Luk 9 سے مشہور بائبلی آیات

شئیر

Jisọs onenitumu inyi ebi udun̄ kan̄ mè otutuuk ebi ìkup me ere ya ibe, “Ire ikaan̄ ogwu òbogọọk emi, ene ya ijit lek kan̄, mè iben uti nkwurieen̄ kan̄ egwe geelek isa ikigọọk emi.

Mije, ene geelek òweweek ibọbọọk ugwem kan̄, ene ya môfiin̄ ugwem ya. Ire, ogwu geelek òfifiin̄ ugwem kan̄ mije n̄a, ene ya môkaan̄ ugwem kan̄.

Jisọs ofọfọọk ogwu enerieen̄ ya ibe, “Ene geelek òkisa eriembuuk ibak ijọn̄ ere ìbowop mfut me emen uko, mè ikiraan̄ chieen̄ ikpọ udun̄, ene ya ìkagbe ogwu òbosi ikwaan̄ me emen mkpulu eyi Awaji.”

Ìre kpasi oruru ke ene obokaan̄, ire ene ikaan̄ otutuuk linyọn̄, mè ifiin̄ lek kan̄, mè ìyaka ire, mè ichep lek kan̄ ire mgbọ ikakaan̄ge itata?

Ire ikaan̄ ogwu itet esip mije n̄a, mè ìre mije ikọ n̄a, emi Gwun̄ Ebilene mâtet esip si mije ene ya mgbọ mânube me ujamgbugbo eyi n̄a, mè ujamgbugbo eyi Nte n̄a, mè eyi ebi osat Awaji ìkup mbuban.

Jisọs ofọfọọk ọmọ ibe, “Ekpuuruk îkaan̄ udọn̄ ere îkiluk, unọn òwulu me inyọn̄ îkaan̄ si uwu ere îkiluk. Ire, emi Gwun̄ Ebilene, ǹkakaan̄ ere nkinin̄ isiki ilaak itap efuuk.”

mè initumu inyi ema ibe, “Ene geelek òbọbọkọ sọntiik gwun̄ yi itap me erieen̄ n̄a ìbọkọ emi itap. Ene geelek òbọbọkọ emi itap ìbọkọ ogwu òraria emi inu itap. Eya orọ, ene geelek òsisip ichit me etete kinyi, ogwa ore ogwu òmimin ichit.”