Mataayo 26 سے مشہور بائبلی آیات

شئیر

Muhweletsaage nʉ kwɨsaja ʉkʉta gʉpya gukwitsa ʉnsɨkɨ gwa kʉgelwa, ingelo tsileke ʉkʉvalema. Ɨnumbula jinogwa ʉkʉvomba inonu, lɨno ʉmmana gwʉ gulemwa.”

Pwʉ akavavʉʉla akata, “Ɨnumbula jyango jɨsʉsʉvye siitso, ɨsikye pa kɨgelelo kya kʉswa. Mutaame baaha muhweletsaage paninie nʉʉne.”

Akalʉta pavʉlongolo padebe, akagwa kɨvʉgudamo. Akɨsaja kwa Ngʉlʉve, akata, “Gwe Daada, ɨngave jikwɨdɨngʼana, ndikʉkʉdoova ʉleke ʉkʉkɨtavʉla ɨkɨnywelo kya vʉkʉvɨlwa ʉvʉlʉti ʉvʉ kɨnnyitsile ʉne! Napeene, ʉleke ʉkʉvomba ndʉwʉ ndinogwa ʉne, apeene ʉvombe ndʉwʉ vunogwa ʉve.”

Lola, ʉgʉ gwʉ nkisa gwango gwa lwɨdɨngʼano, ʉguduudika kʉ nongwa jya vaanu vongosu, pakʉta ʉNgʉlʉve avasyɨkɨle imbiivi tsa veene.

Wʉ vigendelela ʉkʉlya, ʉYɨɨsʉ akatoola ʉnkate, akasaana kwa Ngʉlʉve, akamenyula, akavapa avakongi va mwene, akata, “Tooli, litsagi, ʉgʉ, gwʉ mmana gwango.”

Ikange akatoola ɨkɨkombe, ɨkyale nɨ divai. Akasaana kwa Ngʉlʉve, akavapa, akata, “Tooli, nywetsagi nyɨ vooni.

Akakilivuka ʉpwʉ akavalekile avakongi va mwene, akavona vagoneelye itʉlʉ. Akambʉʉtsa ʉPetulo akata, “Ndeeti, mulemilwe ʉkʉhweletsa paninie nʉʉne naka kavalɨlo ka kasɨkɨ kapamato?

Ndikʉvavʉʉla ʉkʉta nandɨlaanywe ikange ɨdivai, ʉkʉtsisika pa kɨgono, ʉpwʉ ndɨlaanywa ɨdivai ɨɨmya, paninie nʉʉnyie, mu Lʉdeeva lwa Daada.”

Pwʉ ʉPetulo akakʉmbʉhɨtsa amamenyu galya ʉgwʉ ʉYɨɨsʉ akambʉʉlile agiita, “Ɨngʼongove wʉ najɨvɨkili, jʉvukʉmbeela kadatu.” Akahʉma kʉnzi, akalɨla siitso.

Sisimuki lɨno, tʉhege! Lola! Ʉmuunu ʉlya ʉvɨ ikʉnnyendama kʉ valʉgʉ ahegelye, alɨ piipi!”

ɄYɨɨsʉ akamʼbeetsa, akata, “Kilivula ɨpanga jyako mu kɨpako kya jyene, ʉlwakʉva avaanu vooni avikwibata ipanga pakʉta vabude avange, naveene valabudwa ni panga!