Čơdơ̆ng Phŭn 21 سے مشہور بائبلی آیات

شئیر

Yêhôwa brơi tơlơi mơyun hiam kơ HʼSara kar hăng tơlơi Ñu hmâo pơhiăp laih, laih anŭn ngă brơi kơ ñu kar hăng tơlơi Ñu hmâo ƀuăn laih.

Ơi Adai hmư̆ dơnai čơđai anŭn hia, ling jang Ơi Adai mơ̆ng adai adih iâu HʼAgar laih anŭn laĭ: “HʼAgar, hmâo tơlơi hơgĕt truh kơ ih? Anăm hwĭ ôh! Yua kơ Ơi Adai hmâo hmư̆ laih čơđai anŭn hia ƀơi anih ñu dŏ. Tơgŭ bĕ, rŭ tơgŭ ană ih laih anŭn kwar mă ñu amăng tơda ih, yua kơ Kâo či ngă brơi kơ ñu jing hĭ sa kơnŭng djuai prŏng.”

HʼSara pi kian, tơkeng brơi kơ Abraham sa čô ană đah rơkơi tơdang thŭn ñu tha laih, djơ̆ hrơi blan Ơi Adai hmâo ƀuăn laih hăng ñu.

HʼSara laĭ: “Ơi Adai hmâo ngă brơi kâo klao, abih bang mơnuih hmư̆ či hơ̆k mơak hăng kâo.”

Samơ̆ Ơi Adai laĭ kơ Abraham: “Ih anăm bơngơ̆t đơi kơ ană đah rơkơi laih anŭn kơ pô ding kơna đah kơmơi ih dơ̆ng ôh. Hơgĕt tơlơi HʼSara laĭ, brơi ih hmư̆ ñu bĕ, yua kơ mơ̆ng Isak, či hmâo rai sa kơnŭng djuai arăng či iâu tui hăng anăn ih.

Kâo ăt či ngă brơi ană đah rơkơi pô ding kơna đah kơmơi anai jing hĭ sa kơnŭng djuai, yua kơ ñu ăt hmâo tơbiă rai mơ̆ng ih mơ̆n.”