Uripiv-Wala-Rano-Atchin: Uripiv New Testament New Testament only

Naul On Nga Mimerr Uripiv

<div class="version vid525 iso6393upv" data-vid="525" data-iso6393="upv">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Iesu ololi jinibb sopor arres luwi re mesien ser</div><div class="p"> 1Daron nga Iesu mujubbul vajin e renge botwen, ko delung nga milep nir arvijuri ni. 2Ko jinibb san nga mimsi mesien nga niber m&#771;im&#771;emaul evini ejiol vitan jin, ko owra &#8220;Wurru, numal, oto ji nik, poro nga nik kupmarong, ko kurongwos kuploli nibek puwokwok luwi.&#8221; 3Ko Iesu esareni nevren ejpari m&#771;ernen niben, ko owra &#8220;Inu numarong, nibem puwokwok luwi.&#8221; Ko ngavilvilsen mesien nga niber m&#771;im&#771;emaul evel lingi ni, ko niben owokwok luwi erres. 4Ko Iesu ewer ore, owrai tevi: &#8220;Kuplesi sete kupwerwerai tevi jinibb p&#771;isan, ko kupan kupviseni nibem tevi jinibb ne sulsulen san, ko kuplai merrenien p&#771;isan pusorsan tevi Moses muli tuwi suri nir nga marres luwi re mesien ngok, miviseni nir nga nibem muwokwok pa musuw.&#8221;</div><div class="p"> 5Ko daron nga Iesu mian renge Kapaneam e, ko numal san se jinibb ne nuval ne Rom nir evini ji ni 6ko ongoni ni, owra &#8220;Wurru, numal, nanwarreng weli ne majingen suk emsi, ematur renge naim. Emsi mesien nga niber mokmijmij e, ko ornge esij p&#771;elak.&#8221; 7Ko Iesu owra lweni tevi: &#8220;Inu bevinuk le pa, rroporan bololi ni p&#771;irres.&#8221; 8Ko m&#771;ernen ewer ore, owra lweni tevi Iesu: &#8220;Numal, sete nurres nga nik kupini re loloim suk. Ko kuptur iok kobbong, kupwera bbong nale, ko nanwarreng suk wel nen p&#771;irres luwi re mesien sen. 9Ko inu kele derteren suk otoe, ko numal suk sopor kele derteren ser arasie inu wor. Ko poro nga bowrai tevi jinibb ne nuval suk san, &#8216;Kupan,&#8217; ko ni pian ko wor; ko poro nga bowrai tevi san kele, &#8216;Kupini,&#8217; ko ni pivini ko wor; ko poro nga bowrai tevi jinibb ne majingen suk, &#8216;Kuploli pirpel,&#8217; ko ni puloli ko wor pirpok.&#8221;</div><div class="p"> 10Ko daron nga Iesu murnge nale sen ngel, ko etaole, ko owrai tevi nir nga marvijuri ni: &#8220;Nuwretun, nuwrai tevi kami, setete nulesi jinibb san ne Isrel nga nosurien sen milep mirpe m&#771;erel. 11Nuwrai tevi kami, nir pilep nga para-ivel re Is ko re Wes ko ngatan jijle vini, para-lik ngatan tevi Epram ko Aesak ko Jekop renge batun vanu ne melrin, ko para-aani nanen. 12Ko m&#771;eri Isrel nir nga marrorrmi nawon nga paran renge batun vanu ne melrin, para-sor twenir, paran renge lat nga mimalik jerjer. Iok ngok jinibb para-ting ko para-runge p&#771;isij pilep.&#8221; 13Ko Iesu owrai lweni kele tevi jinibb nuval nen, &#8220;Kupiel; nanu nga kumosuri piplari ko jim.&#8221; Ko renge mete nial mawos nen, nanwarreng wel nen erres luwi re mesien sen.</div><div class="p"> 14Ko vitunen, Iesu evan loloim se Pita, ko elesi Pita p&#771;ilen lekter ematur emsi mesien dowalul. 15Ko Iesu ejpari nevre nesevin, ko mesien dowalul osuw re ni. Ko emra, ko etabbuni nanen se Iesu.</div><div class="p"> 16Ko rivriv jer, re daron nga nial muwaj pini, ko nabong on ser musuw, ko artektekai jinibb elep vini ji Iesu nga demij marsisilvir; ko ni oji tweni nem&#771;in nga marsij rer tevi nale sen, ko ololi nir nga marmesi arres luwi re mesien ser. 17Ngok eplari osorsan tevi nale san se propet Aesea nga muli tuwi mirpel: &#8220;Ni ela tweni mesien se kerr ko norongen nga m&#771;isij se kerr.