བཀོད་པ། 13 سے مشہور بائبلی آیات

شئیر

ཁྱོད་ཀྱི་མིག་གིས་མཐོང་ཚད་ཐམས་ཅད་བདག་གིས་ཁྱོད་དང་ཁྱོད་ཀྱི་བུ་རྒྱུད་ལ་གཏན་དུ་སྦྱིན་པར་འགྱུར༌རོ།།

དེ་ནས་ལོད་ཐུ་ཞེས་བྱ་བ་ཨབ་རམ་དང་ཁ་གྱེས༌རྗེས། དཀོན་མཆོག་ཡ་ཝཱེས་ཨབ་རམ་ལ་འདི་སྐད༌དུ། ཁྱོད་ཀྱིས་རང་གི་གནས་ཡུལ་ནས་མགོ་ཡར་བཀྱགས་ཏེ་ཤར་ལྷོ་ནུབ་བྱང་གི་ཕྱོགས་སུ་ལྟོས༌དང༌།

བདག་གིས་ཁྱོད་ཀྱི་རིགས་རྒྱུད་རྣམས་རྡུལ་གྲངས་དང་མཉམ་པར་བྱ་ངེས༌ཡིན། སུ་ཞིག་གིས་ས་ཡི་རྡུལ་གྲངས་ལ་རྩིས་ལེན་ཐུབ༌ན། ད་གཟོད་ཁྱོད་ཀྱི་རིགས་རྒྱུད་ལའང་རྩིས་ལེན་ནུས༌སོ།།

དེ་ནས་ཨབ་རམ་གྱིས་ལོད་ཐུ་ལ་འདི་སྐད༌དུ། ངེད་གཉིས་འཁྲུག་རྩོད་བྱ་མི་འོས༌ལ། ཁྱོད་ཀྱི་རྫི་བོ་དང་བདག་གི་རྫི་བོ་གཉིས་ཀྱང་རྩོད་མི་འོས༌སོ། །ཅིའི་ཕྱིར་ཞེ༌ན། རང་ཅག་ནི་སྤུན་མཆེད་ཡིན་པའི་ཕྱིར༌རོ།།

དེ་ནས་ཨབ་རམ་གྱིས་རང་གི་སྦྲ་གུར་གནས་སྤར༌ཞིང༌། ཧེབ་རོན་གྱི་མཱན་རེའེ་ཞེས་བྱ་བའི་བེ་ཤིང་སྐྱེད་ཚལ་གྱི་ཉེ་འགྲམ་དུ་བསྡད་པ་དང་། གནས་དེ་རུ་དཀོན་མཆོག་ཡ་ཝཱེ་ལ་མཆོད་ཁྲི་ཞིག་བཞེངས༌སོ།།

དེ་ནས་ལོད་ཐུས་མགོ་ཡར་བཀྱགས་ཏེ་ཡོར་དན་གཙང་པོའི་ཡུལ་འཁོར་ཐམས་ཅད་ལ་བལྟས་པ༌ན། ས་ཆ་ཡོངས་སུ་ཆུ་ཤིན་ཏུ་མང་བ༌མཐོང༌། ཡུལ་དེ་ནི་ཚོ་ཨར་གྱི་བར་དུ་དཀོན་མཆོག་ཡ་ཝཱེས་སཱ་དོམ་དང་གཱ་མོ་ར་གཉིས་འཇོམས་པར་མ་མཛད་སྔོན་གྱི་དཀོན་མཆོག་ཡ་ཝཱེའི་ལྡུམ་ར་དང་འདྲ༌ཞིང༌། ཨེ་ཅིབ་ཀྱི་ཡུལ་དང་མཚུངས༌པས།