If you would like a copy of this version please contact info@davaraudiobibles.org

Dangi New Testament, CC-BY-SA-4.0, The Love Fellowship. Dangi New Testament Audio Bible, CC-BY-SA-4.0, Davar Partners International, The Love Fellowship, 2022.

Dangi New Testament (TLF)

The New Testament in Dhankavi Language © The Word for the World International and Dhankavi Mandli, Khargon, Raykhed, Nandurbar, Maharashtra 2020 

उना टेहाव कायी मानसे आय उचा आरू ओका सी उसने गलीलीयो कि चर्चा करने लाग्या जिनका लुहूय यो पिलातुसने ओका क बलिदान क साथ मिवाया हुता यो सोमवीन ईशु ओका सी जवाब मा यो कयो, “काय तुमू समजता होय कि यो गलीली आरू सब गालीलीयो सी सवटो पापी हुता कि उन पर ओसी संकट पड़ी?” हाव तुमूछे कयता छे कि नी पुन यदि तुमू मन नी फिरावसे तो तुमू सब भी इनी रीति छे नष्ट होय छे। या काय तुमू समजता होय कि वो अठारे जन जिन पर शीलोह क गुम्मट पड़्या आरू वो दबाईन मर गयो, यरूशलेमको आरू सब रहनेवावा छे सवटो गुणेहगार हुता। हाव तुमछे कयता छे, कि नी पुन यदि तुमू मन नी फिरावसे तो तुमू सब भी इनी रीति छे नष्ट होय।

पछु त्यो यह दृष्टांत भी कयो काही कि अंगुर कि वाड़ी मा एक अंजीर क झाड़को क लाग्यो हुयो हुतो वो ओकामा फवो हेरता आश पुन नी देखाय। तव त्यो वाड़ी क राखनेवावा कयो देख तीन साल छे हाव इनीये अंजीर क झाड़का मा फवो हेरता आवता छे पुन नी देखता इनाक काटीन नाखने कि यो धरती क भी काय रूक गया। त्यो ओको जवाब दिया, हे भगवान इनाक इनीये साल आरू कयने दे कि हाव ओका चार आरू खुंदीन खत नाख्यो। यदि अगोळ क फवो नी तो ओको काट नाखे।

विश्राम क दहाडो वो एक आराधना घर शिक्षा कर रया हुता। वाँ एक बायर हुती जिनाक अठारे साल छे एक कमजोर करनेवाळी साहळा लागी होती आरू वो कुभडी होय गयी होती आरू काही रीति सिधी नी होयी सकती होती। ईशु ओको देखीन बुलाया आरू कयो, “हे नारी तु आपसी कमजोरी छे छुट गयी। तव त्यो ओको पर हार राखीन आरू वो छाटोत सुधो वा गयी आरू यहोवा–भगवान कि बढ़ाई करने लागी।”
अतरान करीन कि ईशु विश्राम क दहाडो ओको वारू कर्‍या हुता आराधना घर क सरदार चिताकर मानसेछे कयने लाग्या, “छो, दहाडो छे जीनमा काम करने जुवे आखरी उन ही दहाडे मा आवी वारू होय पुन विश्राम दहाडो मा नी।”
यो सोमवीन पोरबुने जवाब दिया हे कपटी, काय विश्राम क दहाडो तुमू मा छे हर एक आपने बैल या गदड़ा क स्थान छे उघाडीन पानी पावने नी ली जाता छे? तो काय वारू नी हुता कि यो बायर जो अब्राहम कि बेटी छे जीनाक शैतान क अठारे साल छे बांधीन राख्या हुता विश्राम क दहाडो इनीये बंधनछे छुड़ायो जारी? जी त्यो यो वात कयी तो ओका सब विरोधी लज्जित हो गया आरू सारी गर्दी उन महिमा क काम छे जो वो करता हुता खुश हयी


पछु त्यो कयो यहोवा–भगवान क राज्य काय क समान छे? आरू मा ओकी बराबरी कुनी सी देसे। वो राई क एक दानो क समान छे जीनाक कायी माणुस ने लीन आपसी खेत मा वेर्‍या आरू वो मोटो झाड़को होयी गया आरू आकाश क चिल्ला ने ओका डावखा पर पांजरो कर्‍या।


त्यो पछु कयो, हाव यहोवा–भगवान क राज्य कि बराबरी कुनी सी देसे? वो खमीर क समान छे जीसको कोय बायर लीन तीन पासरी पिठु मा मिलावी आरू धीरो–धीरो सब पिठु खमीर हुय गयो।


वो नगर आरू गाव हईन शिक्षा करता हुया यरूशलेम कि आरू जाय रया हुता। तो कोय ओका सी पुछा, “हे पोरबु काय उध्दार देखनेवावा थुडा छे?”
त्यो ओका सी कयो, “संकेत झोपला छे भरायने करने क यत्न करो काय कि हाव तुमू छे कयता छे कि घोणा छे भरायने करने जुवे आरू नी कर सक्या।” जी घर क भगवान उठीन झोपलो बंद कर त्योक्यो होय आरू तुमू बाहरता उबा हुया दरवाजो खटखटावीन कयनो लाग्या हे पोरबु हामरे करता उघाड दे आरू वो जवाब दिदो, “हाव तुम्हे नी जानता तुमू कयो क होयी?” तव तुमू कयनो लाग्या, “हामु तारे सामने खाया, पीया आरू तु ने हामरे बजारमा शिक्षा कर्‍या।” पुन वो कवसे हाव तुमूछे कयता छे, हाव नी जानता तुमू कयो छे होय हे अन्याय करनेवावा तुमू सब मखे छे दुर होय। वाँ रड़नु आरू दात रगड़ने होयछे जव तुमू अब्राहम आरू इसहाक आरू याकोब आरू सब भविष्यवक्ता क यहोवा–भगवान को राज्यमा बठ्या आरू आपने आप क बाहरता निकावता होया देखछे। आरू पुरब आरू पक्षिम, जवाब आरू दक्षिण छे मानसे आवी यहोवा–भगवान क राज्य क भोज मा भागी होयछे। आरू काय पछो छे वो पेहेल होय छे आरू काय जो पेहल छे वो पछो होयछे।

तीनी घड़ी काही फरीसियो ने आवीन ओका सी कयो, “या छे निकाव चाल जा काहकि हेरोदेस तुखे मारने जुवता छे।”
त्यो ओका सी कयो, “जाईन ओको कुल्या छे कयी दे कि देख हाव आज आरू काल साहळा निकावता आरू बीमारी क वारू करता छे आरू तिसरे दहाडे आपसा काम पुरो करसे।” तो भी मखे आज आरू काल आरू पंदहाडे चालने पाको छे काहकि होय नी होय सकता कि काही भविष्यवक्ता यरूशलेम क बाहरता मारा जाय
हे यरूशलेम! हे यरूशलेम! तु जो भविष्यवक्ता क मार नाकता छे आरू जो तारे साथे मुकल्या गया ओका पर दगड़ा देय; कोतरी ही बार मा ने यो जुवा कि जोसो कुकड़ो आपने पिला क आपसो पोखड़ा क नेचो एखठा करता छे वोसो ही हाव भी तारे पोर्‍या क करीस पर तुमू ने यो नी जुवा। देखु तुमरा घर तुमरे करता विजावो छुड़िया जाता छे आरू ने तुमू छे कयता छे जव धन्य छे वो जो पोरबु क नाव छे आवता छे तव तक तुमू मखे पछु कदी नी देखछे।

سنیں लूका 13