&#8221;</div><div class="s">Jinibb eru ormerreni porvijuri Iesu</div><div class="p"> 18Ko vitunen Iesu elesi delung elep nga martur rrale ni, ko owrai tevi jinibb sen nir, &#8220;Rrapan re devje nuwi Galili e.&#8221; 19Ko jinibb nevisvisenien ne nale nesesreien san evini ji ni, ko owra &#8220;Jinibb nevisvisenien, ngabe nga kupa-van e, ko inu bea-vijuri nik.&#8221; 20Ko Iesu owra lweni tevi ni, &#8220;Guli rrum nga wowarreng nir b&#771;elaur otoe, ko num&#246;n nir menuner otoe; ko inu Jinibb Mawos, milngek ejkie. Ngok, kuprrorrmi mun p&#771;irres poro nga kumrreni kupvijuri inu.&#8221;</div><div class="p"> 21Ko san re jinibb sen owra tevi ni, &#8220;Numal, kuplinglingi inu puwomu ban b&#771;etevni luwe tata suk.&#8221; 22Ko Iesu owrai tevi, &#8220;Ejki, kupvijuri inu, ko kuplinglingi nir nga sete marla mauren ko pa partevni lartul nga marmij.&#8221;</div><div class="s">Iesu ewer ore ling serser nga milep</div><div class="p"> 23Erij jile erpok musuw, ko ean esa renge drrav se nir, ko jinibb sen arsa tevi ni. Ko ni evan, ematur lolo drrav. Ko drrav owlu.</div><div class="p"> 24Ko mian ko ling serser nga milep etewut vini re nuwito, ko owi nuwi daptap nen elelep nga marjerjeravi drrav ser, ko drrav ser otomori purron. Ko Iesu ematur malum, sete emra wor. 25Ko jinibb sen aran arwuni ni, ko arwerai tevi ni: &#8220;Numal, kupla se kerr, otomori rrapmij!&#8221; 26Ko ni owra tevi nir: &#8220;Erpese kami kammetutu? Nosurien se kami ewelili jer.&#8221; Ko otur mera, ko ewer ore ling ko daptap ne nuwi, ko ormol kem&#771;kam&#771;e. 27Ko nir artaole, ko arwerwerair e, &#8220;Jinibb nga mirpese le mirpel ngel, nga m&#771;irij tevi ling ko nuwi kele, ko morosuri ni?&#8221;</div><div class="s">Iesu oji tweni demij renge m&#771;eri Gatara eru</div><div class="p"> 28Ko vitunen arjipari devje nuwi renge ngaim se m&#771;eri Gatara. Ko jinibb eru nga demij m&#771;isisilvi nuru orpelari re lat ne dubb vini, orivel ore selen. Nuru orivi jinibb rrum, ko orloli jinibb sete arongwose parasi renge sel ngok. 29Ko orkail ko orwera &#8220;Nik Atua natun, kuvini iel tweni kuploli sev le tevi komru? Kuvini tweni kuploli komru nobor-runge p&#771;isij puwomu, vitunen ko daron nen vajin?&#8221;</div><div class="p"> 30Ko mori bbong nir, nior b&#771;erp&#771;er artur arok-susung malum. 31Ko demij nen nir arungoni tevi Iesu, arwera &#8220;Wurru, poro kupoji tweni kem, ko kuplinglingi kem naban nabsilvi b&#771;erp&#771;er ngok nir.&#8221; 32Ko ni owra tevi nir: &#8220;Kapan.&#8221; Ko daron nga marivare, aran arsilvi b&#771;erp&#771;er nir; ko nir jijle arwolu renge botwen nga mivjivjar san ko arowrow jubbul van renge nuwi nga milep nen, ko arron ko armij.</div><div class="p"> 33Ko jinibb nga marok-metmete b&#771;erp&#771;er nir, daron nga marlesi, arwolu suri sel van ngaim e, ko arsup&#771;e nanu jile nga marpelari. Ko nanu nga milep nga marsup&#771;e suri, sev nga miplari ji laru nen nuru. 34Ko nir nga marlik renge ngaim nen jijle nir arivel ore parsesewute Iesu. Ko daron nga marini ji ni ko arungonie eterter, arwera pivel lingi lut nga nir.</div>
 </div>
 </div>
</div>

