Traducción bíblica: Toba © Sociedad Bíblica de Argentina, 2012 Grabación de Toba ℗ 2017 Hosanna

Toba Qom - 2012 Edition (NT) Non Drama

Toba Qom - 2012 Edition (NT) Drama

<div class="version vid574 iso6393tob" data-vid="574" data-iso6393="tob">
 <div class="book bkJHN">
 <div class="chapter ch10" data-usfm="JHN.10">
 <div class="label">10</div><div class="s1">Qa&#7929;aloqnaxana aso la&#7929;e' ana qagueta</div><div class="p"> 1So Jes&#250;s 'eeta': &#7928;oqta 'eesa de'era qami' sa'axatema, da ca saishet da tateua'a ca lasom aca la&#7929;e' ana qaguetapi da inoxoneuo, chaqrata da tateua'a na la&#7929;e, nache camaye cachaxaic qataq huotaxanaxaic. 2Qalaxaye cam tateua'a ca lasom, qache nacheca cam ilotague' ana qaguetapi. 3Nache cam lasom lo'o &#7929;auateguet camaye, da yaqto' pa'auo, qaq anam qaguetapi &#7929;auatton da lavil&#7929;axac camaye. Nache camaye i&#7929;axaataua'a na le'enaxatpi a&#241;i 'oonole ana qaguetapi, ime, nache nqateeguesop aca la&#7929;e' da &#7929;auec. 4Qaq da ime da nqatec 'enauac ana lalopi qaguetapi, nache camaye hua'auta. Qaq anam qaguetapi nca'ataxaatauo, cha'aye anamayepi &#7929;auatton da lavil&#7929;axac camaye. 5Qaq anamayepi, saishet da ca'ategue cam saishet da &#7929;auatton. Chaqrata da dataueeguesop camaye, cha'aye saishet da &#7929;auatton da lavil&#7929;axac.</div><div class="p"> 6Qaq So Jes&#250;s &#7929;o'ot de'era laloqnaxanaxat, qalaxaye nam na'axa&#7929;axaatega Somaye saishet da &#7929;a&#7929;aten dam 'eetega.</div><div class="s1">So Jes&#250;s nacheso so lasom maye llegueuo ana qagueta</div><div class="p"> 7Nache So Jes&#250;s qaltaq &#7929;e'eguelaxalec da da'aqtaxan, 'eeta':</div><div class="p">&#8211;&#7928;ataqta 'eesa de'era qami' sa'axatema, 'eeta': A&#7929;em maye Nacha&#7929;em lasom, maye A&#7929;em llegueuo ana qagueta. 8Qaq 'enauac nam na'au co'ollaq saxanaxa da &#241;anac, namayepi cachaxaicpi qataq huotaxanaxaicpi, &#7929;oqo'oye anam qaguetapi saishet da iqocha'a namayepi. 9A&#7929;em Nacha&#7929;em#10.9 Nacha&#7929;em: Qaimeten ye 8.24. lasom. Qaq ca A&#7929;em tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca la&#7929;e', nache &#7929;anata ca aloq.</div><div class="p"> 10Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. A&#7929;em, qalaxaye &#241;anac, da yaqto' qami' huo'o da qarca'alaqai qataq qaica ca qavi&#241;i&#7929;a'a.</div><div class="s1">So Jes&#250;s nacheso so &#7929;ataqta no'on qagueta lo'o</div><div class="p"> 11A&#7929;em Nacha&#7929;em#10.11 Nacha&#7929;em: Qaimeten ye 8.24. no'on qagueta lo'o. Ca no'on qagueta lo'o, camaye &#7929;aalec da nachaalataxac ana qaguetapi. 12Qaq cam choche do'onataxaatapeguelec aca lasheue, camaye saishet da &#7929;oqta lo'o ana qagueta. Qaq camaye da huo'otaq ila'aguet ca dequi'i&#7929;apec, nache no'onaxatchigui aca qaguetapi da datauec, cha'aye saishet da &#7929;oqta lalamaqtepi. Nache cam dequi'i&#7929;apec ishet da &#7929;aconeua'a aca 'oonole ana qaguetapi, qaq ana la&#7929;epi qalaq nlagaxattac. 