Gwahatike - 2000 Edition (NT)

<div class="version vid939 iso6393dah" data-vid="939" data-iso6393="dah">
 <div class="book bkMAT">
 <div class="chapter ch16" data-usfm="MAT.16">
 <div class="label">16</div><div class="s">Mata ti&#331;e&#331; kura ira ine&#331; gusu&#331;a&#331; irami&#331;</div><div class="r">(Mak 8:11-13; Luk 12:54-56)</div><div class="p"> 1Be, Yesu go go&#331; hikeb Farisi marya Sadusi marya bele&#331; Yesu hitte wa&#331;be tu&#331;a&#331; urni&#331; ye&#331;, &#8220;Mata ti&#331;e&#331; Al Kuru&#331; bele&#331; irtek goyen kura irke kinni&#331;,&#8221; inami&#331;. 2Irkeb Yesu bele&#331;, &#8220;De&#331;be wawu&#331;bana he&#331; na&#331;a buk yekeb, &#8216;Kadila hewe&#331; tiya,&#8217; ye&#331; ha&#331;yen. 3Irde wampotbe, &#8216;Na&#331;a bulu&#331; hihi geb, kigari&#331; kate&#331; tiya,&#8217; ye&#331; ha&#331;yen. De&#331;be na&#331;ki&#331; kene&#331; gab kadila hewe&#331; tiya ma kigari&#331; kate&#331; tiya goyen ke&#331;kela nurde ha&#331;yen. Goyenbe gayenter ni&#331; mar goke te&#331;be Al Kuru&#331; bele&#331; mata forok yirde hi goyen dani&#331; geb yene&#331; bebak ma te&#331; ha&#331;? 4De&#331; gayenter ni&#331; marbe mata bulu&#331; te&#331; Al Kuru&#331; harhokti&#331; une&#331; ha&#331; geb, mata ti&#331;e&#331; kurayen kurayen goke po na&#331;kene&#331; ha&#331;. Goyenbe kura kinni&#331; yekeb Yona hitte mata forok yiri&#331;#16:4 Yonabe wawu&#331; karwo maka&#331; dap&#331;a kuru&#331; mili&#331; gote bi&#331; bana he&#331;be sopte si&#331;are katyi&#331;. Gobe Yesu kamyi&#331;de mat yere&#331;kek heke sopte huwaryi&#331; gote tu&#331;a&#331;e&#331;. go gwahade goyen po kame dikala dire&#331;,&#8221; yine&#331;be mel goyen yubul te&#331; hoya&#331;de kuri&#331;.</div><div class="s">Farisi marya Sadusi maryat saba bulu&#331;</div><div class="r">(Mak 8:14-21)</div><div class="p"> 5Be, fe ala kuru&#331; go warde si&#331;a kurhan kwami&#331;ya goyenbe komatmi&#331; go bi&#331; sir yekeb beret kura ma yade ga kwami&#331;. 6Be, Yesu bele&#331; Farisi marya Sadusi marya goke komatmi&#331; goyen, &#8220;Ke&#331;kela he&#331; hina&#331; ko. Mo&#331;go mel gote yis bele&#331; bulu&#331; dirye&#331; geb,&#8221; yinyi&#331;. 7Gwaha yinkeb komatmi&#331; bele&#331;, &#8220;Beret kura ma yad wayhet geb, gogo dina,&#8221; ye&#331; yi&#331;ge&#331; uli&#331; kadom mere gird tiyami&#331;. 8Komatmi&#331; go mere kusa irde hike yene&#331;be, &#8220;Dani&#331; dindike&#331; uli&#331; beretnini&#331; mi&#331;mo&#331; ye&#331; ha&#331;? De&#331;be ne ni&#331; ma hekke&#331; nurde ha&#331;? 9Mu&#331; kura ma po bebak te&#331; ha&#331;? Beret sipteso&#331;o&#331; al 5,000 nami&#331; gote dik&#331;e&#331;be tiri dahade maki&#331; yirtek hami&#331;? 10Goyen mo&#331; kenem beret 7 goyen al 4,000 na&#331; gote dik&#331;e&#331; yade tiri dahade maki&#331; yirtek ha&#331;? 