Daron nga Iesu mujubbul vajin e renge botwen, ko delung nga milep nir arvijuri ni. Ko jinibb san nga mimsi mesien nga niber m̃im̃emaul evini ejiol vitan jin, ko owra “Wurru, numal, oto ji nik, poro nga nik kupmarong, ko kurongwos kuploli nibek puwokwok luwi.” Ko Iesu esareni nevren ejpari m̃ernen niben, ko owra “Inu numarong, nibem puwokwok luwi.” Ko ngavilvilsen mesien nga niber m̃im̃emaul evel lingi ni, ko niben owokwok luwi erres. Ko Iesu ewer ore, owrai tevi: “Kuplesi sete kupwerwerai tevi jinibb p̃isan, ko kupan kupviseni nibem tevi jinibb ne sulsulen san, ko kuplai merrenien p̃isan pusorsan tevi Moses muli tuwi suri nir nga marres luwi re mesien ngok, miviseni nir nga nibem muwokwok pa musuw.”
Ko daron nga Iesu mian renge Kapaneam e, ko numal san se jinibb ne nuval ne Rom nir evini ji ni ko ongoni ni, owra “Wurru, numal, nanwarreng weli ne majingen suk emsi, ematur renge naim. Emsi mesien nga niber mokmijmij e, ko ornge esij p̃elak.” Ko Iesu owra lweni tevi: “Inu bevinuk le pa, rroporan bololi ni p̃irres.” Ko m̃ernen ewer ore, owra lweni tevi Iesu: “Numal, sete nurres nga nik kupini re loloim suk. Ko kuptur iok kobbong, kupwera bbong nale, ko nanwarreng suk wel nen p̃irres luwi re mesien sen. Ko inu kele derteren suk otoe, ko numal suk sopor kele derteren ser arasie inu wor. Ko poro nga bowrai tevi jinibb ne nuval suk san, ‘Kupan,’ ko ni pian ko wor; ko poro nga bowrai tevi san kele, ‘Kupini,’ ko ni pivini ko wor; ko poro nga bowrai tevi jinibb ne majingen suk, ‘Kuploli pirpel,’ ko ni puloli ko wor pirpok.”
Ko daron nga Iesu murnge nale sen ngel, ko etaole, ko owrai tevi nir nga marvijuri ni: “Nuwretun, nuwrai tevi kami, setete nulesi jinibb san ne Isrel nga nosurien sen milep mirpe m̃erel. Nuwrai tevi kami, nir pilep nga para-ivel re Is ko re Wes ko ngatan jijle vini, para-lik ngatan tevi Epram ko Aesak ko Jekop renge batun vanu ne melrin, ko para-aani nanen. Ko m̃eri Isrel nir nga marrorrmi nawon nga paran renge batun vanu ne melrin, para-sor twenir, paran renge lat nga mimalik jerjer. Iok ngok jinibb para-ting ko para-runge p̃isij pilep.” Ko Iesu owrai lweni kele tevi jinibb nuval nen, “Kupiel; nanu nga kumosuri piplari ko jim.” Ko renge mete nial mawos nen, nanwarreng wel nen erres luwi re mesien sen.
Ko vitunen, Iesu evan loloim se Pita, ko elesi Pita p̃ilen lekter ematur emsi mesien dowalul. Ko Iesu ejpari nevre nesevin, ko mesien dowalul osuw re ni. Ko emra, ko etabbuni nanen se Iesu.
Ko rivriv jer, re daron nga nial muwaj pini, ko nabong on ser musuw, ko artektekai jinibb elep vini ji Iesu nga demij marsisilvir; ko ni oji tweni nem̃in nga marsij rer tevi nale sen, ko ololi nir nga marmesi arres luwi re mesien ser. Ngok eplari osorsan tevi nale san se propet Aesea nga muli tuwi mirpel: “Ni ela tweni mesien se kerr ko norongen nga m̃isij se kerr.”