13Qaq se'eso shi&#7929;axaua datauec, cha'aye somaye choche do'onataxaatapeguelec aca lasheue, &#7929;oqo'oye saishet da itena'a ana qaguetapi.</div><div class="p"> 14-15De'era 'eetec da &#209;im Ita'a A&#7929;em &#7929;auattoota, qataq A&#7929;em sauatton &#209;imaye; nache 'eeta'am da 'eetec A&#7929;em da sauatton nam A&#7929;em quetague', qaq namayepi nataqa'en A&#7929;em &#7929;auattoota. A&#7929;em Nacha&#7929;em no'on qagueta lo'o maye selotague' namayepi. De'era 'eetec ca no'on qagueta lo'o da na'aictaxa da ileetalec ana lalo qaguetapi, qaq nache sheetec nataqa'en A&#7929;em da &#7929;ataqta qaica ca shectega, da na'aictaxa da seleetalec nam A&#7929;em ca'attague'pi. 16Nataqa'en huo'o anam ilopi qaguetapi maye saxanaxa da &#7929;alectaigui anam netaigui ana'ana la&#7929;e', anamayepi iuen nataqa'en da &#241;auegueuo. Qaq anamayepi qome &#7929;ataqta A&#7929;em &#7929;alaxaguet. Hua&#241;a, nache ishet da 'oonolec ca laponqa'. Ime, nache A&#7929;em 'oonolec da seuattague'.</div><div class="p"> 17&#209;im Ita'a &#7929;ataqta A&#7929;em &#7929;auotec, cha'aye san da &#241;achaalataxac, qaq da ime, nache qaltaq &#241;e'eguelaxaala't. 18Qaica ca ishet da deuotaxanec de'era &#241;achaalataxac, qalaxaye maiche A&#7929;em chegoqchigui da san damaye. Qaq A&#7929;em huo'o da shenec da san damaye, qataq da &#241;e'eguelaxaala't. Qaq 'era dam A&#7929;em &#7929;amaxalec &#209;im Ita'a.</div><div class="p"> 19Nache so judiopi co'ollaq hua'axa&#7929;a de'era la'aqtac Somaye, nache qaltaq &#7929;e'eguelaxalec da colaxagui da lhuennataxac. 20Nache qalota somayepi na 'eeta':</div><div class="p">&#8211;&#191;Ta'ainco' ye qana'axa&#7929;axa&#241;eetega damaye? Ye huo'o &#241;i saqcha'a na'a&#241;axac leguemaxaic maye netaigui, qaq &#7929;oqo'oye huo'o da aloic.</div><div class="p"> 21Qalaxaye huo'o somayepi na 'eeta':</div><div class="p">&#8211;Qaica ca shi&#7929;axaua da huo'otaq huo'o ca netaigui saqcha'a na'a&#241;axac leguemaxaic da 'eetec de'era da ltaxa&#7929;axac. Cha'aye &#191;isheto' peta'a da huo'o ca netaigui ca saqcha'a na'a&#241;axac leguemaxaic da nauaa&#241;i naqa'en ca qanamaic?</div><div class="s1">Na lataxala'pi na judiopi huotaique da &#7929;alauat So Jes&#250;s</div><div class="p"> 22Qaq huetoiguilo soua ca'agoxoiqa maye laloxoqui' na no'omaxa co'ollaq So Jes&#250;s taigue da Jerusal&#233;n, da yaqto' &#7929;alegueua'a so naponaxac maye huetoigui da qaiuennate so na'a'q co'ollaq qo&#7929;anot &#209;im Lo'onatac 'Enauacna aso no'onaxanaxaqui late'erai. 23Qaq co'ollaq So Jes&#250;s &#241;aq coleetac da hueta'a so qa&#7929;amata'ac nasom so Salom&#243;n,#10.23 Nasom so Salom&#243;n: Ye neta&#241;a aso no'onaxanaxaqui late'erai ye Jerusal&#233;n huo'o so pa'auo ndaqa' som lpaqtaxat maye hueta'a naxa na shi&#7929;axauapi, huo'oi naua lauoqtel late'el napotagui da pa'auec, qalaxaye nauattaigui na pa'a&#7929;auo. Qaq se'eso nasom so Salom&#243;n, na&#241;a na la&#7929;e aso no'onaxanaxaqui late'erai, maye pa'a&#7929;a'ague da nala' lliguisheguem. 