San Mateo 18 سے مشہور بائبلی آیات

شئیر

Saa chi nuu ndakitaꞌan uvi a uni yuvi, na kandixa yuꞌu, ra tiañu na kan íin va yu ―*kachi Jesús xiꞌin ndia.

’Ra kuni yu ña na kundaa ini ndo, chi tu uvi ndo na chitaꞌan tuꞌun nuu ña yuuvi yoꞌo, ña kaꞌan ndo xiꞌin Ndioxi, xaꞌa ndia iin ña kuni ndo, saa ra Tata yu Ndioxi ra iyoo ndivi, ra taxi va ra ña ndaꞌa ndo.

Ra saa kana Jesús iin ra loꞌo, ra xanindichi ra ra maꞌñu ndia. Ra ndikaꞌan ra xiꞌin ndia kachi ra saa: ―Ña ndixa kaꞌan yu xiꞌin ndo, chi tu na ^ndasäma ndo ña nduu ndo ta kuꞌva iyoo na kuachi vali, saa ra kuchüun ndo kiꞌvi ndo ndivi nuu iyoo Ndioxi ña koo ndo xiꞌin ra.

Saa chi yuvi na xa ni̱nu̱ xiꞌin mii ta kuꞌva iyoo ra loꞌo yoꞌo, ra na kan kuvi na kuu na kunaꞌnu vaꞌa ka va nuu xaꞌndia Ndioxi chiñu.

Ra ndia ndia ka yuvi na ndakiꞌin mani iin na vali taꞌan ra loꞌo yoꞌo xaꞌa ña ndikun na yuꞌu, ra yuꞌu va kuvi ra ndakiꞌin mani na ―kachi Jesús xiꞌin ndia.

’Ra ña ndixa ke kaꞌan yu xiꞌin ndo, chi takundiꞌi ñaꞌa, ña chikuꞌni ndo nuu ña yuuvi yoꞌo, ra kunuꞌni tu ña ndivi va, ra takundiꞌi tu ñaꞌa, ña ndaxi ndo nuu ña yuuvi yoꞌo, ra ndaxi tu ña ndivi va.

Ra saa ndikaꞌan ka Jesús xiꞌin ndia kachi ra saa: ―Ta kuꞌva xa ra rey kan xiꞌin tiaa kan ke, sa tu Tata yu Ndioxi ra iyoo ndivi xiꞌin ndoꞌo va, tu na kuïin ndo ña sa kaꞌnu ndinuni vaꞌa ini ndo xaꞌa na taꞌan ndo ―kachi Jesús xiꞌin ndia.

Saa ndikaꞌan ka Jesús xiꞌin ndia kachi ra saa: ―Ndia ndia ka yuvi na kuu mii kuachi, ña sakoyo na iin yuvi na xa ninu xiꞌin mii ña ndikun na yuꞌu, ra vaꞌa ka va ke yachi na kunuꞌni iin yuu katia chee sukun na, ra koꞌni na na ini mini.

’¿Ndixaa tuvi ndo? Tu iin tiaa ra iyoo iin ciento ndikachi sana ra, ra na ndoñuꞌu indaa ri nuu ra, saa ra, ¿a ndaköo ñaꞌa ra ri kumi xiko xaꞌun kumi kan, ra kuꞌun ra iinii kuvi iku ña nanduku ra ri nindoñuꞌu kan, tuvi ndo? ¿Su kuꞌun va ra xaꞌa ri?