Lok 19 سے مشہور بائبلی آیات

شئیر

Niin aaniihsh Inini oKosihsan ninkiih piishaa ehpi antone'wakwaa, kaye tahsh ewiih pimaaci'akwaa kaawanihshinowaatc,” kii'ihkito.

“Shawentaakosi a'a kihciokimaa kaapi takohshink otishinihkaasowininiink kaaTipencikenitc. Pisaanisiwin ayaamakan kihcikiishikonk, kaye tahsh maawac kihci inentaakosiwin otayaan Kishemanitoo maawac ishpimink kaa‑ayaatc,” kii'‑ishi shaakowewak.

Miitahsh Ciisahs kaa'⁠inaatc: “Pimaaci'ikoowisiwin otootihsikonaawaa o'omaa kaa‑ayaawaatc taawinink noonkom kaakiishikahk aaniihsh kewiin a'a inini Eparahaamink (Abraham) nihtaawikihcikanink ontahkaanesi.

Ahpii Ciisahs kaapi otihtank eshi akoosinitc Saahkiiyahsan, ishpimink kii'‑inaapi ehkanoonaatc: “Saahkiiyahs, weyiip piniihsaantawen. Noonkom kaakiishikahk oncita ninkapi ayaa i'imaa kitayaawinink,” okii'inaan. Saahkiiyahs tahsh kiihpapaashii e'⁠niihsaantawetc, kaye tahsh ekii'-minwentank Ciisahsoon pisaan cipiintikaakotc.

Saahkiiyahs tahsh kiihpasikwii ehkanoonaatc kaaTipencikenitc: “Inashke Tepencikeyan aapihta ninka pakitinaanan nintaya'iiman cimiinakwaa kaakitimaakisiwaatc. Minihk kaye kaakiihpi wayeshimakwaa awiyak niiwink (4) awahshime minihk ninkashi kiiwe tipa'amawaak,” okii'-inaan.

Aaninta tahsh Perahsiik (Pharisees) mekweya'ii kaashi paahtiinonaaniwaninik okii'-onci kanoonaawaan Ciisahsoon ekii'-inaawaatc: “Okihkino'amaake, kanoosh kikihkino'amawaakanak cinoontaatihsikwaa.” Ciisahs tahsh kii'‑ishi nahkwehtam: “Kiwiintamawininim, kiishpin wiinawaa noontaatihsikwaa, ahsiniik ohsha tashaahshaakowewak.”