24nache na shi&#7929;axauapi laponeua'a Somaye, nache qainattac, qo&#7929;eeta':</div><div class="p">&#8211;&#191;Chaq laguio', qaq qomi' 'anqateeguesopa de'era qarqolectaxanaxac? &#209;aq qomi' 'aua'aqtaxanemactaxa da nache 'am, maye 'am Lca'aguishec &#209;im Lo'onatac 'Enauacna.</div><div class="p"> 25Nache So Jes&#250;s 'enapeco':</div><div class="p">&#8211;Mashe ime mque' da qami' sa'aqtaxaateguema, qalaxaye saishet da A&#7929;em qaua'amaqchi&#241;i. Nam so'ottacpi, namayepi nachena na A&#7929;em &#7929;amaxalecpi &#209;im Ita'a, qaq nachena nam 'eeta'am da qami' da'aqtaxanema. 26Qalaxaye saishet da A&#7929;em qaua'amaqchi&#241;i, cha'aye saishet da nacheqami' anam selotague' qaguetapi. 27Qaq anam qagueta maye selotague', anamayepi &#7929;auatton da ivil&#7929;axac, qataq A&#7929;em sauatton anamayepi, qaq anamayepi A&#7929;em ca'attague'. 28Qaq A&#7929;em sanem da lca'alaxa maye chochaq tatec anamayepi. Hua&#241;a, nache saishet da ivireguet ca nleuaxa maye chochaq tatec, qataq saishet da huo'o ca ishet da nqateeguesop da ihuaq&#7929;axac anamayepi, 29cha'aye saishet da huo'o ca nqateeguesop da lhuaq&#7929;axac &#209;im Ita'a. Cha'aye &#209;imaye napacalec 'enauacna. 30A&#7929;em, qataq &#209;im Ita'a, 'oonolec da qarataxac.</div><div class="p"> 31Nache na lataxala'pi na judiopi qaltaq &#7929;acona na coma' da huotaique da &#7929;asaq Somaye. 32Nache So Jes&#250;s 'enapeco':</div><div class="p">&#8211;A&#7929;em &#7929;ataqta qalota na so'ot &#7929;a&#7929;amaqchigui&#241;ipi da qami' qauaua&#241;iichigui, chegoqchigui da la'a&#241;axac &#209;im Ita'a. Qaq &#191;chaq negue't cam sasoilec cam huo'omshe qansheetaique da A&#7929;em qauasaqai?</div><div class="p"> 33Nache somayepi 'enapeco':</div><div class="p">&#8211;Saishet da 'am sasaxasoq na coma' da souaxat cam &#7929;a&#7929;amaqchigui&#241;i 'auo'ottac. Maye 'am sasaxasoq, souaxat da naua 'ara'aqtaqa &#7929;ataqta da sa iyacna'ape &#209;im Lo'onatac 'Enauacna. Qamaq 'am choche 'am &#7929;ale, qalaq qonetega da qoneta'am &#209;imaye.</div><div class="p"> 34Nache So Jes&#250;s 'enapega somayepi, 'eeta':</div><div class="p">&#8211;Na namaxasoxonaxacpi maye qami' qo&#7929;anema co'ollaxa, nanetta&#241;i da la'aqtac &#209;im Lo'onatac 'Enauacna maye 'eeta': &#171;Qami' sa'axatema da qami' piguem le'ecpi.&#187; 35Qaq qomi' sa&#7929;aanaq da naua nanettra&#241;i la'aqtaqa &#209;im Lo'onatac 'Enauacna, naamaye saishet da qaiqolegue't. &#7928;oqo'oye 'eesa da &#209;im Lo'onatac 'Enauacna &#7929;amata'ac da piguem le'ecpi som shi&#7929;axauapi maye &#7929;aconeguet da la'aqtac. 