Jọn 15 سے مشہور بائبلی آیات

شئیر

Emi nre olik gerep ya, sà enyi ere otu agọọk. Ire ene ikup me emen n̄a, emi nkukup me emen ene ya, ene ya môto owuwa mfut. Isan̄a me lek n̄a, enyi kpebekọt irọ inu geege.

Ìkup me emen n̄a, ke emi mâkup si me emen kinyi. Ike agọọk geege ìkpokọt ito mfut me lek kan̄ gaalek îtata ìkukup me lek olik gerep ya, ikeya si, enyi kpebekọt ito mfut geege me lek kinyi, îtata enyi ekukup me emen n̄a.

Ire enyi ikup me emen n̄a, mè ikọ n̄a ikup me emen kinyi, ìbeek inu geelek òkup enyi me uyọt, ke mêrọ inyi enyi.

“Ìkare enyi egobo emi. Îre emi ngobo enyi, ibe enyi esi erọ ata ikwaan̄ eyi òbofufuk. Enyi isirọ ikeya, Nte n̄a mônyi enyi inu geelek enyi mêbeekbe me erieen̄ n̄a.

Imumechieen̄ òmimin ichit, eyi ene môkọtbe ikaan̄ me lek ebi unene kan̄ ìre ene ya isasa lek kan̄ inyi ibe ekpan̄ mije ebi unene kan̄. Kpunu ofifi imumechieen̄ òmimin igak ikeya.

Agọọk geelek òkup me lek n̄a, mè ìkato mfut, Nte n̄a îra ikisọp ifiin̄. Ire, agọọk geelek òtoto mfut, Nte n̄a îra ikikpaan̄ lek ijaan̄, inyi ikito owuwa mfut.

Ikan nnyibe enyi ìre ikeyi: Ìmun̄ lek kinyi me chieen̄, kubọk emi mmun̄be enyi me chieen̄.

Ire enyi ito owuwa mfut, ebi ene mêmun̄ ibe ke enyi ìre ebi udun̄ n̄a, mè isa me ikeya inyi Nte n̄a umin.

Jisọs onenitumu inyi ebi udun̄ kan̄ ibe, “Emi nre atata olik gerep, Nte n̄a ore ogwu òkikpọ chieen̄ me lek uko gerep ya.

Ene geelek ikakupge me emen n̄a, ene ya ìkup kubọk otu agọọk efieekbe itọp ifiin̄, ikukup ichiaak. Ojelek otu agọọk òchachiaak ikeya, ekikpukpulu itap me ukan̄, mè iwọp itaka iriọk.

Ǹkitumu ikọ yi inyi enyi, inyi unwọọn̄ nkaan̄be ikup me emen kinyi, kubọk îkupbe me emen n̄a, mè unwọọn̄ kinyi ijot.

Ire enyi ikirọ ikọ n̄a, enyi mêkup me emen imumechieen̄ n̄a, kubọk emi nrọbe ikọ kè Nte n̄a, mè ikup me emen imumechieen̄ kè Nte n̄a.

Eya orọ, ikan nnyibe enyi ìre ikeyi: Ìmun̄ lek kinyi me chieen̄.

Mebe enyi ìre ebi linyọn̄, kè ebi linyọn̄ èma enyi kubọk ebi kiban̄. Ire, enyi kpere ebi linyọn̄, mije, ǹgogobo enyi isibi me linyọn̄. Îre eya orọ mè ebi linyọn̄ echa enyi.