San Mateo 16 سے مشہور بائبلی آیات

شئیر

Ra saa ndikaꞌan Jesús xiꞌin ndia itaꞌan xiꞌin ra kachi ra saa: ―Tu ndia ndo kuni kundikun yuꞌu, ra xiniñuꞌu ^kaꞌndia ini ndo xaꞌa mii ndo, ra ndakasoko ndo cruz ndo ra kundikun ndo yuꞌu.

Ra yuꞌu tu, kaꞌan xiꞌin kun vichin, ña ndakunani kun Pedro. Ra tuꞌun “Pedro” yoꞌo, ra “yuu” va ke kachi ña. Ra sata yoꞌo ke kata yu yuvi na ndikun yuꞌu, ra ndia nii ñaꞌa kuchüun sandiꞌi xaꞌa na, ra nii ña ndii ña xaꞌni yuvi kuchüun sa tiaa nuu na.

Ra ndaꞌa yoꞌo ke taxi yu yave, ña ndakuiña yeꞌe nuu xaꞌndia Ndioxi chiñu. Ra takundiꞌi ñaꞌa ña chikuꞌni kun nuu ña yuuvi yoꞌo, ra kunuꞌni tu ña ndivi va, ra takundiꞌi tu ñaꞌa ña ndaxi kun nuu ña yuuvi yoꞌo, ra ndaxi tu ña ndivi va ―kachi Jesús xiꞌin ra Pedro.

Chi takundiꞌi yuvi, na kuni sakaku mii nuu ña yuuvi yoꞌo, kuvi na ndiꞌi xaꞌa va, ra takundiꞌi tu na xiin ndataxi mii ña ndoꞌo na xaꞌa yuꞌu, kuvi na niꞌi kutiaku va.

Ra vaꞌa ni na koo takundiꞌi va ñaꞌa ña iyoo nuu ña yuuvi yoꞌo nuu yuvi, ndi su tu na sandoñuꞌu tu na nima na, saa ra köo vaꞌa yaꞌvi ndiaa vi ña. Ra ndia nii tu ñaꞌa küvi kuniñuꞌu na ña chaꞌvi na xaꞌa ña niꞌi na kutiaku nima va na.

Ra saa nindakatuꞌun ra ndia kachi ra saa: ―Ra ndoꞌo tu, ¿yo kuvi yuꞌu, tuvi ndo? ―kachi ra xiꞌin ndia. Ra saa ndakuiin ra Simón Pedro kachi ra saa: ―Tata, yoꞌo kuvi seꞌe Ndioxi ra tiaku, ra xa̱à kun ña sakaku na yuuvi yoꞌo ―kachi ra xiꞌin Jesús.

Ra saa ndakuiin Jesús kachi ra saa xiꞌin ra: ―Vaꞌa ni ^kee kun, Simón, seꞌe ra Jonás, saa chi süvi na yuuvi yoꞌo kuvi na nditaxi ña xinituni yoꞌo ndaꞌa kun, ña vaꞌa kundaa ini kun, chi Tata yu Ndioxi ra iyoo ndivi va kuvi ra taxi ña ndaꞌa kun.