11Farisi marya Sadusi maryat sababe yis bele&#331; palawa bana hilya&#331; kuti&#331; yara al hoya&#331; kuru&#331; gote dufay bulu&#331; yirde hi goke dine&#331; hime. Beret ni&#331; ma ye&#331; hime gayen dani&#331; geb bebak ma te&#331; ha&#331;? Ni&#331;geb sopte dine&#331; hime, Farisi marya Sadusi maryat yis bele&#331; bulu&#331; dirye&#331;kek geb, ke&#331;kela he&#331; hinayi&#331;,&#8221; yinyi&#331;. 12Be, gwaha yinke gab, &#8220;Yis beret bana irde ha&#331;yen goke ma dine&#331; hi. Farisi marya Sadusi maryat sababe yis yara goke hayhay dirde hi,&#8221; ye&#331; nurami&#331;.</div><div class="s">Yesu, gebe Mesaia</div><div class="r">(Mak 8:27-30; Luk 9:18-21)</div><div class="p"> 13Be, Yesu go komatmi&#331;ya na&#331;a bana go tubul te&#331; ku&#331; Sisaria Filipai taun binde binde he&#331; he&#331;be gusu&#331;a&#331; yiryi&#331;. &#8220;Ne Al Urmi&#331; gayen gake al hoya&#331; bele&#331; ganu&#331; ye&#331; ha&#331;?&#8221; yinyi&#331;. 14Irkeb wol he&#331;be, &#8220;Al kura bele&#331; gebe Yon Baptais ye&#331; ha&#331;. Muna&#331; kura marbe Elaia gine&#331; ha&#331;. Kurabe Yeremaia ma Al Kuru&#331;yen mere basa&#331; mar hoya&#331; kura goyen gine&#331; ha&#331;,&#8221; inami&#331;. 15Irkeb, &#8220;Muna&#331; de&#331; gayenbe nebe ganu&#331; ye&#331; nurd nune&#331; ha&#331;?&#8221; yinyi&#331;. 16Irkeb Saimon Pita bele&#331;, &#8220;Gebe Mesaia, Al Kuru&#331; gwahader hiti&#331; al gote Urmi&#331;,&#8221; inyi&#331;. 17Gwaha inkeb, &#8220;Mere gobe Nanne Al Kuru&#331; sa&#331;i&#331; mi&#331;ya&#331; al gore ginke gab gago yaha. Al kura bele&#331; ma mere goyen momo&#331; gira. Ni&#331;geb Al Kuru&#331; bele&#331; guram girde sa&#331;i&#331; girye&#331;. 18Gebe ne ni&#331; dufayge hora yara tare&#331; irha geb, Pita gine&#331; hime. Ni&#331;geb hora go hendebe nere alya bereya yere&#331;. 19Irde Al Kuru&#331;yen alya bereya doya&#331; yird yird sa&#331;i&#331; goyen ge gune&#331;. Ni&#331;geb ge bele&#331; igi&#331; yawayi&#331;be Al Kuru&#331; wor igi&#331; yiyye&#331;. Irde ge bele&#331; bulu&#331; yawayi&#331;be Al Kuru&#331; wor bulu&#331; yiyye&#331;,&#8221; inyi&#331;. 20Gwaha ine&#331;be tum&#331;a&#331;de komatmi&#331; goyen, &#8220;Al hoya&#331; kura hitte ne ni&#331; ye&#331;, &#8216;Ye&#331;be Mesaia,&#8217; ma yinnayi&#331;,&#8221; yine&#331; uta&#331; yiryi&#331;.</div><div class="s">Kamde kamdemi&#331; ge kawan tagalyi&#331;</div><div class="r">(Mak 8:31&#8211;9:1; Luk 9:22-27)</div><div class="p"> 21Be, goyenter mat komatmi&#331; yago goyen kawan po, &#8220;Nebe Yerusalem kwe&#331;. Kumekeb Yuda marte doya&#331; mar parguwakya Al Kuru&#331; dolo&#331; ird ird mata doya&#331; marte karkuwa&#331;yabe Moseyen saba marya bele&#331; bulu&#331; bulu&#331; nirde mununke kame&#331;. Goyenpoga kame&#331; goyen yere&#331;kek hekeb huware&#331;,&#8221; yinyi&#331;. 