Luuka 23 سے مشہور بائبلی آیات

شئیر

ɄYɨɨsʉ akata, “Gwe Daada, ʉvasyɨkɨle, ʉlwakʉva ʉgwʉ vivomba, navagamanyili.” Avasikali valya vakagavana ɨmisabwa gya Yɨɨsʉ, kʉ nzɨla jya kʉlagʉlɨla mu sigelelo sya veene.

ɄYɨɨsʉ akamwanda akata, “Tsa jɨlweli ndikʉkʉvʉʉla ʉkʉta, ɨleelo ɨjɨ vutsiiva paninie nʉʉne kʉkyanya kwa Ngʉlʉve.”

Pwʉ akata, “Gwe Yɨɨsʉ! Ndidoova ʉlaava vukwingila mu Lʉdeeva lwako, wiitse ʉngʼʉmbʉke!”

Pwʉ ʉYɨɨsʉ akalɨla kʉ limenyu ɨlivaha akata, “Gwe Daada! Ndigotola ɨnumbula jyango mu sivoko syako.” Wʉ atsovile ago, akaswa.

Wʉ vasiike apoonu apaatambʉlwagwa Liheela lya Ntwe, vakantovelela ʉYɨɨsʉ pa kɨdamingʼanie. Naveene avatulanongwa valya vavɨlɨ, vakavatovelela pa sidamingʼanie, mpamato ʉlʉvasu lwa kʉndyo lwa Yɨɨsʉ, ʉjyʉnge ʉlʉvasu lwa kʉngʼɨgɨ.

Ʉkʉtengʉla akavalɨlo ka ntanato (6) pamuunyi, ʉkʉsika akavalɨlo ka budikakʉpamato (9), ɨngʼiisi jɨkagwa mu kɨlʉnga kyoni, ɨlitsʉva pange lɨmulikage. Ɨlipasiya ɨlyale mu Vʉtaamo ʉVʉvalatse wa Ngʉlʉve, lɨkalendʉka pagati, lɨkɨgava pavɨlɨ ʉkʉhʉma kʉkyanya ʉkʉsika paasi.

Ʉmbaha va vasikali wʉ agaweene ʉgwʉ gahʉmye, akanʼginia ʉNgʉlʉve akata, “Tsa jɨlweli, ʉmuunu ʉjʉ akaale inʼgolosu!”