Matthieu 7 سے مشہور بائبلی آیات

شئیر

Edoudjidjé a da karesè, esangidjé a sésè a kingaidjé, oundaidjé tadeo kei a da kòrou karesè.

Mbata dooudjé kada kada toï ke doudjou dinga, nè ke nsange, nè ninga, nè ke nounda tadeo kei da kòrou karè.

Bana dooudjé kada kada toï ke wo tar lom nèn, ke dèdè ngem, dèdè nto tokou ndjè kemkarè ke da kei la do err té.

Tokou ban, né ke sésè ndikidjé ta kare dooudjé da kesè, edaidjé kedè tokou ban to, mbata yèn to tar ndedji ke prophètedjé.

Mbata ta deo ke to ngadji, ke deo ke to ngeng ao loou tébe té, dèdè ke dinga deo nèn mbaya ang.

Abidjé ke ta deo té ke to ngadji, mbata ta deo ke taaté, ke deo ke to ngeng ang ao loou toudjou té, dèdè ke dao deoè té nto ke baya.

Tokou ban, tokou sésè ke etoidjé madjang egeridjé ta kare né ke madji ngansè, Bòsésè ke éh dara ndiki madji wota ta kare né ke madji dèdè ke ndoudjè ang wa?

Egangidjé saria ang, baa ta kare da gange saria dòsè té ang. Mbata da gange saria kesè deo kadaba tokou sésè egangidjé saria kedè, ke da kòdjousè deo kadaba tokou marè ke òdji-djédè to.

Dooudjé kada kada toï ke wo tar lom nèn, ke dèdè ngem ang, dèdè nto tokou mbe ke da kei la do nangara té.

Mbata di a i wo ngoi kake ke to kem ngoköi té, a i wo doukourou kake ke to kemi té ndja ang wa? Aséh i a pa kare ngoköi tokou di wa, Arem mòrou ngoi kake ke to kemi té, tokou doukourou kake to kemi té ndja wa?

Aïndjé prophètedjé ke ndjè ngem, ke doula koubou bi batidjé ta dé ròsè té, a ke mèdè té dèdè nto ndjakemdjardjé ke boo dadè nya. Sésè a geridjédè deo kandé té lodè. Doudja kandé ndouou kake konn té, aséh kandé toungoutisa kourengangeya té wa?

Tokou ban, kake toï ke to madji an kandè ke madji, a kake ke toudjou mba an kandè ke madjang.

Kake ke to madji ase kan kandè ke madjang ang, ke kake ke toudjou mbä ase kan kandè ke madji ang to.

Kake kada kada toï ke an kandè ke madji ang, ntoukadè, diladè pouro.