36Qaq da huo'otaq &#209;im Lo'onatac 'Enauacna A&#7929;em namaxa co'ollaxa ana 'alhua, qaq &#191;ta'ainco' qami' ye qo&#241;iitega da naua &#7929;a'aqtaqa sa iyacna'ape &#209;imaye, souaxat da sheetega da A&#7929;em Llalec &#209;imaye? 37Da huo'otaq saishet da so'ot dam lo'onataxanaxac &#209;imaye, nache saishettaxa da A&#7929;em qaua'amaqchi&#241;i. 38Qalaxaye da huo'otaq so'ottac damaye, nache na'aictaxa da A&#7929;em sa qaua'amaqchi&#241;i, qalaxaye qaua'amaqchi&#241;i nam so'otpi, yaqto' ishet da imauec da qaua&#7929;aa&#241;i da &#209;im Ita'a qataq A&#7929;em 'oonolec da qarataxac.</div><div class="p"> 39Hua&#241;a, nache qaltaq qanshetaique da qa&#7929;aconeua'a da qaico&#241;e', qalaxaye So Jes&#250;s naneltaxan.</div><div class="p"> 40Nache So Jes&#250;s taigue dam pa'aigue da nala' lliguisheguem, &#7929;a'axasoxoolec so tala Jord&#225;n, ta&#7929;a yem 'alhua maye hueta'a co'ollaq dachelaxanataxaatac so Juan. Nache huo'oi soua na'axa'te da hueta'a yemaye. 41Nache &#7929;ataqta qalota na shi&#7929;axauapi na tauga ca hueta'a Somaye. Nache namayepi 'enapeco':</div><div class="p">&#8211;&#7928;oqta 'eesa co'ollaxa da so Juan saishet da huo'o ca &#7929;o'ot na'anec maye sa qa&#7929;auanapega, qalaxaye 'enauac co'ollaxa na &#7929;a'axat can &#7929;a'axatta'aguet &#241;i'i&#241;i &#7929;ale, &#7929;ataqta ipacchigui.</div><div class="p"> 42Nache &#7929;ataqta qalota na &#7929;a'amaqten So Jes&#250;s, co'ollaq hua&#241;a se'eso 'alhua.</div>
 </div>
 </div>
</div>

So Jesús 'eeta': Ỹoqta 'eesa de'era qami' sa'axatema, da ca saishet da tateua'a ca lasom aca laỹe' ana qaguetapi da inoxoneuo, chaqrata da tateua'a na laỹe, nache camaye cachaxaic qataq huotaxanaxaic. Qalaxaye cam tateua'a ca lasom, qache nacheca cam ilotague' ana qaguetapi. Nache cam lasom lo'o ỹauateguet camaye, da yaqto' pa'auo, qaq anam qaguetapi ỹauatton da lavilỹaxac camaye. Nache camaye iỹaxaataua'a na le'enaxatpi añi 'oonole ana qaguetapi, ime, nache nqateeguesop aca laỹe' da ỹauec. Qaq da ime da nqatec 'enauac ana lalopi qaguetapi, nache camaye hua'auta. Qaq anam qaguetapi nca'ataxaatauo, cha'aye anamayepi ỹauatton da lavilỹaxac camaye. Qaq anamayepi, saishet da ca'ategue cam saishet da ỹauatton. Chaqrata da dataueeguesop camaye, cha'aye saishet da ỹauatton da lavilỹaxac.
Qaq So Jesús ỹo'ot de'era laloqnaxanaxat, qalaxaye nam na'axaỹaxaatega Somaye saishet da ỹaỹaten dam 'eetega.

Nache So Jesús qaltaq ỹe'eguelaxalec da da'aqtaxan, 'eeta':
–Ỹataqta 'eesa de'era qami' sa'axatema, 'eeta': Aỹem maye Nachaỹem lasom, maye Aỹem llegueuo ana qagueta. Qaq 'enauac nam na'au co'ollaq saxanaxa da ñanac, namayepi cachaxaicpi qataq huotaxanaxaicpi, ỹoqo'oye anam qaguetapi saishet da iqocha'a namayepi. Aỹem Nachaỹem lasom. Qaq ca Aỹem tateua'a, nache camaye nca'alec. Nache camaye 'eeta'am aca qagueta da pa'auo qataq da npa'aueeguesop aca laỹe', nache ỹanata ca aloq.
Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. Aỹem, qalaxaye ñanac, da yaqto' qami' huo'o da qarca'alaqai qataq qaica ca qaviñiỹa'a.

Aỹem Nachaỹem no'on qagueta lo'o. Ca no'on qagueta lo'o, camaye ỹaalec da nachaalataxac ana qaguetapi. Qaq cam choche do'onataxaatapeguelec aca lasheue, camaye saishet da ỹoqta lo'o ana qagueta. Qaq camaye da huo'otaq ila'aguet ca dequi'iỹapec, nache no'onaxatchigui aca qaguetapi da datauec, cha'aye saishet da ỹoqta lalamaqtepi. Nache cam dequi'iỹapec ishet da ỹaconeua'a aca 'oonole ana qaguetapi, qaq ana laỹepi qalaq nlagaxattac. Qaq se'eso shiỹaxaua datauec, cha'aye somaye choche do'onataxaatapeguelec aca lasheue, ỹoqo'oye saishet da itena'a ana qaguetapi.
De'era 'eetec da Ñim Ita'a Aỹem ỹauattoota, qataq Aỹem sauatton Ñimaye; nache 'eeta'am da 'eetec Aỹem da sauatton nam Aỹem quetague', qaq namayepi nataqa'en Aỹem ỹauattoota. Aỹem Nachaỹem no'on qagueta lo'o maye selotague' namayepi. De'era 'eetec ca no'on qagueta lo'o da na'aictaxa da ileetalec ana lalo qaguetapi, qaq nache sheetec nataqa'en Aỹem da ỹataqta qaica ca shectega, da na'aictaxa da seleetalec nam Aỹem ca'attague'pi. Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.
Ñim Ita'a ỹataqta Aỹem ỹauotec, cha'aye san da ñachaalataxac, qaq da ime, nache qaltaq ñe'eguelaxaala't. Qaica ca ishet da deuotaxanec de'era ñachaalataxac, qalaxaye maiche Aỹem chegoqchigui da san damaye. Qaq Aỹem huo'o da shenec da san damaye, qataq da ñe'eguelaxaala't. Qaq 'era dam Aỹem ỹamaxalec Ñim Ita'a.
Nache so judiopi co'ollaq hua'axaỹa de'era la'aqtac Somaye, nache qaltaq ỹe'eguelaxalec da colaxagui da lhuennataxac. Nache qalota somayepi na 'eeta':
–¿Ta'ainco' ye qana'axaỹaxañeetega damaye? Ye huo'o ñi saqcha'a na'añaxac leguemaxaic maye netaigui, qaq ỹoqo'oye huo'o da aloic.
Qalaxaye huo'o somayepi na 'eeta':
–Qaica ca shiỹaxaua da huo'otaq huo'o ca netaigui saqcha'a na'añaxac leguemaxaic da 'eetec de'era da ltaxaỹaxac. Cha'aye ¿isheto' peta'a da huo'o ca netaigui ca saqcha'a na'añaxac leguemaxaic da nauaañi naqa'en ca qanamaic?

Qaq huetoiguilo soua ca'agoxoiqa maye laloxoqui' na no'omaxa co'ollaq So Jesús taigue da Jerusalén, da yaqto' ỹalegueua'a so naponaxac maye huetoigui da qaiuennate so na'a'q co'ollaq qoỹanot Ñim Lo'onatac 'Enauacna aso no'onaxanaxaqui late'erai. Qaq co'ollaq So Jesús ñaq coleetac da hueta'a so qaỹamata'ac nasom so Salomón, nache na shiỹaxauapi laponeua'a Somaye, nache qainattac, qoỹeeta':
–¿Chaq laguio', qaq qomi' 'anqateeguesopa de'era qarqolectaxanaxac? Ñaq qomi' 'aua'aqtaxanemactaxa da nache 'am, maye 'am Lca'aguishec Ñim Lo'onatac 'Enauacna.