22Irkeb Pita bele&#331; mere go nurdeb ye&#331; mu&#331; po tapat irdeb ine&#331; te&#331;be, &#8220;Doya&#331; Al Kuru&#331;, gwaha ma tiyayi&#331;. Mata gobe ge hitte ma po forok yiyye&#331; geb,&#8221; inyi&#331;. 23Irkeb fulga&#331; ka&#331; Pita kene&#331;be, &#8220;Satan, hoya&#331; kwa! Gebe bele&#331;ne pet te&#331; ha geb. Dufay gobe Al Kuru&#331;yen mo&#331;, alyen dufay po geb,&#8221; inyi&#331;.</div><div class="p"> 24-25Gwaha te&#331;be komatmi&#331; yago goyen gaha yinyi&#331;: &#8220;Al kura gama nirde kanduk yene&#331; yi&#331;ge&#331; ge kafura he&#331; harhok nunye&#331; al gobe kame tone&#331;be kanduk kinye&#331;. Muna&#331; al kura ne gama nirde kamde kamde ni&#331; ma kafura he&#331; kanduk kuru&#331; te&#331; uli&#331; misi&#331; kate&#331; hiye&#331; al gobe tone&#331;be igi&#331; hiye&#331;. Ni&#331;geb al kura ne gama nire ye&#331;be megen ni&#331; dufayya mataya harhok yunye&#331;. Irdeb kanduk yene&#331; hiye&#331; gega, yi&#331;ge&#331; ge ma nurde gama po nirde hiye&#331;. 26Al kura megen ni&#331; samu&#331; budam yade de&#331;em ya&#331; hiyye&#331; gega, al gobe Al Kuru&#331; dili&#331;deb kamti&#331; yara hiyye&#331; gobe daha tiyye&#331;? Gobe igi&#331; mo&#331;, bulu&#331; wor po. Ni&#331;geb megen ni&#331; samu&#331; kura te&#331; gore Al Kuru&#331;yen bearar bana hiye&#331; al gob epte ma damu te&#331; tumulga&#331; titek. 27Ne Al Urmi&#331; gab kamebe Nanne Al Kuru&#331;yen sa&#331;i&#331; tur&#331;u&#331; ya&#331; goyen mana&#331; kate&#331;. Goya goyenbe miyo&#331;mi&#331;ya kattek. Irdeb alya bereyat matami&#331; dahade dahade goyen gote muru&#331;gembe gwahade po yune&#331;. 28Goyenpoga de&#331; gar ha&#331; gayen kurabe ma kamdeya ne Al Urmi&#331; gare Al Kuru&#331;yen tare&#331;de alya bereyami&#331; doya&#331; yirde he&#331; goyen kennayi&#331;. Mere gabe fudinde wor po dine&#331; hime,&#8221; yinyi&#331;.</div>
 </div>
 </div>
</div>

Be, Yesu go goŋ hikeb Farisi marya Sadusi marya beleŋ Yesu hitte waŋbe tuŋaŋ urniŋ yeŋ, “Mata tiŋeŋ Al Kuruŋ beleŋ irtek goyen kura irke kinniŋ,” inamiŋ. Irkeb Yesu beleŋ, “Deŋbe wawuŋbana heŋ naŋa buk yekeb, ‘Kadila heweŋ tiya,’ yeŋ haŋyen. Irde wampotbe, ‘Naŋa buluŋ hihi geb, kigariŋ kateŋ tiya,’ yeŋ haŋyen. Deŋbe naŋkiŋ keneŋ gab kadila heweŋ tiya ma kigariŋ kateŋ tiya goyen keŋkela nurde haŋyen. Goyenbe gayenter niŋ mar goke teŋbe Al Kuruŋ beleŋ mata forok yirde hi goyen daniŋ geb yeneŋ bebak ma teŋ haŋ? Deŋ gayenter niŋ marbe mata buluŋ teŋ Al Kuruŋ harhoktiŋ uneŋ haŋ geb, mata tiŋeŋ kurayen kurayen goke po naŋkeneŋ haŋ. Goyenbe kura kinniŋ yekeb Yona hitte mata forok yiriŋ go gwahade goyen po kame dikala direŋ,” yineŋbe mel goyen yubul teŋ hoyaŋde kuriŋ.


