Matyù 7 سے مشہور بائبلی آیات

شئیر

“Nɨ̀ pyiitə̀, pɨ̌ ŋâ ambo pɨghə; ntàʼà, nɨ̌ zəənə̀; ntsòotə̀, pɨ̌ ẅùʼə̀ ŋŋâ ambo pɨghə.

Ntiinə ŋwùə̀ ntsùmə̀ nɨ à pyiitə̀nə, ǎ kẅiirə̀; ŋwùə̀ ntsùmə̀ nɨ à tàʼnə, ǎ zəənə̀; ŋwùə̀ ntsùmə̀ nɨ à tsòotə̀nə, pɨ̌ ẅùʼə̀ ŋŋâ ambo ze.

“Njiilo ŋwùə̀ wa ntsùmə̀ nɨ à zuʼnə ɨ̀shwəŋnə̀ ɨ̀pâ nkɨ mmə nfàʼà nɨ pèrə la, à chyə̂ la tsaʼa ngàŋə̀ àzhìʼtə̀ nɨ à poomə̀nə ndâ e àtwuə̀ àlàrə̀kə̀ nɨ̀ghòorə.

“Mə ngɨ̀rə̀ ɨ̀nwùə̀ pa pyə̀ nɨ wə̀ kòŋə̀nə lo pɨ̀ ghɨ̀rə̀ aŋunə ghò la aŋunə pɨ̀tse pə̀ənə̀. Mbə̀ʼnə lə̌ ànwùə̀ nɨ mbòomə Mǔsî pobə àshwəŋnə̀ ngàŋə ntwuumə̀ Nẅùə̀ lə̀ mənə nshwəŋə̀ la.

La ntswùə̀ ndâ wa nɨ ɨ wa ndèrə̀ amwuə nɨ̀chyə̂mbyə̂ la ɨ kɨ̂, àlàŋə a kɨ ntɨ̀ŋnə̀ ka mɨ̀zùŋə; a pə kɨ zəənə̀ e tyìʼə̀ pànə̀ pɨ̀kɨ̂ zəənə̀ a zèrə.

“Nɨ̀ làŋə̀ amwuə ntswùə̀ ndâ ghù kɨ̂ wa nkwuunə̀ ntiinə ntswùə̀ ndâ ghù ẅùunə wa nɨ ɨ nyaʼkə̀nə, àlàŋə a təəmə̀ la, ɨ lèrə̀ la a amwuə àkɨɨnə̀ ɨ̀mǔ. Pànə̀ pɨ̀noʼnə pa ndzùŋə̀ àlàŋə zèrə zə ngyìinə̀ aŋunə.

Pɨghə ngàŋə ngɨ̀rə̀ ɨ̀nwùə̀ tɨ̀pòŋə̀ tə nzhyə̂ a nɨ ŋâ ɨ̀pwuumə̀ pɨ̀shìʼnə̀ ambo ɨ̀poonə̀ ɨ̀pɨghə, Tǎ ɨwɨghə a nɨ̀pwuurə̀ à tyiʼə̀ ka ŋâ e ɨ̀pwuumə̀ pɨ̀shìʼnə̀ ambo pànə̀ nɨ pɨ pyiitə̀nə e ntii àkə?

“Kò wə̀ kɨ ntsoʼtə̀ o pànə̀ pɨ̀tse, njiilo Nẅùə̀ à kɨ ntsoʼtə̀ e a ghò apə̀. Ntiinə, Nẅùə̀ à ghǎ tsoʼtə̀ o la tsaʼnə wə̀ kɨnə mmə ntsoʼtə̀ a pɨ̀tse pə̀ənə̀. Ndwuumə̀ nɨ wə̀ mənə nfàʼà ambo pɨ̀tse pə̀ənə̀ la ndwuumə̀ nɨ pɨ̌ kɨ fàʼà ambo ghò.

“La ŋwùə̀ wa ntsùmə̀ nɨ à zuʼnə ɨ̀shwəŋnə̀ ɨ̀pâ pə̀ ka mə fàʼà nɨ pèrə à chyə̂ la tsaʼa àpuukə̀ ŋònə̀ wa nɨ à lə̀ poomə̀nə ndâ e àtwuə̀ waakə.

A ghɨ̀rə̀ àkə wə̀ zəənə̀ àkɨ̀ghɨ nɨ a pənə a nɨ̀lyə̂ ndyimə o, la ka pə zəənə̀ o ntoomə̀ nɨ ɨ̀ pənə a nɨ̀lyə̂ ghò? Kə̀ mbə̀ʼə wə̀ làŋə̀ lə ɨla nshwəŋə̀ ambo ndyimə o lo, ‘Tô n̂fuukə̀ àkɨ̀ghɨ zə a nɨ̀lyə̂ ghò,’ la nɨ ntoomə̀ ntwaanə̀ e a nɨ̀lyə̂ ghò.

“Nɨ̀ zhìʼtə̀ a wɨghə nɨ ngàŋə ntwuumə̀ Nẅùə̀ pɨ pɨ̀chwìrə̀ nɨ za ntô ambo pɨghə amwuə ngòbə̀ mbyə̂ ndzìrə̀, la mbə pəfuunə pɨ̀tsə̂nə amwuə ɨmwuə. Nɨ̀ ghǎ zhyə̂ a ghobə aŋunə mɨ̀ntàamə ɨ̀mobə. Mbə̀ʼə àtɨ̀ghə pɨ̀kɨkobə a laʼa ndzumə̀ e nɨpyə apə̀, kə̀ ɨtsaamə ɨ laʼa ndzumə̀ e a pyâ apə̀?

Àtɨ̀ghə yè ɨ̀shìʼnə̀ a zumə̀ pə mɨ̀ntàamə mɨ̀shìʼnə̀, àtɨ̀ghə tɨ̀pòŋə̀ a kɨ mmə ndzumə̀ mɨ̀ntàamə mɨ tɨ̀pòŋə̀.

Mbə̀ʼə àtɨ̀ghə yè ɨ̀shìʼnə̀ a laʼa ndzùmə̀ e mɨ̀ntàamə mɨ tɨ̀pòŋə̀ apə̀. Àtɨ̀ghə tɨ̀pòŋə̀ a kɨ ndaʼa ndzùmə̀ e mɨ̀ntàamə mɨ̀shìʼnə̀ apə̀.

Pɨ pa ngwàrə̀ àtɨ̀ghə za àtsùmə̀ nɨ a za ka zumə̀ e mɨ̀ntàamə mɨ̀shìʼnə̀ la mmàʼà amwuə ɨ̀mǔ.