Sant Lucas 19 سے مشہور بائبلی آیات

شئیر

Rag Mab an den a zo deuet evit klask ha savetei ar pez a oa kollet.

Hag e lavarent: Ra vezo benniget ar Roue a zeu en hano an Aotrou! Peoc’h en env, ha gloar en huella euz an envou!

Ha Jesus a lavaraz dezhan: Ar zilvidigez a zo deuet hirio en timan, rag he‐man a zo ive bugel da Abraham.

Pa oe erruet Jesus eno, e savaz he zaou‐lagad, hag o velet Zakeus, e lavaraz dezhan: Zakeus, disken buhan; rag red eo d’in loja en da di hirio. He‐man a ziskennaz eta buhan, hag a zigemeraz anezhan gant joa.

Hogen Zakeus a zavaz, hag a lavaraz d’an Aotrou: Aotrou, an hanter euz va madou a roan d’ar beorien, ha mar em euz great gaou ouz unan‐benag, n’euz fors en pe seurt doare, e rentan dezhan peder gwech kemend all.

Neuze darn euz ar Farizianed a oa e‐touez ar bobl a lavaraz dezhan: Mestr, gourdrouz da ziskibien. Hag hen o respont a lavaraz dezhe: Hen lavaret a ran deoc’h, mar deu ar re‐man da devel, ar vein a grio.