Nache So Jesús 'enapeco':
–Mashe ime mque' da qami' sa'aqtaxaateguema, qalaxaye saishet da Aỹem qaua'amaqchiñi. Nam so'ottacpi, namayepi nachena na Aỹem ỹamaxalecpi Ñim Ita'a, qaq nachena nam 'eeta'am da qami' da'aqtaxanema. Qalaxaye saishet da Aỹem qaua'amaqchiñi, cha'aye saishet da nacheqami' anam selotague' qaguetapi. Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'. Qaq Aỹem sanem da lca'alaxa maye chochaq tatec anamayepi. Huaña, nache saishet da ivireguet ca nleuaxa maye chochaq tatec, qataq saishet da huo'o ca ishet da nqateeguesop da ihuaqỹaxac anamayepi, cha'aye saishet da huo'o ca nqateeguesop da lhuaqỹaxac Ñim Ita'a. Cha'aye Ñimaye napacalec 'enauacna. Aỹem, qataq Ñim Ita'a, 'oonolec da qarataxac.
Nache na lataxala'pi na judiopi qaltaq ỹacona na coma' da huotaique da ỹasaq Somaye. Nache So Jesús 'enapeco':
–Aỹem ỹataqta qalota na so'ot ỹaỹamaqchiguiñipi da qami' qauauañiichigui, chegoqchigui da la'añaxac Ñim Ita'a. Qaq ¿chaq negue't cam sasoilec cam huo'omshe qansheetaique da Aỹem qauasaqai?
Nache somayepi 'enapeco':
–Saishet da 'am sasaxasoq na coma' da souaxat cam ỹaỹamaqchiguiñi 'auo'ottac. Maye 'am sasaxasoq, souaxat da naua 'ara'aqtaqa ỹataqta da sa iyacna'ape Ñim Lo'onatac 'Enauacna. Qamaq 'am choche 'am ỹale, qalaq qonetega da qoneta'am Ñimaye.
Nache So Jesús 'enapega somayepi, 'eeta':
–Na namaxasoxonaxacpi maye qami' qoỹanema co'ollaxa, nanettañi da la'aqtac Ñim Lo'onatac 'Enauacna maye 'eeta': «Qami' sa'axatema da qami' piguem le'ecpi.» Qaq qomi' saỹaanaq da naua nanettrañi la'aqtaqa Ñim Lo'onatac 'Enauacna, naamaye saishet da qaiqolegue't. Ỹoqo'oye 'eesa da Ñim Lo'onatac 'Enauacna ỹamata'ac da piguem le'ecpi som shiỹaxauapi maye ỹaconeguet da la'aqtac. Qaq da huo'otaq Ñim Lo'onatac 'Enauacna Aỹem namaxa co'ollaxa ana 'alhua, qaq ¿ta'ainco' qami' ye qoñiitega da naua ỹa'aqtaqa sa iyacna'ape Ñimaye, souaxat da sheetega da Aỹem Llalec Ñimaye? Da huo'otaq saishet da so'ot dam lo'onataxanaxac Ñimaye, nache saishettaxa da Aỹem qaua'amaqchiñi. Qalaxaye da huo'otaq so'ottac damaye, nache na'aictaxa da Aỹem sa qaua'amaqchiñi, qalaxaye qaua'amaqchiñi nam so'otpi, yaqto' ishet da imauec da qauaỹaañi da Ñim Ita'a qataq Aỹem 'oonolec da qarataxac.
Huaña, nache qaltaq qanshetaique da qaỹaconeua'a da qaicoñe', qalaxaye So Jesús naneltaxan.
Nache So Jesús taigue dam pa'aigue da nala' lliguisheguem, ỹa'axasoxoolec so tala Jordán, taỹa yem 'alhua maye hueta'a co'ollaq dachelaxanataxaatac so Juan. Nache huo'oi soua na'axa'te da hueta'a yemaye. Nache ỹataqta qalota na shiỹaxauapi na tauga ca hueta'a Somaye. Nache namayepi 'enapeco':
–Ỹoqta 'eesa co'ollaxa da so Juan saishet da huo'o ca ỹo'ot na'anec maye sa qaỹauanapega, qalaxaye 'enauac co'ollaxa na ỹa'axat can ỹa'axatta'aguet ñi'iñi ỹale, ỹataqta ipacchigui.
Nache ỹataqta qalota na ỹa'amaqten So Jesús, co'ollaq huaña se'eso 'alhua.

سنیں Juan 10