བཀོད་པ། 15 سے مشہور بائبلی آیات

شئیر

དེ་ནས་ཨབ་རམ་གྱིས་དཀོན་མཆོག་ཡ་ཝཱེ་ལ་དད་པ་བྱས་ཤིང་དཀོན་མཆོག་ཡ་ཝཱེས་ཀྱང་ཁོང་ནི་མི་རྣམ་དག་ཏུ་བརྩིས༌སོ།།

དོན་དེའི་རྗེས༌སུ། ཨབ་རམ་གྱི་ཞལ་གཟིགས་ནང་དུ་དཀོན་མཆོག་ཡ་ཝཱེས་བཀའ་བབས་ཤིང་ཁོང་ལ་འདི་སྐད༌དུ། ཨབ༌རམ། ཁྱོད་རང་འཇིགས་མི་དགོས༌ཏེ། བདག་ནི་ཁྱོད་ཀྱི་ཕུབ་ཡིན༌ཞིང༌། བདག་གིས་ཁྱོད་ལ་བྱ་དགའ་ཆེན་པོ་ཞིག་སྦྱིན་པར་བྱ་ཞེས་པ༌དང༌།

དེ་ནས་ཁོང་གིས་ཨབ་རམ་ཕྱི་རོལ་ཏུ་ཁྲིད་དེ་འདི་སྐད༌དུ། ཁྱོད་ཀྱིས་ནམ་མཁར་ལྟོས༌དང༌། ནམ་མཁའི་སྐར་མ་ཐམས་ཅད་བརྩི་ནུས༌སམ། བརྩི་ནུས་ན་རྩིས་ཤིག་ཅེས༌དང༌། ཡང་ཁོང་གིས་འདི་སྐད༌དུ། ཁྱོད་ཀྱི་རིགས་རྒྱུད་ཀྱང་དེ་བཞིན་དུ་འབྱུང་བར་འགྱུར་ཞེས་གསུངས༌སོ།།

ཡང་དཀོན་མཆོག་ཡ་ཝཱེས་བཀའ་བབས་ཏེ་འདི་སྐད༌དུ། མི་དེ་ཁྱོད་ཀྱི་ཁྱིམ་རྒྱུད་འཛིན་མཁན་དུ་མི༌འགྱུར། ཁྱོད་རང་ལས་སྐྱེས་པའི་བུ་ནི་ཁྱོད་ཀྱི་ཁྱིམ་རྒྱུད་འཛིན་མཁན་དུ་འགྱུར་བ་ཡིན་ཞེས༌པའོ།།

དཀོན་མཆོག་ཡ་ཝཱེས་ཨབ་རམ་ལ་འདི་སྐད༌དུ། ཁྱོད་ཀྱིས་ངེས་པར་ཤེས་དགོས་པ༌ནི། ཁྱོད་ཀྱི་རིགས་རྒྱུད་རྣམས་མི་རིགས་གཞན་གྱི་ཡུལ་དུ་སྡོད་པར་བྱེད༌ཅིང༌། ཁོ་རྣམས་ཀྱིས་ལོ་འཁོར་བཞི་བརྒྱའི་རིང་ལ་ཡུལ་དེའི་མི་རྣམས་ལ་གཡོག་བྱེད་པ་དང་དེ་དག་གི་གཉའ་གནོན་མྱང་བར་འགྱུར༌རོ།།

ཨབ་རམ་ན༌རེ། ཀྱེ། གཙོ་བོ་ཡ་ཝཱེ༌ལགས། བདག་ལ་བུ་མེད་པས་ཁྱེད་ཀྱིས་བདག་ལ་ཅི་ཞིག་གནང་བར༌བྱའམ། བདག་གི་ཁྱིམ་རྒྱུད་འཛིན་མཁན་ནི་དཱ་མེ་སེག་གི་ཨེ་ལི་ཨེ་བཟིར་ཡིན་ཞེས་པ༌དང༌།

ཉིན་དེ༌ལ། དཀོན་མཆོག་ཡ་ཝཱེས་ཨབ་རམ་ལ་ཞལ་ཆད་བཞག་སྟེ་འདི་སྐད༌དུ། བདག་གིས་ཨེ་ཅིབ་ཀྱི་ཆུ་བོ་ནས་ཕི་རཱད་ཆུ་བོའི་བར་གྱི་ས་ཆ་འདི་དག་ཁྱོད་ཀྱི་རིགས་རྒྱུད་ལ་སྤྲད་ཟིན༌ཏེ།

དེ་ནས་མི་རབས་བཞི༌པར། ཁྱོད་ཀྱི་རིགས་རྒྱུད་རྣམས་ཕྱིར་ཡུལ་འདིར་འབྱོན་ངེས༌ཏེ། ཨེ་མོར་མི་རིགས་ཀྱི་ནག་ཉེས་ད་དུང་ལོངས་མེད་པའི་ཕྱིར་ཡིན་ཞེས་གསུངས༌སོ།།