Genesisy 17 سے مشہور بائبلی آیات

شئیر

Rehefa sivy amby sivifolo taona i Abrama dia nisehoan’NY TOMPO izy ka nitenenany hoe: Izaho no Andriamanitra Tsitoha. Mandehana eo anatrehako ary aoka ho tsy misy tsiny ianao.

Ary ny anaranao dia tsy hatao hoe Abrama intsony fa hatao hoe Abrahama, satria nataoko rain’ny firenena maro ianao.

Haoriko ny fanekeko ho Amiko sy ho aminao mbamin’ny taranakao any aoriananao hatramin’ny taranaka fara aman-dimby, ho fanekena mandrakizay, mba ho Andriamanitrao sy ny taranakao mandimby anao Aho.

Raha ny Amiko dia indro, aminao ny fanekeko ka ho tonga rain’ny firenena maro ianao.

Ary hoy Andriamanitra: Tsia! Fa i Saraha vadinao no hiteraka zazalahy aminao; ary ny anarany dia hataonao hoe Isaka. Haoriko aminy ny fanekeko ho fanekena mandrakizay ho an’ny taranany mandimby azy.

Homeko anao sy ny taranakao any aoriananao ny tany fivahiniananao, dia ny tany Kanana rehetra, ho fananana mandrakizay. Ary ho Andriamaniny Aho.

Dia niankohoka i Abrahama ary nihomehy sady niteny anakampo hoe: Efa zato taona va aho dia mbola hiteraka ihany? Ary i Saraha izay efa sivifolo taona va mbola hiteraka ihany koa?

Dia hoy Andriamanitra tamin’i Abrahama: Ny amin’i Saray vadinao dia tsy mba hataonao hoe Saray intsony ny anarany fa Saraha no ho anarany.

Hoforana ianareo; ho famantarana ny fanekena ho Amiko sy ho aminareo izany.

Nefa ny fanekeko dia haoriko amin’Isaka izay haterak’i Saraha aminao amin’ny herintaona toy izao.

Ny zazalahy teraka havaloana eo aminareo no hoforana, dia ny lehilahy rehetra amin’ny taranakareo fara aman-dimby: Na ny mpanompo izay teraka tao an-tranonao, na izay novidinao vola tamin’ny hafa firenena ka tsy avy amin’ny taranakao. Tsy maintsy hoforana ny mpanomponao izay teraka tao an-tranonao sy izay novidinao vola; ny fanekeko dia ho ao amin’ny nofonareo ho fanekena mandrakizay.