Genesis 39 سے مشہور بائبلی آیات

شئیر

Si Jose et isnan baey nan apona ay si Potifar nan menteteana et tatakdowen nan APO siya isonga gawis am-in nan ik-ikkana.

Isonga dat idyan Potifar ken Jose nan kalebbengana ay mang-ayowan isnan am-in ay kokwana et maiwed pay nemnemnemen Potifar is teken nodi kedeng nan mangpiliyana is kayatna ay kanen. Si Jose et makneg ya gowapo

Danat ipasoblat nan oblana ken Jose et siya nan kigad isnan iib-ana ay babalod ya isnan am-in ay maik-ikkan isnan pagbalodan.

danat ipabalod si Jose isnan pagbalodan ay kad-an nan balod di ali. Ngem nan APO et tatakdowena kayet si Jose isonga laylayden nan mangbanbantay isnan balod siya.

isonga naawis si asawan Potifar ken siya. Isnan esay agew et inbagana en makiseyep si Jose ken siya ngem inadiyan Jose danapay kanan, “Ilam et maiwed kasasangotan asawam ay apok isnan am-in ay wada isnan baeyyo tay wadaak ay talkena ay mang-ayowan isnan am-in ay kokwana et intalekna nan am-in ken sak-en nodi kedengka is egayna intalek tay asawana od sik-a. Daken aped ikkan di ngawi ta bomasolak ken Apo Dios?”

Ngem isnan esay agew ay ik-ikkan Jose nan oblana et maiwed ipogaw isdi nodi kedengda ken asawan Potifar danat goyoden nan badon Jose ay mangwani, “Aka bawet ta maseyepta.” Ngem dat menkaan Jose san badona ay gogoyoden asawan Potifar tasiyay makalayaw.