naḵẖs domba stansna yang chik-iang shorshik! Chiazerbana chhadkhika ngas khyentanga zered Israeli grongdusun junga khyentanga khorba mana mathsarba Miwi Buthsao hlebkhan chhok. Ltsabkhanpo basang lobskhanpo chhopo men, hana tsonpo rangi ashipao basang gothos men. Lobskhanpo rangi ltsabkhanpo natsoḵẖs songna (thsad) yang tsonpo rangi ashipao natsoḵẖs song na thsad. Khongunis khangmi ashipawa Beelzebul (zerkhan dreuni gowa) taḵẖspana mallaqa khoe khangmi miunla chia mitaḵẖ ? De phya khongunla khyentang majikshik ngoncha michhe sangskhan chik med; rshtaḵẖspa michhe zbaskhan chik med. Ngas khyentanga ṯhubiang zeskhanpo khyentes od la zershik! Yang khyentanga rshneang goskhanpo khyentes hyendaqa hagochukshik! Yang stroqpo sadpa minyankhan rgo sadkhanunla jiksmajikshik Dobasang stroq nang rgo nyiska rostraqsi meang jikshi khyud yodkhanpoa jikse snanga rgosukpa. Nasbyi nyis peno chikchiga tsongma meda ? Yang douniangna chikchigang khyonti Ati ranzo modpa seka miphoq. Dobasang khyenti goe ryalunsaqang rtsiso yod. Do phya khyentang jiksmajikshik, byi mangmo basang khyentang rinchan in. Dekana miuni dunla mana ga rereo ngi in zeskhanpo ngasang rshnamuniang yodkhan ngari Ati dunla khoa in zeruk, Amma gasus miuni dunla ngi men zesna ngasang rshnamuniang yodkhan ngari Ati dunla khoa men zeruk. Se rdongeka zomluks jaqpa nga yongskhan in zere masamshik; zomluks jaqpa yongskhan men dobasang rargyik (jaqpa) yongskhan in. Chiazerbana buthsa rangi atao, yang bumo rangi amao yang nama rangi daqpoe amao na bar phea yongsed. Mi-i mirgakhanun khoe rangi khangmapaun (chhok). Rangi atawa hana amawa nga basang mangmo rgasna do nga na byorkhan men. Yang rangi kaṯoshingpo khure ngi jukna mayongs na do nga na byorkhan men. Gasus rangi stroqpo strungse jaqsna khoa do storuk yang gasus rangi stroqpo ngi phya storchuksna khoa do laqa yongnuk. Khyentang ḏonpo bakhanpos nga ang ḏonpo bed yang nga ḏonpo bakhanpos nga Tangkhanpo ḏonpo bed. Khyenkhan chikchik khyenkhan inmi phya ḏonpo bakhanpoa khyenkhani zde thobtuk, yang khadrang yodkhan chikchiga khadrang inmi phya ḏonpo bakhanpoa khadrang yodkhani zdeo thobtuk. Yang gasus di thsuntseuniangna chikchiga lzadrulbakhan inmi phya karol gang tsa grongmo chhuik thungma tangsnarek khoa rangi zdeo god michha zere ngas khyentanga chhadkhika zered.

سنیں Matthaisioi Phrinzangpo 10