Be, fe ala kuruŋ go warde siŋa kurhan kwamiŋya goyenbe komatmiŋ go biŋ sir yekeb beret kura ma yade ga kwamiŋ. Be, Yesu beleŋ Farisi marya Sadusi marya goke komatmiŋ goyen, “Keŋkela heŋ hinaŋ ko. Moŋgo mel gote yis beleŋ buluŋ diryeŋ geb,” yinyiŋ. Gwaha yinkeb komatmiŋ beleŋ, “Beret kura ma yad wayhet geb, gogo dina,” yeŋ yiŋgeŋ uliŋ kadom mere gird tiyamiŋ. Komatmiŋ go mere kusa irde hike yeneŋbe, “Daniŋ dindikeŋ uliŋ beretniniŋ miŋmoŋ yeŋ haŋ? Deŋbe ne niŋ ma hekkeŋ nurde haŋ? Muŋ kura ma po bebak teŋ haŋ? Beret siptesoŋoŋ al 5,000 namiŋ gote dikŋeŋbe tiri dahade makiŋ yirtek hamiŋ? Goyen moŋ kenem beret 7 goyen al 4,000 naŋ gote dikŋeŋ yade tiri dahade makiŋ yirtek haŋ? Farisi marya Sadusi maryat sababe yis beleŋ palawa bana hilyaŋ kutiŋ yara al hoyaŋ kuruŋ gote dufay buluŋ yirde hi goke dineŋ hime. Beret niŋ ma yeŋ hime gayen daniŋ geb bebak ma teŋ haŋ? Niŋgeb sopte dineŋ hime, Farisi marya Sadusi maryat yis beleŋ buluŋ diryeŋkek geb, keŋkela heŋ hinayiŋ,” yinyiŋ. Be, gwaha yinke gab, “Yis beret bana irde haŋyen goke ma dineŋ hi. Farisi marya Sadusi maryat sababe yis yara goke hayhay dirde hi,” yeŋ nuramiŋ.


Be, Yesu go komatmiŋya naŋa bana go tubul teŋ kuŋ Sisaria Filipai taun binde binde heŋ heŋbe gusuŋaŋ yiryiŋ. “Ne Al Urmiŋ gayen gake al hoyaŋ beleŋ ganuŋ yeŋ haŋ?” yinyiŋ. Irkeb wol heŋbe, “Al kura beleŋ gebe Yon Baptais yeŋ haŋ. Munaŋ kura marbe Elaia gineŋ haŋ. Kurabe Yeremaia ma Al Kuruŋyen mere basaŋ mar hoyaŋ kura goyen gineŋ haŋ,” inamiŋ. Irkeb, “Munaŋ deŋ gayenbe nebe ganuŋ yeŋ nurd nuneŋ haŋ?” yinyiŋ. Irkeb Saimon Pita beleŋ, “Gebe Mesaia, Al Kuruŋ gwahader hitiŋ al gote Urmiŋ,” inyiŋ. Gwaha inkeb, “Mere gobe Nanne Al Kuruŋ saŋiŋ miŋyaŋ al gore ginke gab gago yaha. Al kura beleŋ ma mere goyen momoŋ gira. Niŋgeb Al Kuruŋ beleŋ guram girde saŋiŋ giryeŋ. Gebe ne niŋ dufayge hora yara tareŋ irha geb, Pita gineŋ hime. Niŋgeb hora go hendebe nere alya bereya yereŋ. Irde Al Kuruŋyen alya bereya doyaŋ yird yird saŋiŋ goyen ge guneŋ. Niŋgeb ge beleŋ igiŋ yawayiŋbe Al Kuruŋ wor igiŋ yiyyeŋ. Irde ge beleŋ buluŋ yawayiŋbe Al Kuruŋ wor buluŋ yiyyeŋ,” inyiŋ. Gwaha ineŋbe tumŋaŋde komatmiŋ goyen, “Al hoyaŋ kura hitte ne niŋ yeŋ, ‘Yeŋbe Mesaia,’ ma yinnayiŋ,” yineŋ utaŋ yiryiŋ.


