Luka 6 سے مشہور بائبلی آیات

شئیر

Mukipfa wantu hiviḍe mwivyonavyo na mojo mumodza, Muungu anamugalichia vingine. Anamumpa vya kudzaa na kukandwa-kandwa hat̯a vihike-hike. Koro hikiḍe kipimo mwichonapimia nacho wenzenu, ndicho mudzechopimijwa nacho.”

Muntu mwema anahenda mambo mema yeyonayawana na ntaa ya wema wa mojowe. Na muntu muzuka anahenda mambo mazuka yeyonayawana na ntaa ya uzuka wa mojowe. Koro cha muntu echonanena kinayanga hiviḍe vya hu mojowe uivyo!”

Ela mimi nyakumwambiani, watsakeni nyabva wenu na muwahendeye mema. Wapfaseni pfasipfo kuyoweeya kugalichizwa. Mukihenda dzavyo Muungu anamumpa t̯ubvo kuu. Nanywi munawa wana wa Muungu awee dzuu. Jeje ni mwema kwa hawaḍe wasio ḍuḍa na hat̯a kwa wazuka.

Ndookomu nichokunenani ni kwamba, wani wat̯ei, dza vya Baba jwenu jwa mbinguni aivyo mut̯ei.”

Yesu kagija kuyongweeza kamba, “Namutsehukumu wenzenu ili nanywi mutsekudzahukumigwa. Namutsealat̯a wenzenu, ili nanywi mutsekudzaalat̯igwa. Wayatsiyeni wenzenu ili nanywi mupate kuyatsijwa ni Muungu.

Yesu kagija kunena nao kawamba, “Ela mimi nyakumwambiani nywinywi mwiwokunisikiiyani kwamba, watsakeni nyabva wenu na muwahendeye mema hawaḍe wamukeveyeo. Wavodhyeni hawaḍe weonamuḍuwa na muwayombeye hawaḍe weonamuhendea mazuka.

Wahendeyeni wangine dza hiviḍe mwivyonatsaka wakimuhendea nywinywi.

Muntu akikuwaja ipfi mfunda modza, muperuziye na hi ingine. Na muntu akikudhara kotiḍyo mumpe hat̯a hiḍi shati. Kula muntu akuyombeyee kintu mumpe. Na muntu akikupfoka kintucho, nkudzokimulache kawii.

Makisa Yesu kawamba, “Muhi mwema ntauvyae matunda mazuka, na wala muhi muzuka ntauvyae matunda mema.

Kula muhi unahambujwa na haya matunda wiyonavyaa. Koro muryela ntauwezi kuvyaa matunda ya mutini, na wala munga ntauwezi kuvyaa zabibu.