Cɑ̈gø 15 سے مشہور بائبلی آیات

شئیر

Abrɑm ɑ́yïëy ki kwøbbi Jwøng-ɑ Ácwɑ̈ɑ̈j. Kɑ yïëyi Abrɑm yïëy yi Jwøng-ɑ Ácwɑ̈ɑ̈j kinni bɑ dyër, kì bɑng yïëyø menɑni, Abrɑm ɑ́kwɑny yi Jwøng-ɑ Ácwɑ̈ɑ̈j ɑ́ ngeti dyër.

Kì bɑng keny-ɑ ɑ́rum gïgɑni ki cwöbø, kɑ Jwøk, Jwøng-ɑ Ácwɑ̈ɑ̈j møge köbbe Abrɑm kì yethi lɑ̈g, ɑ́kööb kinni, “Abrɑm, yï ko böggi, yï ókor yi yɑn, kɑ yï nëngɑ ki köögi me dwøng cɑrø.”

Kɑ Abrɑm kïdhi wɑ̈g yi Jwøng-ɑ Ácwɑ̈ɑ̈j, ɑköbbe gøn kinni, “Lïïdh mɑl kɑ kyell kwɑɑn, keløg ge olwɑ̈ngø yi yïn ki kwɑnø.” Kɑ dhøge leenge kinni, “Kwɑrrí thyew óbëëd ge gïïr kinøw, ge pɑ cuggi kwɑnø.”

Aköbbi Abrɑm yi Jwøng-ɑ Ácwɑ̈ɑ̈j kinni, “Pɑth ki en ɑ ólɑg jɑmmí. Dïl wɑ̈dí ceth, en ɑ ólɑg jɑmmí.”

Codhe, kɑ Jwøng-ɑ Ácwɑ̈ɑ̈j Abrɑm köbbe kinni, “Ngɑ̈nyí wøw kinni kwɑrrí ótwɑ̈li kɑ ge obëëdø gɑ wëdhh kì piny me pɑth ki mi gen. Ge ógwøg gɑ bɑ̈ngg yi tyëng pönhɑni, kɑ nyingi gen guud, ki runn miy ɑ́ngwen.

De Abrɑm ɑ́kööb kinni, “Á ngø ɑ ómëggí yɑn, yïn ɑ Wɑ̈ɑ Jwøng-ɑ Ácwɑ̈ɑ̈j? Yïɑ bong wɑ̈d, o bɑ Eliedher jɑl Dimɑceg ɑ ólɑg jɑmmɑ bënn keny-ɑ óthøwɑ.”

Dicyɑ̈ngɑni Jwøng-ɑ Ácwɑ̈ɑ̈j kwøb ɑ́nywɑg gen geki Abrɑm, ɑkööb Jwøng-ɑ Ácwɑ̈ɑ̈j kinni, “Kwɑrrí ómëggɑ piny-ɑ kɑɑm nɑɑm Rïp geki nɑm-ɑ dwøng Porɑt.

Kwɑrrí ódwöög piny men, e kwɑrri kwɑrrí rumø nywølø. Ómɑ̈gi ki keny me bɑ̈ɑ̈r kinøw, mɑ́ bøli keny-ɑ ócɑyɑ tyëng Amör kipe orøøg gen nuti bëënø.”