Ko vitunen Iesu elesi delung elep nga martur rrale ni, ko owrai tevi jinibb sen nir, “Rrapan re devje nuwi Galili e.” Ko jinibb nevisvisenien ne nale nesesreien san evini ji ni, ko owra “Jinibb nevisvisenien, ngabe nga kupa-van e, ko inu bea-vijuri nik.” Ko Iesu owra lweni tevi ni, “Guli rrum nga wowarreng nir b̃elaur otoe, ko numön nir menuner otoe; ko inu Jinibb Mawos, milngek ejkie. Ngok, kuprrorrmi mun p̃irres poro nga kumrreni kupvijuri inu.”
Ko san re jinibb sen owra tevi ni, “Numal, kuplinglingi inu puwomu ban b̃etevni luwe tata suk.” Ko Iesu owrai tevi, “Ejki, kupvijuri inu, ko kuplinglingi nir nga sete marla mauren ko pa partevni lartul nga marmij.”

Erij jile erpok musuw, ko ean esa renge drrav se nir, ko jinibb sen arsa tevi ni. Ko ni evan, ematur lolo drrav. Ko drrav owlu.
Ko mian ko ling serser nga milep etewut vini re nuwito, ko owi nuwi daptap nen elelep nga marjerjeravi drrav ser, ko drrav ser otomori purron. Ko Iesu ematur malum, sete emra wor. Ko jinibb sen aran arwuni ni, ko arwerai tevi ni: “Numal, kupla se kerr, otomori rrapmij!” Ko ni owra tevi nir: “Erpese kami kammetutu? Nosurien se kami ewelili jer.” Ko otur mera, ko ewer ore ling ko daptap ne nuwi, ko ormol kem̃kam̃e. Ko nir artaole, ko arwerwerair e, “Jinibb nga mirpese le mirpel ngel, nga m̃irij tevi ling ko nuwi kele, ko morosuri ni?”

Ko vitunen arjipari devje nuwi renge ngaim se m̃eri Gatara. Ko jinibb eru nga demij m̃isisilvi nuru orpelari re lat ne dubb vini, orivel ore selen. Nuru orivi jinibb rrum, ko orloli jinibb sete arongwose parasi renge sel ngok. Ko orkail ko orwera “Nik Atua natun, kuvini iel tweni kuploli sev le tevi komru? Kuvini tweni kuploli komru nobor-runge p̃isij puwomu, vitunen ko daron nen vajin?”
Ko mori bbong nir, nior b̃erp̃er artur arok-susung malum. Ko demij nen nir arungoni tevi Iesu, arwera “Wurru, poro kupoji tweni kem, ko kuplinglingi kem naban nabsilvi b̃erp̃er ngok nir.” Ko ni owra tevi nir: “Kapan.” Ko daron nga marivare, aran arsilvi b̃erp̃er nir; ko nir jijle arwolu renge botwen nga mivjivjar san ko arowrow jubbul van renge nuwi nga milep nen, ko arron ko armij.
Ko jinibb nga marok-metmete b̃erp̃er nir, daron nga marlesi, arwolu suri sel van ngaim e, ko arsup̃e nanu jile nga marpelari. Ko nanu nga milep nga marsup̃e suri, sev nga miplari ji laru nen nuru. Ko nir nga marlik renge ngaim nen jijle nir arivel ore parsesewute Iesu. Ko daron nga marini ji ni ko arungonie eterter, arwera pivel lingi lut nga nir.

سنیں Matiu 8