Jɔn 14 سے مشہور بائبلی آیات

شئیر

Yisa daa lan yɛl’ o nyaandoliba maa, “Suhudoo ka n zaŋ tin ya; mmaŋmaŋ’ suhudoo mi ka n zaŋ tin ya maa. Di pala dunianim’ ni tiri suhudoo shɛm la ka n tin ya maa. Di zɔriya dabiɛm bee n-chɛ ka yi suhuri zɔhira.

Ka Yisa garigi yɛl’ o, “Mani n-nyɛ soli maa, mani n-nyɛ yɛlimaŋli, mani n-lan nyɛ nyɛvili; ka so ku tooi chaŋ m Ba sani, ka pa ni o paala mani.

Yisa daa yɛl’ o nyaandoliba, “Di chɛliya ka yi suhuri zɔhira. Niŋmiya Naawuni yɛda, ka niŋ man’ gba yɛda.

Amaa m Ba ni yɛn tim Sɔŋda so ŋun nyɛ o Shia Kasi, ka o zaŋ n yuli kana la ni ti wuhi ya binshɛɣukam zaa; ka n ni daa wuhi ya shɛlikam zaa la, o ni ti teei ya li.”

“Ŋunkam deei n zaligu ka dol’ li, dilana n-nyɛ ŋun yuri ma; ka m Ba ni yuri ŋun yuri ma maa, ka n gba ni yuri dilana ka kahigiri mmaŋ’ wuhir’ o.”

N ni suhi m Ba ka o tin ya Sɔŋda so na ka o ti be yi sani hal ni saha din ka bahigu. O nyɛla Naawuni Shi’ so ni yɛlimaŋli ni be, ka dunianim’ ku tooi deeg’ o, dama bɛ bi nyar’ o, bɛ mi bi mi o; amaa yinim’ mi o, dama o be yi sani ka ni ti be yi ni.

Ka yi yi ti zaŋ n yuli suhi binshɛɣukam, n ni niŋ li ka m Ba nya jilima n zuɣu. Yi yi ti zaŋ n yuli suhi binshɛɣukam zaa, n ni niŋ li tin ya.”

Yisa daa lan yɛl’ o nyaandoliba maa, “Yi yi yuri ma, yi ni doli n zaligunima.

Duri pam be m Ba yiŋa. N chanimi ni n ti mali biɛhigu shee zali ya. Di yi di pa lala n naan ku yɛli ya di yɛla.

Ka n yi chaŋ ti mali biɛhigu shee maa zali ya, n ni labina nti zaŋ ya tahi mmaŋmaŋ’ biɛhigu shee, ka n ni ti yɛn be luɣ’ shɛli, nimaani ka yi gba ni ti be.

Ka Tomas bɔh’ o, “N Duuma, ti bi mi a ni chani luɣ’ shɛli, ka wula ka ti ni tooi baŋ di soli?”