Matayo 24 سے مشہور بائبلی آیات

شئیر

Kosoko ya kongeseka uwihi, uwendo wa wanhu wengi ukwija uhola. Ninga iyakufinyilisa mpaka kundumo, noyakwenda yahone.

Kahi imbuli iswanu ya undewa ikwija ihubiliigwa muchilunga yuwe uhomelesi ku mataifa gose; aho noho iya indumo ikwija.”

Mohulika simbuli se singhondo; na fununu se singhondo; mulangisise, munghogohe; kosoko ago gakwenda galawanise; ninga indumo iyecho inghali.

Kosoko ditaifa dimwedu dikwinuka na dikitowa na ditaifa dingi; undewa kitowa na undewa; kukwenda kuwe na njala, na disingisi dye iisi kose kose. Ago gose no nghonga ya usungu kifana wakweleka kwa mwanamuke.

Ulanga ne chilunga fikuloka; ninga simbuli sangu sisikuloka ng'o.”

Kosoko wengi wakwenda weje kwi disina dyangu, wakugamba ‘Aniye no ni Kilisito!’ Nawo wakwenda wawadanhilise wengi.

“Ugele uwo wakwenda wamugumeni mu magayo, nawo womukomani, nanye mukuwa wanhu wasuligwe na wanhu wose kosoko ya disina dyangu. Noho wengi wokuya kunyuma, kisongesa na kisula. Wagonesi wengi wa udasi wakwija walawanisa, na kuwadanhilisa wengi.

Yesu yabidula, yakuwagamba, “Mulangisise imunhu yanghawadanhiliseni.

Kosoko iyo anye nanye, ikaleni meso, kosoko isaa yo musimanyile Mwana we Munhu yakwija.”

Mwikale meso; kosoko musimanyile dijuwa dihoki dyo yakayokwija Mundewa wenu.

“Ninga dijuwa diya na ugele uya hechaka iyamanyile, kahimalaika wowile kulanga, kahiiMwana; ninga iBaba yemwene.

Kosoko gakwenda galawanise Makilisito ga udasi, na wagonesi wa udasi, wogolosa fitangilo fingi na majumo; wawagilise, inghadahika du hata waya awasaguligwe.

Kosoko fina mumajuwa ga Nuhu nofo kukuwa kukwija kwakwe iMwana we Munhu. Kosoko fina amajuwa gaya Difaluko foduwile dikali, awanhu fowendawodiya, na kunywa, wakutola na kutoligwa, mpaka dijuwa diya doyengila Nuhu musafina; wasamanyile mpaka Digalika fodejile, hodiwalonda wose, nofo kukwenda kuwe kwakwe iMwana we Munhu.