Be, goyenter mat komatmiŋ yago goyen kawan po, “Nebe Yerusalem kweŋ. Kumekeb Yuda marte doyaŋ mar parguwakya Al Kuruŋ doloŋ ird ird mata doyaŋ marte karkuwaŋyabe Moseyen saba marya beleŋ buluŋ buluŋ nirde mununke kameŋ. Goyenpoga kameŋ goyen yereŋkek hekeb huwareŋ,” yinyiŋ. Irkeb Pita beleŋ mere go nurdeb yeŋ muŋ po tapat irdeb ineŋ teŋbe, “Doyaŋ Al Kuruŋ, gwaha ma tiyayiŋ. Mata gobe ge hitte ma po forok yiyyeŋ geb,” inyiŋ. Irkeb fulgaŋ kaŋ Pita keneŋbe, “Satan, hoyaŋ kwa! Gebe beleŋne pet teŋ ha geb. Dufay gobe Al Kuruŋyen moŋ, alyen dufay po geb,” inyiŋ.
Gwaha teŋbe komatmiŋ yago goyen gaha yinyiŋ: “Al kura gama nirde kanduk yeneŋ yiŋgeŋ ge kafura heŋ harhok nunyeŋ al gobe kame toneŋbe kanduk kinyeŋ. Munaŋ al kura ne gama nirde kamde kamde niŋ ma kafura heŋ kanduk kuruŋ teŋ uliŋ misiŋ kateŋ hiyeŋ al gobe toneŋbe igiŋ hiyeŋ. Niŋgeb al kura ne gama nire yeŋbe megen niŋ dufayya mataya harhok yunyeŋ. Irdeb kanduk yeneŋ hiyeŋ gega, yiŋgeŋ ge ma nurde gama po nirde hiyeŋ. Al kura megen niŋ samuŋ budam yade deŋem yaŋ hiyyeŋ gega, al gobe Al Kuruŋ diliŋdeb kamtiŋ yara hiyyeŋ gobe daha tiyyeŋ? Gobe igiŋ moŋ, buluŋ wor po. Niŋgeb megen niŋ samuŋ kura teŋ gore Al Kuruŋyen bearar bana hiyeŋ al gob epte ma damu teŋ tumulgaŋ titek. Ne Al Urmiŋ gab kamebe Nanne Al Kuruŋyen saŋiŋ turŋuŋ yaŋ goyen manaŋ kateŋ. Goya goyenbe miyoŋmiŋya kattek. Irdeb alya bereyat matamiŋ dahade dahade goyen gote muruŋgembe gwahade po yuneŋ. Goyenpoga deŋ gar haŋ gayen kurabe ma kamdeya ne Al Urmiŋ gare Al Kuruŋyen tareŋde alya bereyamiŋ doyaŋ yirde heŋ goyen kennayiŋ. Mere gabe fudinde wor po dineŋ hime,” yinyiŋ.

سنیں Matiyu 16