Matyù 18 سے مشہور بائبلی آیات

شئیر

Mbə̀ʼnə alyiʼə nɨ pànə̀ pɨpaa kə̀ pɨtarə shwatə̀nə aŋunə nɨ̀linə̀ ɨ̀tsâ, ngwa alyiʼə ghu pəə pɨ pobə.”

Ǹchi nkẅìʼnə̀ nshwəŋə̀ ambo pɨghə lo, pɨghə pɨpaa tə pyiimə̀ àtwuə̀ ɨ̀shyə̂ ghə a nɨ loonə̀ àzwuumə̀ àtsùmə̀ nɨ nɨ̀ pyiitə̀nə, yi Tǎ ɨwəə a nɨ̀pwuurə̀ à pɨ ŋâ a zèrə ambo pɨghə.

Yěsû, a fuŋə̀ a mɨlyiʼə mɨnkɨ̂ a tô mbaatə̀ e, a tə̂ e a tɨ̀tɨ̀rə̀ pobə, nshwəŋə̀ ambo pobə lo, “A tyìʼə̀ nkǔŋə nkuŋə lo nɨ̀ tə ghoŋə̀ a wɨghə tə pə̀ŋə̀ ntyiʼə̀ tsaʼa kɨyii àghòbə, yi mbə̀ʼə nɨ̀ laʼa nkwuunə̀ a wɨghə amwuə ànwùə̀ Nɨ̀fò nɨ̀pwuurə̀ apə̀.

Ŋònə̀ ngẅùunə amwuə ànwùə̀ Nɨ̀fò nɨ̀pwuurə̀ a ẅùə̀ wa nɨ à shwuʼkə̀nə mbɨ̀ŋmə̀ e ntyiʼə̀ mbə tsaʼa mɨnkɨ̂ wə̀.

Lenəla, ŋònə̀ nɨ à kẅiirə̀nə a mɨnkɨ̂ tsaʼa wə̀ aŋunə nɨ̀linə̀ ɨ̀tsâ à kẅiirə̀ la gha.

“Ǹshwəŋə̀ tyìʼə̀ nkǔŋə nkuŋə ambo pɨghə lo ànwùə̀ nɨ nɨ̀ korə̀nə àtwuə̀ ɨ̀shyə̂ ghə pɨ̌ kɨ korə̀ a zèrə a nɨ̀pwuurə̀, zhyə̂ za nɨ nɨ̀ kyàatə̀nə àtwuə̀ ɨ̀shyə̂ ghə, pɨ̌ kɨ kyàatə̀ a nɨ̀pwuurə̀.

Yěsû a tyiʼə̀ ndẅùutə̀ lo, “Lə̌ tsaʼnə tǎ ɨwəə a nɨ̀pwuurə̀ à ghǎ ghɨ̀rə̀ aŋunə pɨghə moʼo moʼo mbə̀ʼə nɨ ka pə lə̀ənə̀ a wɨghə ɨ̀fàntə̀ ɨ̀nwùə̀ pɨlyimə ɨ̀pɨghə amwuə mɨ̀ntɨŋmə̀ ɨ̀mɨghə.”

“La ŋònə̀ ɨ̀tse à tə ngɨ̀rə̀ lo taʼà mɨnkɨ̂ wə̀ ɨ̀tse nɨ à nùŋə̀nə ntɨŋmə̀ e aŋunə mɨ̀ŋə̀ â kunə̀ amwuə tɨ̀pòŋə̀ yi a pòŋə̀ lo pɨ̀ korə̀ a àlẅèŋə̀ yè ẅùunə a loŋə ze mmàʼà e â ẅènə̀ amwuə nchyə ghu nɨŋnə̀nə.

Nɨ̀ kwàŋə̀ lo àkə? Mbə̀ʼə ŋwùə̀ a tə mbə la ntwuʼtə̀ mbyə̂ ndzìrə̀ ɨ̀ze nkɨrə, taʼà a furə̀ amwuə àpùŋə̀ ghu mbî, a ka myàʼtə̀ e a myə̀ mɨ̀ghumə̀ nɨ̀pwùʼə ntsòbə̀ nɨ̀pwùʼə a kòŋə̀ ndèrə̀ ngə̀ ntàʼà a zhyə̀ nɨ ɨ̀ pînə la?